انهـل دمعـي فـوق خـدي وانثـر *** وقلبي مـن اللوعـه اصبـح جريـح
من حر مابي انـوح واطـق الصـدر *** واصفق بكفي مـن الحـره واصيـح
فـي داخلـي يابـوي ضيـم وقهـر *** متـى ينجلـي عنـي الهـم ويزيـح
مليت انا يابـوي مـن ظلـم البشـر *** ومليت هرج (ن) كله الغاز (ن) وتلميح
سمعت عاذل(ن) يطريك بشين الخبـر *** وهذا خطـا وارد ويحتـاج تصحيـح
قـال عنـك راعـي كيـف وسهـر *** قلت لابالله هرجـك ماهـو صحيـح
هذا ابوي ياعساه طويـل(ن) بالعمـر *** مهما حكيت وقلت مايصح الا الصحيح
ابوي ياراعي الوشايا بالخير اشتهـر *** صافي النيـه وفـي قولـه صريـح
في مجلسه تلقى السوالف وسعة الصدر *** مع صبة الفنجـال وهـز المسابيـح
ليمنـه اقبـل هلـت الدنيـا مـطـر *** ولاغاب صارت كلها عجـاج وريـح
مهما كتبت وطالـت ابيـات الشعـر *** قليل فـي حقـه القصايـد والمديـح
ماعاش منهـو يذلـه مـن هالبشـر *** امسح تـراب اللـي يمسـه بتجريـح
بنتك انـا يابـوي اتحـدى الخطـر *** لو على رقبتي صـار ذبـح وذبيـح
انـا اشهـد انـك لـي عـز وفخـر *** ماينحني راسك مادمت حي ولايطيـح
واذا كنت مخطي ما اريـدك تعتـذر *** وعـن الخطـا عسـى ربـي يبيـح
يابوي وهبتـك مابقالـي مـن عمـر *** فدوتك عمري بس اشوفـك مستريـح
لـك عيونـي لـك فـؤادي والنظـر *** لجلك اموت واندفن تحـت الضريـح
وياجعلنـي القـاك مـن بعـد القبـر *** في جنة الفـردوس عايـش مستريـح
الاخت فتاة الاساطير السلام عليكم ورحمة الله وبركاته
اولا : صح لسانك على هاالقصيده المعبره والله يخليلك والدك ويخليك له
ثانيا : القصيده الصراحه حلوووووووه ولا ينقصها الا الوزن والوزن مع الممارسه يتعلم الشاعر او الشاعره عليه
ولي اهم من هذا ان الوزن لايركب الا على لحن تغنينه او تهوبلينه :::: ومع التكرار سوف تعرفين الشي هذا
وانا سويت مطلع لقصيدتك وبرضه بعض الابيات عدلتها ولا مهوووووونه لك وسويت ختم ,, وارجوا انها تعجبك,,,,,,,
واعتبري المطلع هديه..... والختم برضه
.................................................. ............................................
عيــــــني اللي بذها كثر السهر ********** ماتنــام ودمعها غادٍ سبيح
من محاجرها على الخد انهمر ********** مثل عدٍ جا لجيلانه ضحيح
والبلا من واهــــجٍ وسط النحر ********** ابتــــلاني لايزاح ولا يزيح
.................................................. ............................................
اما عن التعديل
.................................................. ...................................
في بيتك الرابع ..
حسني علم من الواشي صدر ********** راعي النمه ابو وجهٍ قبيح
.................................................. ...................................
وضعي بعد البيت السادس ..
ماعلى المظلوم ياكود الصبر ********** وفالنهايه مايصح الا الصحيح
.................................................. ...................................
اما بالنسبه للختم
عد مايلعب على العشب الزهر ********** وعد ماذعذع من الانسام ريح
وعد مادلت هماليل المـــطـــــر **********أختم ابيــات القصيده واستريح
.................................................. .......................................
وتقبلي تحياتي,,,,,,,,,,,,,,,,,
25-04-2006, 08:44 AM
العرض العادي
