ܓܨ[ روضـــــــة خريـــــــــم ]ܓܨ

[الرسام]

الحلو والرايق اللي على كبدي سمن=القدر والحب واسبابه اللي ساقته
جا تسابق خطوته سرع دورات الزمن=والدروب الكايده مرّها ما عاقته
ينتظر لحظة لقا لو بها عمره ثمن=والمشاعر في خفوقي توازي طاقته
ارتفع سهم المحبّه بقربه ما طمن=واستقر بين الحنايا ونوّخ ناقته
هو حلو ؟ وانا حلو !! كلنا عسل وسمن=جعلها تبطي ما خربت معي علاقته

[الرسام]

http://www.g999g.com/uploadcenter/in...wfile&id=10111

[الرسام]

هنا عوده

[الرسام]

ابطيت!! لكنّ بعد أبطيت وش جايب؟=فرشه ,, ولا تهون لوحاتي,, ولا إسمي

يا { روضة خريم } حظي خاثر ورايب=وانا تحريت نبتك من مطر وسمي

والله لو لي مثل ما/إلطارق التايب=(لا كان) بانت مواريها على رسمي

حنيت واثر الحنين أمرّ للغايب=من قولة : ( الله يعينه ما هو بممسي)

[الرسام]

من عنده

ياشين الهموم إن جات لمّه على مركاي=على طاري العشّاق واهل المحنّيه

ماغير اذكر الماضي واقول اشمصير الجاي=عقب ماتقطّع حبل وصل الرمنسيّه

عقب ماطردته قمت ألعّن فعل يمناي=ولاعاد أظنّ انْ له عقب روحته .؟ جيّه

بسنّد عليك اللّي كتبته يا(..........)=عساك إتفهّم حالةٍ غير عاديّه

بقول إلحبيبي قبل لاافارقه بيباي=انا بكره أقلع فالخطوط الكويتيه .!

ومن عندي

على جرة اوتار الكمنجا وصوت الناي=تراقص بنات الفكر في ليلة ٍ حيّه

هلا... مرحبا ياقاف ضاوي على مسراي=تراكا معا بندر وعينه شقاويّه

يا بندر وذي رده و ما ينفعك احكاي=ولكن بعد لحّقت غترتْك طاقيّه

عليك الصبر لا تزيد من بلوتك بلواي=تراني على مركاي قد جاتني كيّه

توجّه على كور الفرنجه وذا لك راي=عليك بطرب نفسك وحاجه غنوايّه

توجّه وانا خابركْ يا صاحبي روّاي=ومركاك حنا لا توغلت فالهيّه

[الرسام]

لا تنزعج من مراسيلي اذا ازعجتك = الشوق من غيبتك حامي ومتولّج

صعبه ضروفك؟ انا ادري وان تولجتك = معذور لان الفؤاد بحبك مبنّج

اخلجتني يا لطيف الروح ما اخلجتك = وحديتني لو طباع الرجل ما يخلج

احتجتك البارحه ؟ إي بالله احتجتك = يا مدخل لهم ضيقاتي ويا مخرج

ابطيت يا بحر حبي ما تموجتك = ابطيت وانا اللذي من مدّك اتوهج

[الرسام]

يا زين حب ٍ ساقته لي كتابات=وسط المسنجر بين حرفي وحرفه

كن المسنجر قلب والحرف نبضات=وكن اتصالي بنك زايد بصرفه

غصت المسنجر غوص كنه محيطات=والحرف نبض القلب يا هول غرفه

لبيه يا حرف ٍ لفاني بآااهات=ولبى انامل عرفتني بتُرْفِه

يا ترف قلبي من بعيد المسافات=استعبده قلبك على غير صرفه

للموت سكرات ٍ وللحب لذات=وقلبك على قلبي تزايد بسرفه

ارحم مود ٍ صاغ لك بضعة ابيات=يجهل كثير الحب مع كثر عرفه

ارحم محب ٍ ساقته لك كتابات=وسط المسنجر بين حرفك وحرفه

[الرسام]

يا اهل قطر والقلب لو يكتم الشوق
لا بد من يوم ٍ يجيه ويقوله

[الرسام]

،




لو تطورنا مع الايفون وتويتر
ما نسينا منتدا العجمان والشله

كل ذكرا فيه ما زالت على الهيتر
والبرود بحكمنا يخرج من المله

[الرسام]

،






الدمعه اللي غرقت كفي اليوم
دمعة وفا ما كنت ابيها وطاحت