فـــــارس" في وجهاً لوجه ..

[فـارس]

المشاركة الأصلية كتبت بواسطة عبدالله آل عامر

السلام عليكم ورمة الله وبركاته

وعليكم السلام ورحمه الله وبركاته

مرحبا مليون بالأخ فـارس على كرسي الاعتراف ولاهنتِ أختي الفرس على الاستضافة

وبك البقا مليوون ولا يكفون ,, واشكر الفرس مره ثانيه على الأستضافه

مرور سريع ولي عودة بإذن الله

مرحبا ومسهلا بك وبمرورك يا عبد الله ال عامر ومرحبا بعودتك في اي وقت

[خالد وبس]

الله لا يهينك يا الفرس .. على الاستضافه المميزه
لــ صديقي المميز وحبيب الكل / فارس



فارس .. من الاعضاء اللي يدخلون القلب بدون مقدمات ، رائع في حضوره وراقي باخلاقه
ويخليك تمون عليه غصب .. صدره وسيع ومرح ولا يزعل من احد / ولا فيه احد
يزعل منه !! وهذا موهبه من الله





عندي اسئله بسيطه يالفارس المغوار



- اتوقع والعلم عند الله انك .. تحب !! وانا اعرف اللي يحب من مشاركاته ونفسيته المتقلبه
سؤالي / هل فعلا يوجد حب حقيقي لــ درجه ان هذا الحب يغيّر النفسيه والمزاج ؟


- كيف كان وضعك قبل النت ، وبالمناسبه متى كان اول دخول لك في هذا العالم العنكبوتي ؟


- اسمك مستعار !! والغريب انك حطيت صورتك في توقيعك ، سؤالي بماذا كنت تفكر من هذه
الحركه البهلوانيه .. والتناقض الشقلباني


- قرأت لك قصيده في قسم الشعر ، هل هي من ابداعك الشخصي !! والا متسلّفها من واحد
تمون عليه ؟ واذا كانت من ابداعك لماذا لا نرى لك ابيات هنا وهناك من ابداعك ؟


- هل لك علاقه مع احد الاعضاء خارج النت / وكيف كانت طريقة تسجيلك في المجالس ؟


- نرجع لــ موضوع صورتك <-- لحسة مخ معلش
لماذا لا تكشف عن اسمك بعد ان بانت ملامحك الحقيقيه .. واذا يوجد سبب يمنعك .. ما هو ؟



- ماهو الشي الذي يضايقك فالمنتدى .. وترا ان الاداره مقصره فيه !! سواءً محسوس او ملموس ؟
واذا ما فهمت .. احسن


- احد الاعضاء ترتاح له نفسيا وفكريا وكل شي .. واول ما تشبك على طول تشيّك على اسماء المتواجدين
وتقراهم اسم اسم .. لين تلقى اسمه / من هو ؟


- تحبني ؟








خالد وبس

[فـارس]

المشاركة الأصلية كتبت بواسطة خالد وبس

الله لا يهينك يا الفرس .. على الاستضافه المميزه
لــ صديقي المميز وحبيب الكل / فارس


والشكر موصول للفرس كذلك

فارس .. من الاعضاء اللي يدخلون القلب بدون مقدمات ، رائع في حضوره وراقي باخلاقه
ويخليك تمون عليه غصب .. صدره وسيع ومرح ولا يزعل من احد / ولا فيه احد
يزعل منه !! وهذا موهبه من الله

لا هنت ياخي على هذه المقدمه التي اتمنى ان تكون من صفاتي وجعلني الله عند حسن ظن الجميع بي



عندي اسئله بسيطه يالفارس المغوار

تفضل


- اتوقع والعلم عند الله انك .. تحب !! وانا اعرف اللي يحب من مشاركاته ونفسيته المتقلبه
سؤالي / هل فعلا يوجد حب حقيقي لــ درجه ان هذا الحب يغيّر النفسيه والمزاج ؟

-نعم . حب الله فمن احب الله كان بصره الذي يبصر به وسمعه الذي يسمع به ويده التي يبطش بها ..فهل بعد هذا حب وتغير في المزاج والنفسيات

