سجل أعجابك .. بأبيات شعراء المجالس .. فقط ..

[محمد بن ناصر الغفيلي]

موضوع أكثر من رائع
وحقيقة بهالصفحه نقدر نقدم أقل شي نسويه لشعرائنا المتميزين
ولعيون بني عمنا المتميزين بالشعر وتحفيز لهم راح نتابع بشكل دائم اشعارهم ونعبر فيها بذا الموضوع وبإذن الله أبياتنا المختارة لن تكون إلا من واحة الجمال ولاراح نفضل اسم على اسم وجميعهم يستاهلون من يتابعم وعسانا نوفي ونـقـدم لهم أقل شي يعلمهم اننا متابعينهم بستمرار وننتضر دايم جديدهم


وبالتوفيق للجميع


وبسم الله أبداء مع اسم لم يذكر سابقاً فذا الموضوع ..





يقول ,,,

يسري بي الهاجس .. ليامن ذعذعت ريـح الشمـال
كن الهبايب تنقـض جروحـي .. ولا تـدري بهـا
اقلب الذكرى واسـج الرجـل .. لا مـال الضـلال
واجر صوتي مـن غبـن نفسـي .. ومـن تعذيبهـا
تعبت اقول .. الهم زال .. وخابر إنَـه .. لا يـزال
وتعبت ودروب الشقا .. مبطـي وانـا امشـي بهـا
وتعبت من طول السهر ما بين .. حزن .. وضيق بال
ومن ونة ٍ(ن) وسط الضماير .. كل ليل اسري بهـا
وتعبت اكابر واخفي دموعي .. ليـا كِثـر السـؤال
عن قصة ٍ(ن) والله مدري .. كيف انـا ببـدي بهـا
الجادل الي من سنه .. من بيننـا ,, مـات الوصـال
راحت ,, ولاضـن الليـال .. المقبلـه تاتـي بهـا
يا حر كبدي يوم صـدَت ضايقـه .. والدمـع سـال
ما كنها إلآ ترتجي .. ي/احمـد ,, وطـرَت جيبهـا
والله لولا العيب .. والمنقـود .. وسلـوم الرجـال
لا خمَهـا مـن بينهـم .. واصـد واقـفَـي بـهـا
يا ويش اسوي ما قويت البعد ,, يـوم البعـد طـال
وكنت احسب اني من صغر سني .. وانـا نصيبهـا
الله .. على ظلم الزمـن والله علـى جـور الليـال
ياكـم عطيناهـا وهـي دايـم تـشـح .. بطيبـهـا
نبني ونبني .. بالامل .. وآمالنا ,, صـارت محـال
وعيوننـا مـن غبنهـا .. قامـت تهـل الـي بهـا
اي والله اني عقبها عايـش علـى .. وهـم وخيـال
اكذب على نفسـي واقـول : إن الليـال .. تجيبهـا
الله يصبرنـي ليامـن ذعذعـت ,, ريـح الشـمـال
والله ينسيني ,, جروح ٍ(ن) .. ماحد ٍ(ن) داري بهـا



والله اني قبل ادخل على صفحة ذي القصيدة دخلت على قصيدة لنفس الشاعر وهي قصيدة يام احسبني بلقى بيت او بيتين يعجبني لاكن لقيت كل بيت يناديني واحترت فيها قلت اروح لقصيدة الجادل واخذلكم منها كم بيت لاكن ماشاء الله نفس الوضع عجزت أطلع بكم بيت واحترت ونزلت لكم القصيدة كامله

لـ احمد الجوفان



والله لايهينك يالعنزي على ذا الموضوع وجمل الله حالك
وأسجل اعجابي بكل الأبيات الي نزلوها الأعضاء


تحيتي للجميع وتقديري

[مسعطر]

الشاعر و الاخ العزيز : عبداللطيف ابو ظهير ,,

لك جزيل الشُكر على الفكرة الرائعة و المحفّزة ,, و يستاهلون الأخوان شعراء المجالس ,,







و المبدعين عندنا واااجد ما شاء الله و بحتار في الإختيار ,, و الحين بكتب اللي قريتها و حصلتها قريب ,,





لـ شاعرنا الخلوق و المبدع "مــابه جديـد "

