سؤال جميل يالدبلوماسيه
انا من وجهة نظري مع احترامي لجميع وجهات النظر ان العضو الكفؤ اللي
يجمع بين المعرفه والعلم وفي نفس الوقت خدمة المواطن في ضمن ايطار
صلاحياته وحدوده هو اللي يستاهل انه يكون نائب عن الدائره اللي هو فيها
سواء كان عجمي او غيره مايعني هذي ان ماعندي غيره على القبيله او
اني ماأبالي لقبيلتي لا بالعكس انا اعتز بقبيلتي وافتخر فيها لكن فيه امور
ماتقبل القسمه على اثنين انا اذكر عضو مجلس امه بصراحه كان ناكب
عفش الامه!!! كان اكثر قراراته اذا مو كلها ضد مصلحة الشعب ومع ذلك
ينجح كل فتره ليييييييييييييش...؟ لانه يجيب استثناءات ويسدد مخالفات على
حسابه وينقل فلان من مكان الى مكان و و الخ والمشكله انها امور يعني
اكثرها بصراحه ماتحتاج عضو مجلس امه!! لكن كبار السن عندهم الامور
هذي خدمه جليله والقرارات اللي يصوت عليها وفيها مضره للشعب عادي
ماتهم دامه خلص لهم معامله تافهه!!!والمشكله ان العضو هذا من نفس
القبيله!!!واتمنى انه اذا صار فيه انتخابات فرعيه يطلعون ناس كفؤ ناس
فاهمه ناس متعلمه توها شباب واتمنى بعد ان كلامي مايزعل احد
واسف على الاطاله وشكرا.