- كيف كان وضعك قبل النت ، وبالمناسبه متى كان اول دخول لك في هذا العالم العنكبوتي ؟

- كانت اوقاتي مرتبه وقرائتي للكتب اكثر
- كان اول دخولي للنت هو عام الخدعه العنكبوتيه كما سمي عام 2000 م

- اسمك مستعار !! والغريب انك حطيت صورتك في توقيعك ، سؤالي بماذا كنت تفكر من هذه
الحركه البهلوانيه .. والتناقض الشقلباني

- نعم الأسم مستعار .. لكن انا لا اخفي نفسي .. ولا يوجد لدي اسباب مخفيه

- قرأت لك قصيده في قسم الشعر ، هل هي من ابداعك الشخصي !! والا متسلّفها من واحد
تمون عليه ؟ واذا كانت من ابداعك لماذا لا نرى لك ابيات هنا وهناك من ابداعك ؟

- نعم من ابداعي و لي حاجه في التسلاف من احد لأن من ركب درب غير دربه غدى حوسه
ولم يحن الوقت لأظهار مالدي من مشاعر
واحب ان اهديك هذه الأبيات المتواضعه .. وارجوا ان يكون لصدرك متسع لها

الاشعار ياخالد مشاعر وأحاسيس=ماهي بترتيب الحكي بالقوافي
إن كان ماتتعب ورا دروبها العيس=والا مسح ثرها هبوب السوافي
وإن كان ماترسخ مثل ذكر بلقيس=حرام ألحنها على كل وافي
والا أنت قولك يابعيد المراميس=يخجل يقوله كل قرمن سنافي

- هل لك علاقه مع احد الاعضاء خارج النت / وكيف كانت طريقة تسجيلك في المجالس ؟
- نعم لي علاقه مع بعض الاعضاء و سجلت عندما جاني الخبر ان ربعي لهم منتدى .

- نرجع لــ موضوع صورتك <-- لحسة مخ معلش
لماذا لا تكشف عن اسمك بعد ان بانت ملامحك الحقيقيه .. واذا يوجد سبب يمنعك .. ما هو ؟
- اخي العزيز خالد .. انا لم اخفي نفسي وقد بينت نفسي في اكثر من مشاركه واكثر الشباب معي على المسن وبيني بينهم معرفه
ولا يوجد سبب يمنعني من ذلك .. واهم شي ان الأداره تعرفني

- ماهو الشي الذي يضايقك فالمنتدى .. وترا ان الاداره مقصره فيه !! سواءً محسوس او ملموس ؟
واذا ما فهمت .. احسن
- الحمد لله لم يضايقني اي شي في المنتدى
- اما بالنسبه للاداره اشوف انها وافيه وقائمه بالجهد على اكمل وجه
- لا افهمها وهي طايره

- احد الاعضاء ترتاح له نفسيا وفكريا وكل شي .. واول ما تشبك على طول تشيّك على اسماء المتواجدين
وتقراهم اسم اسم .. لين تلقى اسمه / من هو ؟

انت ياخالد

- تحبني ؟

اشهد بالله






خالد وبس

الله يعطيك العافيه ياخالد على الأسئله .. واحب ان اشكرك على تشريفك الرائع وزيارتك الجميله

غير لا عاد تاتي ولا عاد تشوف عيني عينك هنا

[بطاح]

السلام عليكم ورمة الله وبركاته


مسيك بالخير والرضا يا فارس


مرحبا مليون بالأخ فـارس على كرسي الاعتراف ولاهنتِ أختي الفرس على الاستضافة


والله يعينك

[فـارس]

المشاركة الأصلية كتبت بواسطة بطاح

السلام عليكم ورمة الله وبركاته

وعليكم السلام ورحمه الله وبركاته

مسيك بالخير والرضا يا فارس

مسيك بالنور والرضا والعافيه يابطاح

مرحبا مليون بالأخ فـارس على كرسي الاعتراف ولاهنتِ أختي الفرس على الاستضافة

وبك البقا دبل

والله يعينك

اللهم امين .. والله يعطيك العافيه على المرور والسلام

[! شيخـــــة المنتــــدى !]

