مــا كــل مــن ربـى شـــنـــب صـــار رجــــــــال ... ( راشد العتـل )

[راشد العجمي]

ارررررحب ياراشد تراحيب المطر
وافي وابيات وافيه وفعلا الكلام اللي بلا فعل فشيله والخوي الصادق الصدوق عمله نادره..





لاهنت لاهنت
ونترقب المزيد من الجديد^^

[العتلي]

صح لسااانك يابومحمد والقصيده جززززله
اسجل اعجابي بها ونترقب جديدك

[عبدالله آل عامر]

قد قالها راشد بـن محمـد وطـال***في وصف يرضي كل منهو قراهـا

و70 نعم صح لسانك يابو محمد وعلى الأخرى عانك

[ابومحمد الشامري]

صح لسانك يا ابو محمد على القصيدة الجزلة بيض الله وجهك يا السنافي

[راشد العتل]

المشاركة الأصلية كتبت بواسطة الفرس

صح لسانك ياراشد
وعادة مافي الخاطر تظهره الابيات
ونعم بك

ولاتحرمنا جديدك

الفرس صح بدنك ..
وماعليك زود يالسنافي

والله لايهينك على مرورك

[راشد العتل]

المشاركة الأصلية كتبت بواسطة المرزوقي

ماشاء الله علييك ياراشد
وصح لساانك على هالقصيده الجزله يالسناافي




موفق يااابطل

المرزوقي
صح بدنك بوشهاب اسعدني مرورك وقراءتك


تحياتي وتقديري لك..

[4عاشق5الجمس4]

لا هنت يا راشد على القصيدة الجزلة

[راشد العتل]

المشاركة الأصلية كتبت بواسطة عايض ال مطلق

راشد العتل

لاهنت

قصيده معبره تحاكي موضوع جدير بأن الشعراء يتطرقون له

صح لسانك

وعلى الأخرى عانك

تحياتي وسلامي

عايض ال مطلق

صح بدنك يالوافي ودمت سالم
اشكرك على مرورك وتعليقك ..

تحياتي وتقديري

[سعيد الدحابيب]

المشاركة الأصلية كتبت بواسطة راشد العتل

ماكل من ربى شنب صار رجال= بعض العرب اشنابها لي لحاها
وبعض العرب فالمرجله تفعل افعال =والبعض الأخر فعلها في حكاها
وبعض العرب دفع البلا جاله اهبال = حتى دروب اهل الرذيله مشاها
الله يجنبنا مصايب هلأجيال = ولا يجينا فالبلاوي بلاها
ودي بخوي ٍ خوته تطرب البال = اعتزبه في مجلسي واتباها
يفزعلي في وقت الشدايد والأهوال = ويقوملي مثل الصقر لانواها
قالمرجله والجود والطيب مامال = فعله جزيل ٍ والمراجل شراها
ماني بدوّر صاحب القيل والقال = الي ليامني عطيته نساها
وماني بخاوي رفقة ٍ كلها انذال = افعالها زادت عليها رداها
والصاحب الي خوته مطلب او مال = خوة خساره والخساره وراها
والي نسى فعل الرياجيل ينزال = لين ايتعلم فالجمايل عطاها
وياماحلا المجلاس في كل الأحوال = مع رفقة ٍ تسوى الذهب في غلاها
جمعت نشامه من بني عم ٍ وخال = جمعه وفيّه من بغاها لقاها
قد قالها راشد بن محمد وطال = في وصف يرضي كل منهو قراها

وسلامـتكم

راشد لاهنت وبيض الله وجهك عز الله انك جزل وماقصرت

قصيده كامله والكامل وجه الله

تقبل تحياتي

[راشد العتل]

المشاركة الأصلية كتبت بواسطة عايض ال مطلق

راشد العتل

لاهنت

قصيده معبره تحاكي موضوع جدير بأن الشعراء يتطرقون له

صح لسانك

وعلى الأخرى عانك

تحياتي وسلامي

عايض ال مطلق

صح بدنك يالسنافي ولاهنت على مرورك ومشاركتك ..