الشعر لامن نصيته مجيب حويّره**أتعيصب وأنطح الفوج وأكسب ثايره!!
أقبلي لي يالخيول الأصايل خيّره=دامها شعر وقصيد ومعاني ثايره.
أقبلي وأقواس صدري رحاتن نيّره=إن سكنتي دارها مارقدتي حايره.
أسمعش مابين قلب وفكر متحيّره=إصهلي يفداش كفن سيوفه جايره.
إدبكي مثل اللهب لأشتعل بجميّره=وإنتشي لاهبت الريح مثل الطايره.
إجمحي في جسمي اللي غلاك مضيّره=للفخر والعز والطيب دايم سايره.
لارسن يكبح طموحش ولاأحد يسيّره=نعتلي روس الجبال ونفك الدايره.
ثورتن تسمع دويها ماهيب ثويّره=لاحكمها كل خامل زمنه يعايره!!
عرشها من يزدجرد الذهب وسويّره=تاجها سطوة الكسندر إبنظايره.
جندها جند المغولي نذر متعيّره=حكمها حكم التقي دينها عمايره.
لانذر ماتنطق إلا أدب وتجيّره=في لزوم الشعر ودلال فكره فايره.
الشعر لامن نصيته مجيب حويّره=أتعيصب وأنطح الفوج وأكسب ثايره!!
فكرتي محفوظة الحق لو ها صغيّره=لا دخلت السوق تحرم علي البايره.
إصهلي ياخيولها وإدبكي يالخيّره=دبك منهو لانصيتيه كفه جايره.
التعديل الأخير تم بواسطة : محمد المجول بتاريخ 23-05-2008 الساعة 03:53 PM.
|