يعطيش العافيه الفرس على استظافتش لشخصيه فذه من شخصيات المنتدى

الفااااااااااارس ارحب ارحب مبطي وانا ارقب ذاللحظه

نياهاهااااااي

1/ لو اضطريت تغير اسمك ، وش الاسم اللي ممكن تسمى به ؟
2/ سلبيات وايجابيات دخولك مجالس العجمان ؟
3/ عضو تشوفه مؤهل يكون مشرف او مراقب ؟
4/ اقرب مجلس لنفسك ؟
5/ اكثر الاوقات تحب تشارك فيهاا فالمنتدى ؟
6/ وش رايك فيني ؟
7/ شي تنتقده فالمنتدى وشي تقترح اضافته ؟
8/ شخص ودك تشوفه في وجه لوجه ؟
9/ اكثر سؤال وقفت عند اجابته مده طويله قدام تجاوب عليه من خلال مشاركات الاعضااء مع ذكر العضو الساائل <-- سائل والا غازي هع هع هع
10/ كم بيض الحمام ؟


اتمنى ماثقلت عليك ، والنيه كنت جايه هداده بس كسرت خاطري يوم قريت اسئلة المجرمين اللي قدامي

كـــــل التوفيق اخوي فارس ، ودمت بحفظه

[فـارس]

المشاركة الأصلية كتبت بواسطة ! شيخـــــة المنتــــدى !

يعطيش العافيه الفرس على استظافتش لشخصيه فذه من شخصيات المنتدى

الفااااااااااارس ارحب ارحب مبطي وانا ارقب ذاللحظه

الله يبقيش يا شيخة .. والله يستر منش

نياهاهااااااي

حلوه الضحكه الشريره

1/ لو اضطريت تغير اسمك ، وش الاسم اللي ممكن تسمى به ؟
وهل لفارس ان يغير من اسمه وقدراته
2/ سلبيات وايجابيات دخولك مجالس العجمان ؟
من الايجابيات معرفة الطيبين وعلوم ربعنا والتواصل معهم
اما السلبيات فاتركها للوقت يبينها
3/ عضو تشوفه مؤهل يكون مشرف او مراقب ؟
وهل يقدم احد على شيخة المنتدى
4/ اقرب مجلس لنفسك ؟
سبق الاجابه عليه
5/ اكثر الاوقات تحب تشارك فيهاا فالمنتدى ؟
بعد الظهيره وقبل النوم
6/ وش رايك فيني ؟
شــــيــــخــــة
7/ شي تنتقده فالمنتدى وشي تقترح اضافته ؟
الانتقاد وارد . والاقتراح مهم .. ولكن كل شي في وقته زين
8/ شخص ودك تشوفه في وجه لوجه ؟
الأدارة
9/ اكثر سؤال وقفت عند اجابته مده طويله قدام تجاوب عليه من خلال مشاركات الاعضااء مع ذكر العضو الساائل <-- سائل والا غازي هع هع هع
مافيه .. كلها ماتاخذ مني وقت <<< واثق
10/ كم بيض الحمام ؟
ثنتين .. ولا كم


اتمنى ماثقلت عليك ، والنيه كنت جايه هداده بس كسرت خاطري يوم قريت اسئلة المجرمين اللي قدامي

بالعكس اسعدني مرورش واسألتش الرائعه .. وقدني محول بمفتاح العجل يوم شفتش جايه بالعجرا
كـــــل التوفيق اخوي فارس ، ودمت بحفظه

كل التوفيق للجميع والله لا يهينش يا شيخه

[فـارس]

اخواني واخواتي

اعضاء منتدى مجالس العجمان

يشرفني هذه الاستضافه من لدن الأخت القديره الفرس

كما أشكرها على هذه المقدمه التي في نظري انها بالغت وبالغت

لكن لا اقول الا اللهم اغفر لي ولهم مالا يعلمون واجعلني خيرا مما يظنون وأعني على ما يسألون .

