... ( الرحلة الأولى مع الكابتن .. الشاعر .. العــسر ) ...

[العـــسر]

السلام عليكم ورحمة الله وبركاته

فالبدايه أشكر الشاعر خالد بن رمثان على هذا الموضوع الجميل
ويسعدني أن أكون أول كابتن في هذه الرحله


والشكر موصول لكل من مر على هذه الصفحه


أرجوا أنت تستمتعوا بهذه الرحله




تقبلوا مروري

[فــهــد]

.
.
.

يستاهل العسر

متابع بـ / صمت

.
.
.

[عبداللطيف أبوظهير العنزي]

شــــــاعر مميــــــز واسم على مسمــــى العســـــر وقصيده عســـــر
لاهنـــــت اخووي خااالد ومتـــــابعيــــــــــــــــن للجــــــــزاله
ودي

[خالد وبس]

ونعم التعامل والاخلاق .. والشاعريه المميزه
(العسـر) .. شاعر يلفت النظر في كل مشاركه وفي كل حرف ..!
اتمنى له التوفيق والتميّز



وتحياتي لك يا خالد !

[الريمي 2009]

تسابـق ريحـك العـاطـر .. بشـايـر شوفـتـك عـجـلآ

ولا جـات البشايـر يــوم .. شـمّـت ريـحـك العـاطـر

تناستـنـي .. وأنــا أتنـاهـا .. وأقــول أربـهـا تـجـلآ

هموم القلب .. وإحزون الفراق .. و ضيقة الخاطر

وعينـي .. يـا عيـون المستهيـم .. إلشوفتـك وجـلآ

وسـمّـاعـة تليـفـونـي تغنـيـلـي .. (وأنـــا نــاطــر )

وخفّـاقـي لـيـا مـنّـه تـذكـر ... (عـيـنـش الـنـجـلآ )

طرا له قول أبو نايف .. (ظميتش وأنتـي الماطـر)

وتستاهل يالعسر ولا يهونون اخواني الشعار الباقين

[الريمي 2009]

اللي كسب من عرْف الأذناب خـوّه

يبطي ولا له معْ هل المرجله .. شـان

واللي يحسْـب إن المراجـل فتـوّه

ناقص ... وخوة من يخاويه ... نقصان

واللي وطت رجله .. على جمر ضوه

ما سج منها .. لو يكفّـن بالأكفـان

يا مستمع ... جالك كـلام المفـوّه

كانك على بدع التماثيل ... شفقـان

عادك .. إبتقطع بر .. دربك .. وجوّه

وإتدوّر .. اللي للمطاليـق عنـوان

وإن شفت ... من فعله يترجم سمـوّه

حذرا .. تفرّط فيه .. لو كان ما كان

يا قلّهم .. فـي ذا الزمـان المشـوّه

وقت ٍ يشيّب روس .. ذربين الأيمـان

وإلا الردي ... وقته إموافـق لجـوّه

وتلقاه ... من كثر الدنانير .. عجزان

من عدّها ... وااجد ... ولابه إمروّه

جعل الولي ... يحْرمْه من حور الأعيان

وجعل الدراهم ... عند من شب ضوّه

وما صك بابه ... لا تنصّوه ضيفـان

تستاهل ياكابتن بسالله يرحم والديك ابي درجه اولى

[خالد بن رمثان]

عزاه من وقت ٍ مدى الدهْـر دوّار
وعلى كريمين اللحا .. سل سيفـه

تولّت إصدوفه طويليـن الأشبـار
وما قرّبت لأهل النفوس الضعيفـه

جانا زمان القرش .. سترك يا ستار
وروّح زمان أهل السيوف الرهيفه

فيه الردي .. قام إيتعامل بـدولار
كايف .. ووقته جا على كيف كيفه

واللي مضرّينه علـى شبـة النـار
ما عيّن اللي يجمّله ... تـو ضيفـه

يحز في خطّر هل العرْف .. بيطـار
كفّه غدت ..لكفوف حاتم .. خليفه

يدلّه الضيفـان .. وإيدلّـه الجـار
ونيّتْه ... ما هي يالسنافي ... نظيفه

أما ريا ,,, وإلا يبي الصيت ينـدار
بين الرجال ... وتطمح إله العفيفه

ولا رجا حسْنه من النافع الضـار
ولا تذكّر يوم عـرْض الصحيفـه

الرجْل .. لوّه من طويلين الأعمـار
إن ما حضنْه القبْر ... تاليه جيفـه

ما يدري إن عقب القبر جنّه ونـار
في يوم يجحد كل ولـف ٍ وليفـه

يالله عسى جيزي مع جيز الأبـرار
نعْتق .. إلى جا يوم عرض الصحيفه

[خالد بن رمثان]

المشاركة الأصلية كتبت بواسطة العـــسر

السلام عليكم ورحمة الله وبركاته

فالبدايه أشكر الشاعر خالد بن رمثان على هذا الموضوع الجميل
ويسعدني أن أكون أول كابتن في هذه الرحله


والشكر موصول لكل من مر على هذه الصفحه


أرجوا أنت تستمتعوا بهذه الرحله




تقبلوا مروري

وعليكم السلام ورحمة الله وبركاته




العفو يا كابتنا لا شكر على واجب




وزوّد السرعه

[خالد بن رمثان]

فهد بن تركيه





أشكرك جدا على متابعتك ..

[خالد بن رمثان]

عبداللطيف أبو ظهير العنزي



تواجدك و متابعتك شرف ..