قصيده الصلح بين فخوذ قبيلة آل دويس من قبيله يام للشاعرحمد ال دويس

[راكان اليامي]

هذي قصيده للشاعرالكبير / حمد بن هادي آل دويس اليامي

ولها حدث ومناسبه طيبه

حيث أنه تم الصلح بين فخوذ قبيلة آل دويس من قبيله يام والتم شمل القبيله كلها

وللشعر كلمته في مثل هالمواقف

ليلٍ سرى بارقه يسوق منشي المخيل = علينا من جايد الوسمي همّـل غمامه
وارتوت شعيبٍ ياطول ماهي مماحيل = وانحدر سيل الجبل من عوالي عجامه
باثره تغرد طيور السِّعْد فوق الدويل = ونبت قرحان الحيا مال يعانق خزامه
وتارد غزلان الوضيح على صافي المغاييل = والصيد يدْرُج على كل مدهالٍ رامه
يوم أجتمع صبيان مجسر عدّالة الميل = على الشور الموحَّد ولا خابت سهامه
وبيّضت كل العرب من فوق راس الطويل = وبيحة الصبح والشمس تَجلا الليل وظلامه
كمٍ حسودٍ سهر ما أهتنى نومة الليل = وكمٍ صديقٍ بالعلم رقد باحلى منامه
يا زينها لاجتمع راي قروم الرجاجيل = في طاعة الله وله تنحني كل قامه
لابتي يحْجا وينجا في ذراها الدخيل = كل أبلجٍ في الوغى سِـعد من حن حزامه
يشتكي الحِف منا كُثْر طعون المصاقيل = ما قدَرفي حرْبنا راح وبان انهزامه
ولي صاح صايحٍ من على مسارج الخيل = في نهارٍ عجّته تعتلي كل هامه
حثيثين الملاحيق لي نادوا يالمشاكيل = نلحق عَجل الركايب لي تزايد زحامه
في وجه كل عادي ننثني بالجراميل = دون الحد نبيع الروح مرخصين المسامه
عدونا انهزم وانكسر جيـشه جـفِيـل = غشـيمٍ من حَرَبْـنا تاليـته للنـدامه
قومٍ تمِّن التالي لين يلحق بالرحيل = والعدو إلي طغى حن لخشمه خزامه
موا حِشْـف السماري مصارير ومباهيل = وساق راعيها مرْعاه طول ما دار عامه
كم شيخٍ طمع فينا وردّينا له صميل = وفصلنا عليه من بيض الاكفان خامه
وقعنا لي جا الوغى راعي المهر الأصيل = حافوره بين الصفوف لارْتخَى له لجامه
تاريخنا من قديم الوقت ما له مثيل = كما خد عِمهوجٍ يزهى بالوجْن شامه
وصيتنا في سما العز يباري الجدي وسهيل = وعَطانا بارض الكرم حل وبنّا خيامه
ضيفنا لي لفانا قدره نذبح له الحِيل = ننحر له من ابْـلنا حرٍ نابهْ سنامه
تشهد لنا الدلال وتشهد لنا الفناجيل = كم ضيفٍ في ليلة البرد يلقى كرامه
يعطّر مجالسنا ريحة البن والهيل = وضيفنا بصدورنا نوسّع له مقامه
في زمانٍ بخيله قام ودس المعاميل = وسلوم العرب دايم يبدلها الهلامه
يوم القبيلي كريم في السنين المهازيل = والحر طير الهداد ما يِقارن بهامه
وحنّا هل العلم والسلْم جيلٍ بعد جيل = وحن هل العادات والجود وأهل الشهامه
معرّبٍ جدنا من صلب يام السليل = وراس السلطان يِكْسَى بملفوف العمامه
ويام بن يصبا فيها قليل المدح وإن قيل = على سطور القرطاس بمبري القلامه
وصلاة ربي عدد ذرات تراب النثيل = على الرسول الكريم عليه أزكى سلامه
وعدما طيرٍ يرف وعدما غصنٍ يميل = صلاةٍ بلا عددواجعل ذكره ختامه

حمد بن هادي آل دويس

[حبيب]

ابو سالم صح اتلسانك والسان ابن هادي

والله يجمع بينهم ولا يفرقهم

ولاهنت على نقل القصيده

تحياتي

[راكان اليامي]

ارررررررررحب يابوسعيد وصح الله بدنك والله يسمع منك

[ابومحمد الشامري]

لا هنت يا ابو سالم على القصيدة الجزلة وبيض الله وجهك يا السنافي

[راكان اليامي]

اررررحب يابو حمد وولا انت يالغالي

[الوسام الذهبي]

صح اللسانك ياابوهادي
والله
يجمعنا
على
خير
هادي ع ال دويس

[عـسـاه خـيـر]

لا هنت يا ابو سالم على القصيدة الجزلة وبيض الله وجهك يا السنافي

[سعود الخويطري]

لا هنت يا ابو سالم على القصيدة الجزلة



وبيض الله وجهك يا السنافي




وتقبل سلامي واشواقي

[مسعطر]

لا هنت أخي راكان على القصيدة.


و صح لسان حمد آل دويس اليامي.


و الله يديم العلاقات الطيبة بينهم.

[راكان اليامي]

مشكــــــورين على الردود الطيبه