خـالـد وبس ضيفنا هذا الاسبوع في وجهـا لوجه ..!

[مسعطر]

السلااام عليكم و رحمة و بركاته ,,


قريت بعض ردوك (مهوب كلها ) و اعجبتني من خلال ما لاحظت من ..
ذكاء + روغة سببها الإحراج او التحفظ + دبلوماسية + إحترام ,,

أهنئك على ذلك



الأسئلة منوّعة ولالها علاقة ٍ فيه بعض يعني لا تستغرب من شي ما طرا علي كتبته هنا





1 - علومك و علوم الحمولة و اللابة ؟؟؟؟



2 - المقناص ..!! قد قنصت .؟؟ وين ؟؟ و اذكر لنا موقف طريف و موقف لا ينسى ؟؟؟
اذا كنت راعي مقانيص ..



3 - بما انك كويتي .. كم مرة جيت السعودية و هل لك قرايب فيها و وش تعني لك السعودية (بعيد ٍ عن العاطفة و المسانع ) اذاك تعرف معنى السانع ؟؟؟


4 - شاعر كبير مثل سلطان الهاجري

يقول في قصيدة له وصلتني بطريقتي الخاصة :

والله إنّك ما تلذذ فالحياة=فالوجود و كنّ منتب فالوجود
الغناة بدونها ماهي غناه=لا تنقّص فالحياة ولا تزود
الأبل تزود الرجل سمعة و جاه=و اللي ما يشقى بها مافيه فود
مهما قالوا : طيبه أكثر من رداه=و مهما طاريّه مع الناس مْحمود
حتى لو هو غالي ٍ ينقص غلاه=كان ما يعشق مواريث الجدود ..!!!!

وش رايك فيها ؟؟ هل تعتبر خطا كبير من شاعر كبير خطائه بعشره ؟؟؟

علماً ان عندنا و ابل و حنا اهل ابل لكن ..!!

اترك التعليق لك ؟؟




5 - كم عمر العضو خالد و بس .. او التقريبي ؟؟



6 - الشعّار و الأسماء المستعارة و المنتديات و الحقوق الأدبية ..!!! تكلم بإيجاز ؟؟؟


7 - هل ابيك او جدك شاعر او أحد افراد العيلة الكريمة شاعر ؟؟؟
مع ذكر قصيدة او ابيات ان وجد او امكن ..


8 - في احد أسئلة الأخت نصيب الغير ..



.هل ترى ان لـلـطيب في هاذ1 الزمن تقدير ..!؟



لا اعتقــد .. وسعد بن جدلان يقول :

ودنا بالطيب بس الزمن جحاد طيب % كل ما تخلص مع الناس .. كنك تغشها !!


انا آخالفك و بشدة .. و هل انت متأكد من اجابتك ولا ذي إجابة نموذجية و مستهلكة قلتها بدون تفكير ..؟؟؟؟



9 - من تحب اكثر انا ولا فارس ؟؟ << لعنبا سوالفكم


و سلامتك


ودي اسألك و اكثر الأسئلة لكن ظروف و إنشغال الله لا يشغلنا إلا في طاعته

و انا موصّي حوران عليك و هو عند ظني ولاهو بمخيّبه
وانا وياه شي ٍ واحد << تعاون على حق و باطل



تمنياتي لك بقضاء وقت ممتع و فائدة ,,


فمان الله