اقنص ثلاث اشهور ادوْج انا فيـه=اطى مدارجها و كـل الحـراوي
ولا ينذكر لي قفر الا و انـا اجيـه=يضيّع الصقـار كثـر الهقـاوي
ياطير لااتكثر علـيّ المشاريـه=اقصر عنان الهرج خل الحكاوي
مفلس من الثنتين لاذي ولا ذيـه=مابه جديد ان قيل عني شقـاوي
قبلك لعبي صاحب ٍ كنت اداريـه=قفـى و خلاّنـي وحيـد ٍ خـلاوي
الله حسيبه كيف يجـرح مداويـه=والله حسبه كيف صار المداوي!!
لاشك ماني نادمن مـن تجافيـه=صدّرت من بيره و انا منـْه راوي
قطفت من شينه حـلاوت لياليـه =و أشفيت كبدي من قراح الشفـاوي

http://www.alajman.ws/vb/showthread.php?t=41019




/
/
/
/
/
/

هذي للشاعر المبدع العسر ,,
اللي اتوقع له مستقبل شعري قووووي جداً و هو من الحين ماشاء الله مبدع

إلـــى تـمـشّـى زيّـــن الــقــاع مـمـشــاه=كــن السـحـايـب عـقــب مـشـيـه إتـعـلـّه
دايم إلى عرّض علـيْ .. يقصـر إخطـاه=مــــدري بــــلاه الــثــوب وإلا إجـبــلــّه
لا زل فــي حـقـي .. وكـثــرت خـطـايـاه=فإقـبـالـتـه تــدمــح مــعــه كــــل زلـــّــه
مــا زيّـنـه فــي العـيـن حـسـن ٍ تـغـشّـاه=إمـزيّـنـه قــبــل الـحـســن زيــــن دلــّــه
عـذروبـه إنــه لا حـكــى مـــا سمـعـنـاه=حـتـى لـزيـزه لا حـكـى مــا فـطــن لـــه
من صغر ثمْه .. الحكي يقطر من إشفاه=يغنـيـه مــن كـثـر الحـكـي بـعـض قـلــّه
وفـي عينـي إن عذروبـه أكـبـر مـزايـاه=لأنّــه لــو إنّــه مــا حـكـى .. مــا تـمـلـّه
الـحـكـي والله فالـنـواعـس .. وتــقــراه=لاسلـهـمـت ســـود الـرمــوش المـظـلـّه
يــــا ذيــــب قــلـــه لـثـمـتــه لا تــعـــداه=لـو طشّـهـا .. كـثـروا .. حواسـيـد ظـلـّه
لا فـــرّع .. وقـامــت تـبــارق شـفـايــاه=عـيّــت إرجــيــل الـمـهـتـوي لا تـشـلــّه
مـدري غــروره حــال مــن دون لامــاه=وإلا إنظـلـوه .. أهـــل الـكـبـود المـغـلـّه

http://www.alajman.ws/vb/showthread.php?t=40945
^
^
الولد هذا متفجر شعر








المبدع عيد ابن شدقان

وشلون؟ و المشكلة ما عاد يمدينـا=هبّت هبوب الفراق و ناحت الورقـا
حبيبتي داعـي الهجـران يدعينـا=و اعيوننا من زراق ادموعنا غرقـا
حنـّا كبرنـا ولا طلنـا امانيـنـا=و الوقت لامن تحاكا ينطق (الفرقا)

http://www.alajman.ws/vb/showthread.php?t=35680





و لي رجعه ,, مع إبداعات شعرانا

وجزيل الشُكر لأخوي عايض العجمي لتنبيهي ,,

[حـــوران]

تسجيـل إعجـاب

/
/

لاشك ماني نادم ٍ مـن تجافيـه=صدّرت من بيره وانا منْـه راوي
قطفت من شينه .. حـلاوة لياليـه=وأشفيك كبديمن قراح الشفـاوي

لــ / مــابه جديـد

[عويضه الوقدان]

