لا هنتم يا الربع

[محمد الــعـجـمي]

السلام عليكم


الله حيهم


ماجورين



لا هنتم يا الربع في قصيدتين في خااطري ودي اجيبها


القصيده الي قالها شيخنا الله يرحمه راكان بن حثلين يوم رجع من تركيا
ولقا مرته متزوجه

قال قصيده طويله ابيها لا هنتم



والقصيده الثاانيه الي حاولت اجيبها بالجوال وما نفعت

سالفه الهواجر والي طلع عنها مقطع فديو وكلكم تعرفونها الي بالكويت

القصيده الي قالوها الهواجر


ولا الردوود كلها عندي بس ما سمعت القصيده انا



الله لا يهينكم


اخيكم


محمد عبدالله فالح العجمي

[ابومحمد الشامري]

مرحبا بالاخ العزيز محمد العجمي ابشر بقصيدة راكان بن حثلين اما القصيدة الثانية ما عندي خبر فيها ويا حبذا عدم ذكرها لعدم اثارة الفتنه وكلنا اخوان في الوقت الحاضر وتربطنا بالقبائل اواصر جيرة ومصاهرة.

قصيدة راكان:
الكثير من الناس غلب عليه ان الشقحا بنت حزام بنت عمه متزوجة من راكان وهذا وهم جرى عند الغالبية والصحيح ان الشقحه كانت محجورة لراكان وغياب راكان طال وتزوجها سلطان بن الحميدي الدويش والدليل قول راكان:
روحي وأنا راكان زبـن الونيـه= ما ياخذ العقبـات كـود الهدانـي

فلو ان الشقحا بنت حزام كانت زوجة راكان لما اطلق عليها لفظ عقبه لان العقبة تطلق على من اتى بعد الاول لانها عقبة الدويش فهو زوجها الاول فلو كانت زوجة راكان لاصبحت عقبة راكان وهذا الذي يجعلنا على يقين انها لم تتزوج راكان من قبل والسبب كما قلت ذكر هذا الشطر من قصيدته: ( ما ياخذ العقبـات كـود الهدانـي ).
وكان الشيخ حزام بن مانع ما يزوج الا الشيوخ فبنته وضحا تزوجها الامير عبد العزيز بن سعود ابو هلا وجابت الامير سعود الكبير. والشقحا جابت فيصل بن سلطان الدويش شيخ مطير.
قصيدة الامير راكان اثناء عودته:

ياالله يا مخرج من المكرهيه=مَدك ومعروفك وفضلك كفاني
يا عالم باسرار(ن) مني خفيه= يا واحد(ن) ماله شريك(ن) وثاني
يا راكب(ن) حمرا ضد السريه= حراب يام(ن) والوصايف عماني
يا فاطري ذبي طـوارف طميـه=اليا ازبعرت مثل خشم الحصانـي
خبي خبيب الذيب فـي جرهديـه= لا طالع الزيلان والليـل دانـي
خبي طميـة وريـاض العذيـه=وتنحري برزان زيـن المبانـي
تنحـري لطـام خشـم السريـه=فرز الوغا لا جا نهار الوحانـي
سلام اخو نـوره لـزوم عليّـه= قبل القريب وقبل قاصي ودانـي
وإليا قضيت اللازم اللـي عليـّه=اللازم اللي مـا قضـاه الهدانـي
تذكر المشحـون جيـران حيـّه=مسوا حبـال اكوارهـا بالمثانـي
الجدي يخلا فـوق ورك المطيـه=بنورحها يبـدي سهيـل اليمانـي
نبغـي نـدور طفلـة عسوجيـه=ريحة نسمهـا كالزبـاد العمانـي
لي صاحبٍ ما نيتـي عنـه نيـه= واثره قضى له حاجةٍ مـا تنانـي
تباشروا بي عقب سابـع ضحيـه=وأنا علي أبـرك ليالـي زمانـي
أشره على الطيب ويشـره عليـّه=وراه يزوج عشقتـي مـا تنانـي
ليته صبر عاميـن ولا ضحيـه=ولا تنشد صاحبي ويـش جانـي
اما قعـد راكـان في المهميه= والا يجي يصهل صهيل الحصاني
واشفق على شوف الربوع الدنيه=سم الحريب وهيف حيل(ن) اسماني
ربعي هل الناموس واهل الحميه= هل سربة(ن) تروي حدود اسناني
في وردهم كم طفحوا من سريه= وساع الطعون مقدمين اليماني
حريبنا لا اهـدى علينـا هديـه=عندي مجازاته مثل مـا جزانـي
نسهج محله ليـن يخلـف نويـه=يصوي كما يصوي مجدع الاذاني
ويصبر على كن الجروح الخفيه= وليا برا لو ان عوده بثاني
من القطيف اليا النفـوذ محميـة=محد(ن) يجيهـا الا خـويٍ وعانـي
شتات شمل الضد لزم(ن) عليّه=فرض(ن) علينا مثل صوم ارمضاني
لا بد من جمـعٍ يزرفـل كميـه= وجموعنا تاطـا الغبـا والبيانـي
في ساعـةٍ كـلٍ يهمـل خويـه=لا شاف ضرب مصقلات السناني
والصدق يظهر من حبالٍ رديـه= والكذب يقطع من حبالٍ متانـي
وقول(ن) بليا فعل عيب وخطيه= قولي على صدق(ن) وفعل بياني
روحي وأنا راكان زبـن الونيـه= ما ياخذ العقبـات كـود الهدانـي

[محمد الــعـجـمي]

يعطيك الف عاافيه يا السناافي على القصيده