الصوت ( كل ما هجرت الحب ينزان ) الصدى (الحب قبله مبتليني)
أسعد الله أوقاتكم بكل خير
أضع بين يديكم هذا الصوت والصدى
بيني وبين الشاعر / أحمد فارس الرشيدي
الصوت
قم ياعويضه يابن وقدان=جتك القصايد باليقيني
جاتك على كفين وأعيان=جاتك من اللي محتويني
ياالصاحب اللي ماله أثنان=في كوكب اللي عايشيني
كل ماهجرت الحب ينزان=وكل ماقربته لي يشيني
هذا ترى حالي من أزمان=عله تعل الجاش فيني
والله لو هو غالي أثمان=لأشريه وأشري من يبيني
مني سلام القوم عجمان=ربع(ن) على رأسي وعيني
لسماع القصيده اضغط هنــــا
الصدى
علم(ن) لفاني به كحيلان=نسل الرجال الغانميني
حاز المراجل طيب وأحسان=أحمد عسى حظه يزيني
أن طاب حظك منت شقيان=وأن خاب جعل الله يعيني
جاء يشتكي من هجر خلان=والحب قبله مبتليني
الحب له بيت(ن) وسيسان=والوصل له حبل(ن) متيني
مره تعيشه وأنت نشوان=ومرات له جرح(ن) مكيني
اللي جفاك اليوم خسران=خسران وأمن الضايعيني
ختامها ياطير حوران=أهديت لك علم(ن) ثميني
لسماع القصيدة اضغط هنــا
|
التوقيع |
|
|
الفرحة اللي على وجه الزمـان البخيـل=ماتت علـى كفهـا أحلامـي وخليتهـا
الدمع في محجر عيوني يفيـض ويسيـل=مافـادت الأمنيـات الـلـي تمنيتـهـا
نمسي ونصبح على حلم(ن) شعوره جميل=لكـن عيونـي مـن الأحـلام صحيتهـا
تدري وش أكبر خطا بيَن في وقت الرحيل=رجلي في درب المحبـه معـك عنيتهـا
|
|
|
|
|
التعديل الأخير تم بواسطة : عويضه الوقدان بتاريخ 30-05-2009 الساعة 07:44 PM.
|