الاهداء مع التحية .. للصديق محمد عباس آل مساعد اليامي

[منصور الرويلي]

مرحبا . يالحر . يالسيف الشطير =مرحبا أعداد ماهل الهلال
الرجال أفعال والموقف خطير = بالمواقف يتضح فرق الرجال
الرجال عقول تدرك وش يصير = شالوا اللي مايشيلنه جبال
والليالي بين شر وبين خير = والجواب يضيع من كبر السؤال؟

.
.

أهديك (يامحمد) جزيلات الاشعار = يالوافي اللي تستحق الهديه
الطيب ساسك والمهابه لك شعار = من نسل حرن مايخلي خويه
من رأس قومٍ تعتلي قب الامهار = يشهد لهم بالطيب كل البريه
اللابه اللي بالمواقف لهم كار = أهل المكارم والوفا والحميه
وأختامها أهديك يانسل الاحرار = مني لابن عباس أجمل هديه

.
.

سـلّـم عـلـى أربـوعـك الـعّـيـال =يـثــنــون لا ثـــــارت الــهــيــه
لا يـابــعــد شــوفـــة الانـــــذال =أهـــل الـحـكــي والحـسـاسـيـه
يعـنـي كـــذا ضـربــة الابـطــال =يـــاحـــي كــــــف الــنــداويـــه
الـحـرف وقـعـه كـمــا الـزلــزل =لا حــــــل والــنــيـــه الــنــيـــه

.
.

يعلم الله يابيض الوجه ماعندي جديد = غير ذكرك لا نسيتك على بالي طرا
وأنت مانت الشيخ ولا أنته بالوليد = بس تسوى في عيوني مشايخ وومرا

.
.

ياصاحبي يامعرب الجد والخال = مكانتك فوق النجوم وقمرها
أي والله أنك من صناديد وأبطال = ماحسبوا سود السنين وخطرها
أفعالهم بالطيب .. مضرب للامثال = أدناهم اللي فزعته ماذخرها
أرجال (يام) أهل المواقف والافعال = نسل الحرار اللي بعيدٍ نظرها
تاريخهم في قمة المجد يختال = رؤس الرجال اللي ينومس سطرها

.
.

أذا حدتني أوجيه الليالي والرجال أوجيه = أنا والله مالي عم ياكود أعروق جداني
أحب من الرجال الطيبه الا الشجيع أغليه = ليامن صار موته في يديه يصافح أيماني

.
.

والله أنك . والله أنك . والله أنك = فيك طيب وفيك جود وفيك خوه
وأن صدقت القول بالفزعات لانك=تجتمع فيك الشهامه والمروه

.
.
.
.

[منصور الرويلي]

ذعذعت نود المشاعر وأنشرح صدر الرحابه=وأستوى طرق المعاني يالحروف الابجديه
أقبلت جزل المعاني مثل هتان السحابه = وأشتعل جمر القصيد وفاح ريح الشاذليه
أبتدى هاجس خيالي والوفا الصادق رقابه = يسنده تاريخ مجد وتدفعه صدق الحميه
ياهلا في كل رُجلن عزوته (يام) وهلاّبه؟=قصيدٍ وقفته وقفة شجاعٍ صادق النيه
كل بيتٍ من قصيدي يفتخر بأهل المهابه = الرجال اللي ينوّمس فعلهم في كل هيه
رؤس قومٍ صيتهم معروف من عصر الصحابه=محتمين الجار في وقت العصور الجاهليه
أهّل الفزعات لا أشتد الزمان أسُود غابه = فعلهم عند الشدايد تشهّده كل البريه
لابةٍ في صيتها المشهود .. حي لابه = مجدهم تاريخ عز .. وناراهم لا زال حيه
قلتها صادق وربعي صيتهم كلن درابه = مايهنون العزيز ولا يهابون المنيه !!
ربعي الويلان ساس الطيب كله وأنتسابه = هم سنام المجد والتاريخ يانجد العذيه

.
.

