عيال غلبا تردف الخيل بالخيل....

[شاعرة شمر العنقا]

هذه القصيدة قلتها بعد ماطلعت على بعض المغالطات التي تحاول التقليل
من فعل سنجارة او عبدة في كون الشريف ووضع بعض الاضافات من الطرفين لصالح طرف على حساب الاخر علما بان هناك قصيدة معروفة عند الكثير من كبار السن وحفضوها قبل هذا التحريف وتتكون من سته وعشرين بيت فقط وهي القصيدة التي حققها واقرها الراوي الكبير فواز الغسلان
وايدها كبار السن من شمر
والفعل للعموم ونحن لانرضى باي كلمة تمس اي شمري فالفعل للجميع
وسنجارة وعبدة عينان في راس واي كلام نابي لاعتقد ان اي شمري يرضاه على اي بطن من بطون شمر العزيزة


امل ان تحوز على رضاكم






غـــــــــــــــــــــــــــــــــــــــــــــــــ ـــــــلبا






البارحة ليلي حشـاء ماهـو بليـل ليل قضيته بيـن هـم وكوابيـس
افكار تسامرني وانا مسامر سهيـل تصدر هواجيسٍ وتـارد هواجيـس
شي قريتـه يدبـل الكبـد تدبيـل والادمي قطعة مشاعر واحاسيـس
اكتب لنا التاريخ من غيـر تحليـل يامسجل التاريخ خلـف الكواليـس
التفرقـة ماهـي لنـا والتعـازيـل اصل الفخر في ذكر كل السناعيـس
اللابة الـي فعلهـا يعـز ويهيـل اهل النقا وقت اللقـا والنواميـس
شمر هل الطولات جيل ورى جيـل بالطيب طيب وبالمعـارك مقابيـس
سنجارة وعبدة والاسلـم مداهيـل ساس المراجل اسسوا فيه تاسيـس
علومهم ترجح علـى كـل ماقيـل ياقيست الافعـال تبقـى مقاييـس
جانا الشريف بجيشٍ يبيـد الحيـل واكدوه ربعي مبعديـن المراميـس
ياراجة جيوشه مثل جاري السيـل تقول لطام البحـر خيـلٍ وعيـس
هاز القبايل وانتحت عنـه ياهذيـل واغواه شيطانه ووقع لـه ابليـس
ورجع على شمر يبي منهم الكيـل في لحضة مابه تفاكيـر ياجريـس
وهلت على الديرة بروق وهماليـل وبقدرة المولى غدا سيلـه اقبيـس
لاقـوه عبـدة متعبيـن المعاميـل وصاروا لهم بجبال حايل متاريـس
تسعين ليلة مابهـا قـول او قيـل اكدوه بالـردة عيـال السناعيـس
وصلت لسنجارة علـوم ومراسيـل ان الجبل دبت عليـه الجواسيـس
وجوك الطنايا والطنـا زايـدٍ حيـل اولاد زوبـع متعبيـن المحاميـس
اهل السطر بالحرب عدالـة الميـل ياما وقع بنحورهم مـن ملابيـس
غدوا لهم زوبـع وعبـدة ابابيـل مشوا على راين تراوو به وديـس
عيال غلبا تـردف الخيـل بالخيـل (فريس باللقواة وعيـال فريـس)
وصارت على الاشراف كرومصاويل تجي كراديـس وتنحـي كراديـس
هبت عليهم كل عوجـا لهـا ذيـل ومالت عليهم ميلة الضيم والبيـس
ينخى لبيصٍ يوم شاف المحاصيـل طاحوا بقوم مافرقت بيص وادريس
سنجارة وعبـدة ولا فيـه تاجيـل خـذو قلايعهـم وردوا مناكـيـس
خلا القلايع عنـد ربـعٍ مشاكيـل بالسربتين اهل اللقاء والمداويـس
هذي من الله عادة لاحصـل عيـل نلحق على العايل بكـر وتتريـس
نسقيه من مداتنـا الغبـن والويـل عقب الهدير يعيش كل الوساويـس





الشاعر : عمار السويدي