هذه قصيده للشاعر المرحوم
عامر بن حمد بن نوطان ال جابر المري
قالها عندما توفي المرحوم ضيدان بن ملهي بن قضعان
ياقصر وين اللي بك العام سكان= ليت الليالي اللي غدت به تعيده
اشوف فيك اليوم من كل الالوان= ازوال واجد غير ماهي مفيده
متنوعينِ من عزوبٍ وصبيان= ما احدٍ يهمه غير مليه بديده
اقفيت ودموعي على الخد ودان= متكدرٍ ماهي بفرصه سعيده
مرحوم ياللي مانشا مثله انسان=صاحب كرم وخلاق واريا سديده
ياليت غالي الروح يشرى با الاثمان=نسوق مايطلب عليه ونزيده
والله لو سمو ثلاثين ضيدان= ماعاد ياتي مثل ذاك الوليده
ليت النستء ماعاد تاتي بورعان= الا حدٍ شرواه والا نديده
عزي لكم عزاه يانسل قضعان= عز الله انه راح منكم فقيده
رجل الشهامه والمروه والاحسان=رجلٍ حوى كل الصفات الحميده
حاوي صفات المرجله فعل ولسان= حسين خلقٍ مايمله قعيده
سنافي ٍ ماصك له باب ديوان= ماحوشت يمناه مدت به ايده
من مات عقبه صار بي عنه نسيان= وضيدان لا زالت جروحه جديده
اللي له الطولات والمجد عنوان=ريفٍ لربعه با السنين الشديده
عليه يبكي تالي الليل ضيفان=متكلفين من ديارٍ بعيده
ويبكيه محتاجٍ عليه الدهر شان=وازيٍ عليه من الحياه الزهيده
ياللي تعرفون المثايل والالحان=كلٍ بضيدانٍ يسوي قصيده
نادر حرارٍ من قرانيس حوران=لارف با الجنحان ماله شريده
لا خير في قولٍ على غير برهان= عندي على ذالك شهودٍ عديده
عساه يبنا له محلٍ وبستان=في جنة الفردوس روحه شهيده