هذي سلمكم الله محاوره بين زوج وزوجته
تفضلوا :--
الزوجه
يعني نويت السفر بتوادع احبابك = يعني بدت رحله الغربه بوجداني
يعني بتم انتظر واضيع بغيابـك = يعني من اليوم بفقد نصي الثاني
الزوج
حبيبتي والله اني حاسب حسابك = ودموع عينك تشب النار بأشجاني
غصب علي هالسفر مجبور بأسبابك = قولي لكل العواذل راح من شاني
الزوجه
حبيب قلبي احبك موت واحيابك = وابغاك في كل حالاتي وتبغاني
مبغى فلوس وذهب ابغاك بثيابك = دامك معي اتحدى الموت بإيماني
الزوج
عهد علي لازرع اجمل ورد بترابك = واني لاارويه من دم قلبي بشرياني
تستاهلين العمر والعمر يزهى بك = حلفت انا لاسعدك كان الله احياني
الزوجه
قول وفعل يابعد عمري واناادرابك = واعرف ظروفك ولاكن قلبي اذاني
ارجوك تعذر غلاي اليا تمادى بك = حاولت اخفي دموعي بس ماامداني
الزوج
من شان هذا الغلا ومن شان اهدابك = من شان عينك بسافر بك لعنواني
بس اطلبي لي وانا واقف على بابك = وقولي احبك ويكفي منك ماجاني
الزوجه
مليون احبك واحبك حيل واشقا بك = رح في طريقك ومثل ماكنت تلقاني
الله يردك لقلبي واتهنى بك = وماعاد يقدر على توديعك لساني