الطيب باقي بالبشر حي مامات = ترفع له الرأيه ليوم القيامه
الله وضع له بالبسيطه علامات = الدين والنخوة وصدق الشهامه
مانختلف رغم اختلاف القناعات = أن الحمياء عز قوم وكرامه
وأن المبأدي ساس والطيب وقفات = وأن الردى عيب وطريقه ملامه
وأن البشر خلقــِـّت شعوب ومقامات = صنعة إلة الكون مجري نظامه
اللي خلق راعي وساعي وشمات = خلق عزيز وشيخ دين وزعامه
الارض هي سكنا للاحياء والاموات = الطيب غرسه والمكارم غمامه
وفكر اللبيب يميز الذات بالذات = ويختار مطنوخٍ يناسب مقامه
الطيب فزه والمواقف له أثبات = وكلن حسب جهده وقدر أهتمامه
اليا زبنت أزبن زبون المهُمات = واليا مدحت أمدح زعيم الجهامه
والمرجله ماهي مُجرد دعايات = مبدى وفعل وقو باس وصرامه
أخذت من بعض التجارب دلالات = وأيقنت بأن الطيب صعبٍ سنامه
الا على رجلن يروم الصعيبات = اليا أنتخى له تنحني كل هامه
والا الردي . هيئهات . هيئهات . هيئهات = فعله يناقض بالمواقف كلامه

"
"
"
"

[برق ماترعاه لاتخيله]

منصور الرويلي صح السانك ملايين يالقرم وبيض الله وجهك ويام ترحبك بكل دار تنزلها وجودك وحضورك وقصيدك له مكانه يرجح لها الميزان ومدحك لااطرف يامي مدح لنا كلنا وحياك ربي شرفتنا ياالغالي تحياتي لشخصك الكريم

[عبيد العرجاني]

صح لســـانك ألف

أبيات جميله تحمل معاني ساميه

بإنتظارنا جديدك

[منصور الرويلي]

البرق

لك من أسمك نصيب بتوفيق الله

بيّض الله وجهك على الترحيب والحفاوة

والطيب لا يستغرب من أهل الطيب ايها الشهم

أخوي (محمد) رُجل كفو وانسان وافي في كل المواقف

طالما كلن يعد ماواجه أهديته باقة ورد عساها تنال اعجابه

لكم من الويلان بأسمي أسمى أيات الود والتقدير والامتنان

أخوكم : قاف عنزة (منصور نايف الرويلي العنزي)

ويشرفني زيارتنا والمشاركة معنا

لانكم أهل الشعر والوفا والمرجلة

يعلم الله قلتها صادق

ودمتم شامخين

[منصور الرويلي]

ياصاحبي يامعرب الجد والخال = مكانتك فوق النجوم وقمرها
أي والله أنك من صناديد وأبطال = ماحسبوا سود السنين وخطرها
أفعالهم بالطيب .. مضرب للامثال = أدناهم اللي فزعته ماذخرها
أرجال (يام) أهل المواقف والافعال = رؤس الرجال اللي ينومس سطرها

[منصور الرويلي]

أقبلت جزل المعاني مثل هتان السحابه = وأستوى طرق المعاني يالحروف الابجديه
أبتدى هاجس خيالي والوفا الصادق رقابه = يسنده تاريخ مجد وتدفعه صدق الحميه
ياهلا في كل رُجلن عزوته (يام) وهلاّبه؟= في قصيدٍ وقفته وقفة شجاعٍ صادق النيه
كل بيتٍ من قصيدي يفتخر بأهل المهابه = الرجال اللي ينوّمس فعلهم في كل هيه
رؤس قومٍ صيتهم معروف من عصر الصحابه=محتمين الجار في وقت العصور الجاهليه
أهّل الفزعات لا أشتد الزمان أسُود غابه = فعلهم عند الشدايد تشهّده كل البريه
لابةٍ في صيتها المشهود .. ياحي لابه = مُجدهم تاريخ عز وناراهم لا زال حيه
قلتها صادق وربعي فعلهم كلن درابه = مايهنون العزيز ولا يهابون المنيه
ربعي الويلان ساس الطيب كله وأنتسابه = هم سنام المجد والتاريخ يانجد العذيه

.
.
.
.
.

[منصور الرويلي]

أقبلت جـزل المعانـي مثـل هتـان السحابـه
واستوى طرق المعانـي يالحـروف الابجديـه
.

هذه الابيات للشاعر

فرحان بن حمدان العنزي

اخوكم منصور الرويلي