السلام عليكم
أضع بين ايديكم هذه القصيده لعلها تحووز على رضاكم
وترتقي لذائقتكم
يابو سند* لاعاد تنشد عن الحال=ماني بطيب وإن تظاهرت طيب
ضاق الصدر ياخيك وأشكي لك الحال=يومك ولد عمي وأخوي القريب
جيتك وأنا همي على القلب همال=مسقاه ينبت كل ضلعن حديب
يمطر على صدري بضيقن وغربال=ويحيي ضلوعه بنكد والتخيب
لا تنشد السبه ترا يصيبني أهبال=لامن طرا أنه غاب مدري تغيب
أبو العيون ألي نواعيس ونجال=طاغي حلا محشوم من التعيب
قفى وريضان الصدر صفر ومحال=كم روضن أخضر شفه قدهو شهيب
من عقب ماكانت مرابيع وأقبال=أشجاره أفراح وكل غصنن رطيب
واليوم هاذي هي من الجال للجال=نهور وصله تجف وورده يسيب
ويابو سند لاجيت تنشد عن الحال=ماني بطيب دام خلي تغيب
*محمد بن سند أبا الجيش
25-07-2009, 05:10 AM
العرض الشجري
المواضيع المتشابهه
