يذكرني رحيلك مجلس باق على حله .. مداهيل الرجال اللي تنومسنا مواطيها
هنا سليت سيف يوفي الثارين من سله .. هنا علقت رمح يطعن الجوزا ويطفيها
هنا بينت مصحفك الكريم ودلنا دله .. معك نبدا مواعيد الكلام وننتهي فيها
هنا ساقيت غصن من غلا كنا تحت ظله .. نسولف بالغنا يا بايع الدنيا وشاريها
هنا كان الرجال جبال ما تقبل خنا الزلة ..عمايمها سحاب وابله باقي مواظيها
رجال لو تشوف الماء غدر ما شربته للا ...نبت عشب الرضا يا سيدي بأول مغازيها
هل التوحيد وكنوز العلوم ونصرة الملة .. رجال يضحك التاريخ لولها وتاليها
هنا ماضيك ورياض الخليل اللي رعا خله .. شربنا عذبها مدري لعبنا في مغانيها
هنا تخنقني العبرة وأنا اكتب يا رسول الله .. على قبرك نسيت الناس حاقدها وحانيها
وبو قبر يتيه من الفخر بالبيد وتجله .. على حسد تبين من سمايمها وصاليها
ويهناك الوفا قبر يضمك في ثرا تله .. ما دامه بين فردوس الجنان وبين منشيها
وأنا لامن ذكرت فراقك اللي في يدي غله .. نسيت ان الليالي شيبتني من بلاويها
على بعد الزمان اللي يعقد الحبل ويحله .. ليامني ذكرتك طاحت الدمعة وراعيها
سلام الله ما هز الصبا نسرينه و فله .. على الطفل اليتيم اللي عطا الدنيا معانيها