اول مصافحه من مطلق بن شلاح

[مطلق الشلاحي]

كل شيء ينكتب لك لازم (ن) توصلّه= يوم اشوف الناس محدٍ في حياته راضي
ابذل المجهود ياخي واتكالك بـالله=والمشي ماينفعك في حزة المركاضي
ومامضى لاترتجيه ولاتعيد الزله=كان يامـاكان خـله ذاك فعلٍ ماضي
الحظيظ الي عرف درب السنع ويدله=ومن جهل يسأل حكيم(ن) للتجارب خاضي
ولوتشوف أوضاع صارت هالزمن مختله= لويقولون الحمامه ذا ذكرها باضي
ومن تخلا عنك مره فالشدايد خله= كم وكم تلقى بداله بالرخا تعتاضي
منزلٍ ماجيت وسطه لاتجي في ظله= ابتعد عما يهنيك والدروب عراضي
ومن جهل مقدار نفسه بشره بالذله=عزتك هي راس مالك ماتجي بالفاضي
ومن زعل خله يموت من الزعل في غله= واسفه اللي فالخطا لاطاح مايغتاضي
والحقايق واضحه لواصبحت منشله= فالضمير الحي قبل المحكمه والقاضي

الشاعر/ مطلق بن شلاح

[عبدالله الوعيلي]

صــــــــــــــــــــح السانك يا مطلــــــــــــق بن شلاح

لا هنت

وننتظر جديدك

[فهد بن محسن]

ارحب يامطلق

حياك الله .. ولاهنت يالغالي على القصيدة الجزلة ..... صح لسانك وسلمت يمينك

تحياتي لك يالسنافي

ولا تحرمنا من ابداعك

اخوك \ فهد

[ابومحمد الشامري]

لا هنت يا ابن شلاح مصافحة اولى رائعة صح لسانك يا السنافي ننتظر ابداعك القادم.

[أبو محمد]

صح لسانك يا ابن شلاح ولاهنت على ذالقصيده الجزله

[ابن وعيل]

صح لسانك يامطلق

لاهنت يالغالي على القصيدة الرائعه