تعـالوا أكتبوا آخر مسج وصلكم على الجوال ...!!

[راشد العتل]

الحين شالسالفه ؟؟؟

[الخليفه]

السلام عليكم
لاهنت يابو مبارك

مدري وش السالفه الموضوع مكتوب أسمه عندي يا عبد الله ال زريق تعـال أكتب آخر مسج وصلك على الجوال لكن أظنه يختلف الأسم عند كل عضو

أما الرساله فهي دعوة عرس

[خلاوي الشمالي]

جايتني وسائط صوره

لاهنت بومبارك عالموضووع

[راشد العتل]

اها

اجل اخر مسج توه الحين وصل
من شاعر فلة حجاج

قال الذي يرسل بداء ٍ بلا علاج=خمسة بيوت ٍ بين اج ٍ وأنج
ماهي بقاف ٍ للغزل بين الأزواج=وماهي لغرون في شبابه تغنج
لا والله الا لشاعر ٍ فلة حجاج = لامن قراها شاب راسه وشنج
لكن قافيتي صعيبه وتحتاج=تحتاج شعر ٍ صاحبه ماتبنج
ماظنتي بترد لو تلبس التاج=لوتعصر التفكير وراسك يطنج

[الحزن دااري]

المشاركة الأصلية كتبت بواسطة راشد العتل

الحين شالسالفه ؟؟؟

الله آعلم


المهم كان يزقرني وسكت لانه باين عليه

يا الحزن دااري تعال >>>>>> اجل تعال .. حاطه برقع كبر خريطة دبي ويقول لي تعال



رشوووود اكتب اخر مسج وصل لك ؟؟

[أبو مسعود]

ارحب ارحب


الصداقه بير والصدق الدلو
والوفا ماها وانا طلابها
والنشاما فالمطلات اعتلو
والرخوم منوخات ركابها
وانت لو تحتاجني عطني مسج
فدوتك عيني وسود اهدابها

[عاشق العليا]

أخر مسج وصلني يابومبارك هو:
شخص مرسلي رقم حسابه بالبنك يقول:

هذا رقم حسابي حولي المبلغ بسرعه قبل ينتهي الإكتتاب

طبعا في مصرف الإنماء

تحياتي يابومبارك

[جمال آل سالم]

العشاء القابله عند آل مسفر في الضاحيه

[سعيّد ابوجعشه]

الظاهر كل واحد يدخل على مجلس الكمبيوتر والاتصالات يشوف اسمه وشلون والله مدري هذا اللي يسمونه تكنولوجيا >>>> احلف

المهم لاهنت يـ مسفر وآخر مسج وصلني هو

سلام يـ اللي بصدري تمركيت

في فيضة بالقلب خضرا مضله

وادنيت له حزمة ظلوعي وشبيت

وسويت من صافي الوريدين دله

لعيون من قدره على الراس حطيت

ومن بد كل الناس روحي فدا ً له

[فهد الذويب]

ههههههههههههههههههههههههههههههه


آخر مسج وصلني على الجوال كان يقووول


عزيزي العميل أوشكت على تجاوز حدك الإئتماني


طبعاً أهو من شركة الاتصالات

دمتم بووووووووووووود