(( سجـل حـضورك ببيت قصـيدة أو حـكمة ))

[عـسـاه خـيـر]

حكمه!!



** لا يحزنك إنك فشلت مادمت تحاول الوقوف على قدميك من جديد **

[شيخة الغلا]

لاضاق صدري دون كل الخلايق
وحسيت بأن القلب تبكي ركونـه
ذكرت منهو لا لفا الصدر ضايق
أقبل يجر الصوت( لاتضايقووووووووووونـه)
وضحكت كني طول هالوقت رايق
مدري لصوته ولا لخاطر عيونـه

[أميرة الإحساس]

ياكثرهم .. لا قلت لك .. عرفت وجيه
وياقلهم .. لا قلت .. قـدر ومعـزه
رجلٍ .. تعزه بعد ماتلتقـي .. فيـه
ورجلٍ .. قبل ماتلتقي بـه .. تعـزه


ورجلٍ .. ترزه بالمجالـس مباديـه
ورجلٍ .. فلوسه بالمجالـس تـرزه


.. ورجلٍ يموت ولا يجيبون طاريـه
ورجل ٍ .. يجي طاريه في كل حـزه


ورجلٍ يهزه .. بعض موقف ويشقيه
ورجلٍ .. مهوب أيّات موقف يهـزه


ورجلٍ .. ضعيف .. ويستفزه معاديه
ورجلٍ .. كلام اعـداه .. مايستفـزه


ورجلٍ .. تلزه يعترف لـك بخافيـه
ورجلٍ .. على خافيه .. محدٍ يلـزه


ورجلٍ .. يوزونه .. ويزعل بنيخيـه
ورجلٍ .. يزعّل من يحاول ، يـوزه


ورجلٍ .. تكزه لا زم انـك توصيـه
ورجلٍ .. بليّا مـا توصيـه .. كـزه


من لا فرش .. للمرجلـه ماتغطيـه
ومن لايخز .. الناس .. محدٍ يخـزه


ان كنت تعرفني فهي .. عرفة وجيه
مو شرط لك بالقلب قدر .. ومعـزه

[الغروب]

نعمة النسيان ويارحمة اللـــــــه

[! شيخـــــة المنتــــدى !]

تبغاني اصبر ؤعلى غيابك إليا غبت ؟! ***** عطني مثل قلبك واسوي سواتك

[حـــوران]

مســــاء الخير

؛
؛

ليتك تعرف تخون واقول خني = على الاقل القى سبب واتناساك
خايف يطول البعد وتسج مني = وياخذ مكانك شخص ماهوب يسواك
وش عاد اسوي يومك اقفيت عني =لا انا اتبع المقفي ولا احب فرقاك

؛
حمــدان المري

[محمد الغيثاني]

مساكم ورد

ياللــــــــه يا منشي مخاييل وبروق = يا مكون ٍ من ذر الامطار دانه
قدلي ثمان سنين وان زدتهــــا فوق = اسير بين الناس والقلب خانه

.
.
.
.

ملكية خاصة

[غـشـام]

مسـاء البنفسج

شفت الحجاج ومبسمٍ ع الذابوح = مع ذبلٍ لا وآآهني من نشحها
نشحة يتيمٍ .. مع هل البيت مشفوح = مدّوا عليه / جغيمةٍ وأصطبحها

[مهرة النسيان]

سلامي على اللي كل مامرني طاريه=وقفت احترامٍ للغلا واحتـرامٍ لـه !

[الغروب]

ودنا بالطيب لكن الدهر جحاد = كلما تخلص لــنــا س كــنــك تـغــشــها