نقاش: السعودية تدرس جعل العطلة الأسبوعية يومي الجمعة والسبت

[بطاح]

مشكور على هذا الموضوع يا عبدالله للتناقش

انا من رايئ انة ماله داعي ؟؟ الناس تعودوا على شئ خلاص صعبة يغيرونة ولية يغيرونة ما السبب ؟؟ او المبرر ؟؟

[عبدالله آل عامر]

أرحب يا بطاح ولاهنت على طرح رأيك لكن قد يكون هناك سبب اقتصادي أو مبرر لهذا الشيء؟

تحياتي لك

[ديمه]

انا رأيي مثل رأي مهرة والفرس <<اجل ليه جايه ..



بس اللي بغيت اقوله ...ان يوم الجمعة صار له طعم ثاني ..

اول كان يوم الجمعة(بالرغم انه عيد المسلم في الاسبوع)

يمثل كآآآآبه ...لأانه بعده دووام ..يعني واجبات واستعداد وبالتالي تقل زياراتي فيه للأهل وصلة الرحم في هاليوم

الحين لااا صار الواحد يستمتع بهاليوم يقضيه مابين عبادة وصلة رحم
ويووم السبت يقضي اوله طلعات ...وتاليه استعداد للدوام

وبص ..

اتمنى وصلت فكرتي

[عبدالله آل عامر]

حياش الله أخت ديمه ولا هنتي على طرح وجهة نظرش لكن إذا كان يوم السبت طلعات وسيّار على العربان متى أقضي واجباتي أو أجهّز لامتحاناتي

لو يوم الخميس صح بطلع وبروح لأن عندي يوم الجمعة صح مثل ما قلتي كآبة لكن على الأقل فيه أحل الواجبات وأذاكر إذا علي امتحانات

أرجو تقبّل وجهة نظري

[مهرة النسيان]

ليش متخوفين ياأهل السعوديه ترى الموضوع بسيط

وصدقووني ان الجمعه والسبت يجنن

واتحسووون العطله طوووووويله


وبعدين اخواني" وعسى ان تكرهوا شيئا وهو خير لكم "

*ديمه صح كلامش ..

[راشد العتل]

طبعا جميل ان يكون الجمعه والسبت اجازه
مثل ماتكرمت الاخت ديمه وقالت انه يمثل عيد المسلمين
فلو وراه دوام بيصير اليوم كئيب
فأنا مؤيد للجمعه والسبت

ولاهنت يابوسراااج

[أبو ناصر]

التغيير أمر جيد

ولكن لماذا نغير ؟؟<<<ضعوا تحت السؤال الف خط


يقولون لكي نواكب العالم في التجاره والبنوك والمعاملات

طيب مادخل الداوئر الحكوميه والشركات والشركات التي لا تتخذ إلا يوم واحد إجازه

يعني طالب في صف اول إبتدائي أو موظف بلديه أو موظف شركه محليه

مادخلهم في البنوك العالميه وماشابهها


يعني الناس رافضين الفكره إجتماعياً ولافائده ترجى منها لادينياً ولا إقتصادياً

لأنهم يستطيعون جعل دوام البنوك بنظام الشفت مثلاً يعني اللي يداوم في الويكند هذا وياخذ إجازته في غير الويكند يداوم زميله الأسبوع الجاي مثل دوامه

ويتركون باقي الناس اللي مالهم دخل في حالهم



أما من يحتج بأن أهل قطر تعودوا وأهل الأمارات بدأوا يتعودون


فحتى لو حطينا الإجازه السبت والأربعا راح يتعودون الناس عليها مع الوقت


فالتعود ليس بحجه



فياليت مجلس الشورى رقد ذاك اليوم لأنه مامنه فايده إلا ذي وأمثالها

الله يهدينا وياهم ماينذكرون إلا في دبلة الكبد



ولاهنت يابوسراج على فتح النقاش

[عبدالله آل عامر]

حياكم الله ولاهنتوا على طرح وجهات نظركم

[مهرة النسيان]

اعود للمرة الثالثه

انت قلت نقاش ياعبدلله صح؟!!

المرة الجايه اكتب للمشرفه مهره رد واحد فقط

ولكني اريد التعقيب على كلام بو ناصر

بو ناصر ماشي يستمر على حاله هذي سنه الحياة

وبعدين بو ناصر وش الفرق بين الخميس والسبت مافيه فرق

اررجوك حاول ان تقنعني

البلا مهوب ذا يابو ناصر البلا اذا قالوا بتصير الاجازة سبت وأحد

هذيك الساعه لازم نحتج ونرفض بالصوت العالي

اما الان مافيه فرق بين اليومين ..

وجهه نظر

[عبدالله آل عامر]

حياش الله أخت مهره والموضوع نقاشي لو تردين مئة مرة هذا المطلوب في مثل هذه المواضيع

لكن عندي سؤال متى بداية الأسبوع عند اليهود والمسيحيين؟