زيارة صاحب السمو الامير الفارس/سعود بن خالد بن سعود الكبير ال سعود لمحافظة الجبيل

[مسفر بن حويل آل رشيد]

	اهدا لصاحب السمو الامير / سعود بن خالد بن سعود الكبير آل سعود بمناسبة زيارة سموه لمحافظة الجبيل لحضور السباق التاهيلي لخيل القدره والتحمل لعام 2007-2008م

بدينا بذكر الخالـق الـرازق المعبـود=عليـه اتكلنـا واعتمدنـا وبنـدابـه
ولا خاب من حط الولي غاية المقصود=وسنة نبيـه خاتـم الرسـل وكتابـه
هلا مرحبا وهلين بالظيف والموجـود=تحية غلا تصرف من القلـب لاحبابـه
نرحب بمن جانا ويلقى الشحم والعـود=الازرق بعد مـا قـدم الكيـف صبابـه
هلا مرحبا ياهل الوفا والنقـا والجـود=يعم الفرح في المنطقه وانتـو اسبابـه
لمنه لفانا الظيف نبذل لـه المجهـود=وما نبذله للظيف ما نحسـب حسابـه
وناقف معا في صف لحك عـودٍ عـود=ومن دون ديـن ودار للـروح جلابـه
على الدار فينا غيرةٍ والاجـل محـدود=ودون الوطن ليزارنا المـوت نرضابـه
حمينا وطنـا مـن معاديـه بالبـارود=على الحد ضد الضـد مايقـرب ترابـه
ليا جا نهار الحرب دون البـلاد جنـود=فدا والعدا من دارنـا تقصـر اشنابـه
ومن فكر ودبـر ردى يعتبـر مفقـود=جزاه وخطاه يلقـن الـدرس لاحزابـه
رمى به علينا حظـه العاثـر المقـرود=خسر وانتصر شعبٍ ربح من تعزوابـه
هذا شعبنا اللي عادته يمـن المطـرود=زبن في ذرا من يمـن اللـي تذرابـه
وهلا مرحبا ياناصر الحق والمضهـود=سعود الوفا اللي دايم خصمـه يهابـه
وجودك يشرفنا ودعمٍ ماهـو محـدود=يزود الفرح في شوفكـم يـوم فزنابـه
وجودك يشجعنا ياراع الوفـا والـزود=راعي خيل واللي ينقص الخيل تشقابه
بفضل الولي مافيه شي عليـك يكـود=توفي الحقوق وتعطـي الحـق طلابـه
هذا طبعكم وافين جزلين يـآل سعـود=إذا الطيب قصرٍ فنتو القصـر وابوابـه
وفي الختم صلوا عد برق ومطر ورعود=على الهادي نصلي عليه وعلى اصحابه