اما بالنسبه لتوصيتش بذبحوه ..... فأنا الفارس لا أذبح بالأسئله .. اما حياة مع الفرسان او موت تحت سيوف الشجعان

[الحزن دااري]

اذبحوه بالاسئله ..

ما طلبتي شي ؟!


ياااااا حي الله من يانا وقعد على هالكرسي
فارس اشحالك ؟ شو مسوي ؟ >>>>> لا تقول شي ادري


يالله نبدا



-موقف ماتنساه طول عمرك؟


-من هو مثلك الاعلى؟؟؟؟؟


-اي بلده اتحب اتسافر لها وليش؟


-عطنا سلبياتك؟؟

والايجابيات في شخصيتك؟

عضو يعجبك أسلوبه في التحاور والنقاش؟

عضو تحب تتابع مواضيعه باستمرار؟

إذا لقيت المصباح السحري وقال لك المارد أطلب 3 أمنيات شو

بتطلب ؟؟

-امنو اقرب واعز اصدقائك وتحب اتسولف وياه ؟

- من هو الاقرب لك من افراد اسرتكـ ؟

- حدد اكـلة تاكلها وايد . ؟؟


-حكمــة تؤمن بها كثيرا .. ماهي ؟؟

-مكان يعجبك وايد وتتردد عليه وايد ؟؟

-ثلاث وردات تحب تهديها لمنو ؟

- شو رايك بأهل الامارات ؟

- شو رايك فيني ؟ >>> قلت ما بنسي هالسؤال




وبس

[فـارس]

المشاركة الأصلية كتبت بواسطة الحزن دااري

ما طلبتي شي ؟!


ياااااا حي الله من يانا وقعد على هالكرسي
فارس اشحالك ؟ شو مسوي ؟ >>>>> لا تقول شي ادري

مرحبا الساع

يالله نبدا

توكلنا على الله

-موقف ماتنساه طول عمرك؟

المواقف كثيره .. لكن اعذريني في عدم ذكرها

-من هو مثلك الاعلى؟؟؟؟؟

محمد صلى الله عليه وسلم

-اي بلده اتحب اتسافر لها وليش؟

تينات .. وذلك لجمال الطبيعه وحسن المنظر الخلاب بها .

-عطنا سلبياتك؟؟

كلي سلبيات ورحم الله امرأ عرف قدر نفسه .

والايجابيات في شخصيتك؟

دون تزكيه ( طيب - خدوم - مرح - جاد في عملي - طموح )

عضو يعجبك أسلوبه في التحاور والنقاش؟

جلوي بن محمد

عضو تحب تتابع مواضيعه باستمرار؟

فضه

إذا لقيت المصباح السحري وقال لك المارد أطلب 3 أمنيات شو

بتطلب ؟؟

الأولى لي .. والثانيه تحقيق طموحي .. والثالثه ان المارد ما يطلع لي

-امنو اقرب واعز اصدقائك وتحب اتسولف وياه ؟

جابر ال بطان

- من هو الاقرب لك من افراد اسرتكـ ؟

اخي

- حدد اكـلة تاكلها وايد . ؟؟

وهل غيرها شي عندنا ( الكبسه )

-حكمــة تؤمن بها كثيرا .. ماهي ؟؟

دع مايريبك الى مالا يريبك .. وارضى بقضاء الله وقدره .

-مكان يعجبك وايد وتتردد عليه وايد ؟؟

القريز

-ثلاث وردات تحب تهديها لمنو ؟

الأولى لك والثانيه للفرس والثالثه لجميع الأعضاء

- شو رايك بأهل الامارات ؟

حبايبنا ونسايبنا <<< زي ما يقولون الأخوان العرب

- شو رايك فيني ؟ >>> قلت ما بنسي هالسؤال

اخت عزيزه .. واتمنى ان يتغير نبره الحزن فيك الى فرح .



وبس

ماقصرتي

شكرا يالحزن داري على تشريفك لي