من الأبيات التي أعجبتني

سآهي / و ذا النـاس .. معهـا و لانـي بمعهـا=و أذكرك / و اقول : جعله ساهـي بذكـري
لـي ونـةً مـن صميـم القـلـب دافعـهـا=تسكن ضحآي . و مسآي . و ظهري . و عصري
مـن قوٌهـا شيٌبـت فــي رآس سآمعـهـا=و خآويتها توٌ عمـري .. مـآ بـدا عمـري ؟
يـآ قآنـي(ن) خيـل حبـي يـآ مطوٌعـهـا=يآ قآطع(ن) عرق قلبـي و انـت مـأ تـدري !
يآ مريٌـح آلـروح ,, مـدري ,, يـآ ملوٌعهـا=آلحـب مفضـوح فـي عينـي و فـي شعـري
حبٌـك تعـدٌآ السمـآ و امسـى .. بسابعهـا=و ان كان بـه ثآمنـه قـد رآح مـن بـدري
( معآنـي آلحـب ) مـن عيـنـي منآبعـهـا=و تفيض لـك يـا بعدهـا كـل مـا تطـري

للمبدع / محمد العزام

[عايض الوقدان]

يحسبون ان الظما من قل ما=مادروا بان غيبتك سبت ظماي

.
.
.


للجميل : العــسر

[][ .. خــجــل .. ][]

بحر الغرام .. وغبته .. وامواجه
اخطر عليّ .. من المحيط الهادي
منـوّل امـرّه .. ولا لـي حاجـه
اجيه عادي .. ثم اغادر .. عادي
اجلس على شاطيه .. لجل اواجـه
ظلم الزمان .. وقسوته .. وعنادي
واليوم قد رجلي معه .. سجّاجـه
كنـه ينادينـي عليـه .. منـادي
مدري يناديني الحزن .. وازعاجه
والا حبيبي .. غايتـي ومـرادي!

/
\
(( خالد وبس ))

ألآ يا وجد حالـي وجـد .. حالـي .. .. من الضيقه ومن .. سـود الليالـي
وجود الي قضا عمـره .. بغربـه .. .. بدار ٍ(ن) ما بها عم ٍ(ن) .. وخالي
جيوش الهم فـي قلبـي .. تزاحـم .. .. وصبري يا زمن .. شـدالرحالـي
اقول انـي قويـت البعـد .. لكـن .. .. يصيح القلـب لامانـي .. بسالـي
اصبر ما بقا من جيـش ,, صبـري .. .. واقول العزم ورثي .. من خوالـي
و أون ويرتجف دمع ٍ(ن) .. بعينـي .. .. عذآبي لآ طرآلـي ,, مـآ طرآلـي
فقدت العـز .. وعـوال الجماعـه .. .. فقدت الطيب .. مع صفر الدلالـي
فقدت المجلس الـي .. مـا يقفـل .. .. تزاحم فيـه ذربيـن .. الخصالـي
فقدت اللابـه الـي .. مـا مثلهـا .. .. (عوال عجيم) .. الا يـا راس مالـي
هلي يا عزوتي .. لا ضاق صدري .. .. هلي يا عصبتـي .. لا يـا عقالـي
اشوش اليا ذكرت فعول .. ربعـي .. .. واحبك القاف من نِدر .. الجزالـي
واجر الصوت من طنخه .. براسي .. .. يلـو انـي معـا قافـي .. لحالـي
سلام الله على ربعـي .. سلامـي .. .. سلام الله علـى ربـع .. المعالـي
سلام الله علـى( يـام) .. العريقـه .. .. عدد ماهـب نسنـاس .. الشمالـي
ياكم شيـخ ٍ(ن) عقدنـا.. حاجبينـه .. .. وصِفق يمنـاه .. بالكـف الشمالـي
وياكم جمع ٍ(ن) تعاف العين .. شوفه .. .. قلبنـا اولـه مـع .. كـل تـالـي
الا يا راس مانـي مـن .. يلومـك .. .. تنومـس .. لعنبـا بِـرد العوالـي
وجر الصوت دام ان فيك .. طنخـه .. .. مدامك من نسل ذيـك .. الرجالـي
والا يا قلب لا يضعفـك .. همـك .. .. تصبـر دام عزمـي .. مـا يبالـي
والا يالله يـا خـالـق .. عـبـادك .. .. تفرج كل هـم ٍ(ن) .. سـم حالـي
/
\
/
(( احمد بن جوفان ))

العنزي
تسلم على الموضوع .. الممـــيز

\
/

[عبداللطيف أبوظهير العنزي]

اشرقتــــــــــــو هـــذا المتصفـــــــح بمــــــــــرورك الاكثــر مــن رائــــــع

.
.

