لا ترخص الدمع, ..؟

[راشد المري]

بسم الله الرحمن الرحيم



السلام عليكم ورحمة الله وبركاته،،


يشرفني ان اعود و بصحبتي هذه القصيدة ..وعسا ان ترضي الجميع


لا ترخص الدمع يالمجمول وتهله...

الدمع غالي وما يبكيك يبكيني

صارت رموشك من العبرات مبتله...

يازين شكل الهدب لا هلت العيني

اخاف تضحك علي ان قلت لك والله...

إن نظرةٍ منك تنعشني وتحييني

يفداك قلبٍ غلاك اليوم محتله...

ماهوب قلبٍ على ذات اتجاهيني

من بدة الناس معطيك الغلا كله...

وانا على العهد مادامك مصافيني

ياسعد من صرت يالغالي حلالٍ له...

يعيش طول العمر من زين في زيني

الدرب مشروح قدامي وانا ادله...

لكن هرج العرب ما هو مخليني

اقول متعافيٍ ما صابني خله...

الى نشدني قريب الناس وش فيني

ماغير اجامل معه وادرا من الزله...

واخفي عذابي عسا ربي يعافيني

ماعذب القلب وجدد خافي العله..

إلا عبارة ..( طلبتك لا تخليني )
للشاعر
فيصل بن نوطان المري

[monamora]

صح السانك يا نمرنا وصح السان من قالها
تحياتي

[راشد المري]

صح بدنش وحياش الله امنوره الموضوع تحياتى اخيش راشد المري

[ابومحمد الشامري]

لا هنت يا السنافي على القصيدة الرائعة صح لسانك على النقل المميز

[راشد المري]

صح ابدنك اخوي وحياك الله امنور الموضوع ويا مرحبا ملايين

[أبو محمد]

صح لسانك يالتايقر