يا سايقٍ صلف المشاريه .. سقها = ما عاد لي قلبٍ يشيل المشاريه
عذبتني .. لكنّ خذها وذقها = من واحد تدفع طموحه .. عزاويه
شاعر وعنده كلمةٍ .. لا نطقها = قامت جماهير القصايد .. تحييه
هو مصدر ازعاج الخبول .. وقلقها = وهو بلسم العقال .. والحي يحيه
وآ كبدي اللي من محقها .. سحقها = تواكلت من جور وقتي وطاريه
كم شجرةٍ يبست وحتّت ورقها = وفيني من الشجره طبايع وتشبيه
انا حياتي .. ما تشالى أرقها = متيّمٍ باللي عيوني تراعيه
يا قلب لا جتك الهنوف اعتنقها = وان كان راحت .. قول بشويش ياهيه
ما فيه بنتٍ استحق .. آعشقها = الا غلا روح القصيد ومعانيه
سبحان ربٍ عن سواها فرقها = ولبيه لو ما تسمع الصوت .. لبيه
خالد وبس !