آه يـآ كبـد آلـهـواوٌي آلمعـنٌـآ=و آه يآ خوف(ن) من الفرقآ سكنٌـي
(اتمنٌى) .. و كـل خلـق الله تمنٌـى=..مير مآ كل آلمطآلب (بالتمنٌـي) ..
غبت عنٌـي و القمـر منـوْر وطنٌـآ=بس نوره من غيآبكـ..غآب عنٌـي !
مآ دريت إن (الوله) بآلدمـع غنٌـآ ؟=و إن عيوني تعزف لحـزن آلمغنٌـي !
مآ دريت إن حآلتي . غصن .. و تثنُآ ؟=و إن طيفك.. ليلة آلبـآرح زبنٌـي ؟
غبت منٌآ .. و جت سيول آلشوق منٌآ=و شف غيآبك سيٌل أشوآقي و فنٌـي
لا يطول آلبعد و تضحُـك زمنٌـآ ..=و الله إن يبطي.. و لا يآخـذك منٌـي

للمبـــــدع محمــــد العـــــزام .... مـــن أجمـــــــــــل مـــاقـــرأت

[العـــسر]

السلام عليكم ورحمة الله وبركاته

أنا بصراحه لي حول ساعه وشي أدوّر أبيات أحطها في هذا المتصفح وأحترت في الزين منها القصايد الجزله واجد ..

دخلت (شذى الجوري لخالد .. وبس )
بدوّرلي على بيتين حلوات اشارك فيها ..
للأمانه لقيتها كلها حلوه
قمت أدوّر أردا وحده منها وعيّنتها ..

في خاطري شيّ مخبّا .. ومكشوف
ولا اعبر من المكشوف .. غير المخبا
×
كم كلمةٍ عيّت تزحزح .. من الجوف
واخاف اموت وعاد صدري .. معبّا
×
الحب لو انه ماغير .. (4) حروف
ونظره .. وغمزه .. وابتسامه .. ولبّا
×
ماني على بعض الغنادير .. مكلوف
اللي على الطاري .. تبين وتغبّا
×
اما اني اعشق صح .. مغرم وملهوف
والا بلاش من الخيال .. اتوبّا
×
(ف)يا جعل من غيّر حياتي .. وانا اشوف
أفداه .. وأفدى اهله .. وماما وببّا
×
ماهوب لا بيّن .. ولاهوب معروف
الا ان طعمه .. مثل طعم المربّا!؟

لمتنبي المنتدى (خـــــالد .. وبس )

[العـــسر]

(قالت : من انت ) ؟وقلت : حيا الله انسان
أعيش يومي بين فوز وخساره


مرات كسبان(ن) ومرات خسران
وبعد الحلاو اذوق طعم المراره


غريب اعيش بغربتي بين الاحزان
والوقت ينفض في طموحي غباره



=================================================


يا برد الليل يا طول المسافه
يا درب(ن) ما جهلته لجل اخافه

اشوفك واقع(ن) عاشه كياني
واشوفك حلم واشوفك خرافه

الا يا وقت كافي من جروحك
جروح القلب ما تحتاج اضافه

انا قلبي شكى من جور خله
سوات النهر يشكى من جفافه

شعوري هو شعوري ماتغيّر
احب الوصل والا البُعد اخافه

حبيبي غاب مدري وين داره؟
عليه اسوق وجدي والحسافه

وعليه اهل دمعي كل ليله
وعليه الشعر ولحونه وقافه

الا يا وقت ليته بس يرجع
ويترك كل ماضينا خلافه

واذا مرتاح في بعدي وهجري
( يرد القلب لو مابه كلافه)





لصاحب الإحساس المرهف / عايض العجمي

[" مــــابه جديــــد "]

تسجيل اعجاب

وإلا إختلاج العبـره اللـي مـن ورا حـدب الضلـوع=مـال أمهـا داعـي .. وأنــا عـنـدي دواهــا .. خلـهـا
إن كان فـي الخاطـر عبايـر ... هلّهـا حـزة خشـوع=وإدع الله الـلــي لا عـقــد روس الـحـبـال إيـحـلـهـا

لــــــــ العسر العسر