حـــوران ضيف الأسبوع في وجهاَ لوجـه

[حـــوران]

المشاركة الأصلية كتبت بواسطة الفرس

اولا ...

اشكر مهره على الاستضافه ..



ثانيا ..


نرحب ونهلي بالحضور القوي وبالشخصيه المحببه للجميع ..


شخص له ردوده الواضحه والقويه .

انا هنا للترحيب ولي عوده محمله ببعض من ماتحمله تساؤلاتنا عنه ..

~*¤ô§ô¤* الفرس *¤ô§ô¤*~

يامرحبا يامرحبا .. نورش قطع الكهربا

الله يسـلمش .. وشكرا ً على مرورش وتواجدش الرائع بين كوكبة الأعضـاء النجوم والغالين على قلبي

وفي إنتــظار إسئلتـش .. ولاحد يكثـّر النشده

[حـــوران]

المشاركة الأصلية كتبت بواسطة محـMـد الـMـري

جيت باسلّم على حوران وامشي=بس كان الله كتب لي يوم عوده

يامرحبا ويا مسهلا

نوّرت يامحمد الصفحـه وشرّفت صاحبها


ولو مارجعت تراك معذور .. دايم وافي ولا فيك شكه جعلك تسلم


إحترامي لك وتقديري

[حـــوران]

اسئــلة العضو الغالي ( 7bk^63jni )

حوران

ارحب يابو طعجه

واخيرا جبتو سديغي حوران

شكرا يا مهره على الاختيار الموفق

وانا انشاءالله بسأله كم سؤال ولا احب اكثر عليه واتمنى يسامحني على القصور

مسموووح مسموووح بس لاتكررها
عضو تحبه ..؟

كثيـر من الأعضـاء اللي أحبهم .. وأولهم أنت


عضو تحترمه لاحترامه لك ..؟

علاقتـي مع كل الأعضـاء مبنيـه على الأحترام المتـبادل .. حتى لو مابيننا محبه ولا كـُره

من مِن الاعضــاء فقــدت مشاركــاتـه ..؟

السهم .. بس رجع والحمدلله

وايضـا ً

(الملكه + ملكعه + بدر العرجاني)

من الأعضـاء اللي يبقون في الذاكره .. من مواضيعهم ومشاركاتهم

الله يوفقهم ويذكرهم بالخير

ماذا يعني لك المنتدى ..؟

بيـت امارس فيه راحتي النفسيـه

سبب اختيارك لمنتدى مجالس العجمان هل هو لانه منتدى قبيلتك او لسبب اخر واذكره ..؟

الصراحه لأنه منتدى قبيـلتي .. ولا المنتديات الباقيه بالملايين

لكن الولاء يجبرنا على تواجدنا بشكل مستمر في منتديات قبائلنا


اول قسم تذهب له عند دخولك للمنتدى ..؟

عيـون الشعر


هل اكتسبت صداقه من المنتدى الذي يجمعنا ويربط بيننا علاقه قويه مع احد وياليت تذكرهم ..؟

طبعا ً اكتسبت وتشرفت بهم .. ومن ظمنهم أنت .. اللي اعرفك من قبلها بس الاسمـاء المستعاره تحجب الرؤيه


ماهي الامنيه اللي تتمنى انها تتحقق في اقرب وقت ..؟

نصرة الأسـلام وإنعدام الأرهاب المنسوب للمسلميـن

مالذي لاتود سماعه طوال حياتك ..؟

خبر وفـاة أحد والديني


حكمتك في الحياه (طبعا غير الحكمه اللي ارسلتها لي على جوالي) ..؟

دامني مابعد وصلت لعمر الـ 40 أجل تأكد انها مازالت هي نفسها الحكمه

بما أنك من اللي لهم ذائقه شعريه ممتازه.. ماهو الشاعر الذي لاتمل من سماع / قراءة قصائده ؟ وماهي القصيدة المقربة إليك ..؟

اللي ما أمل منه هو / ســلطان بن محمد بن وسـّام الهاجري


وهذي قصيدته اللي دائم أرددها

عليك الفرج ياالله ياحي ياقيّوم =إلهٍ عباده كلها تلفت يمّه
الا يارفيقي والله انه عداك اللوم =انا اللي علي اللوم في ذمتي ذمه
ولكن سامحني ترى العلم فيه علوم =ولا يفرح اللي بيننا ينقل النمه
حصل ماحصل والعبد يصبر على المقسوم=يدور الزمان ويخلف العزم والهمه
(طرات الرجل لا لحقه من الزمان هموم=ما يدري بسده كود خيرة بني عمه)
وسيع البنايد في الشدايد قوي عزوم=لعظك زمانك شال همّك مع همّه
وانا والله اني ماتهنى بحلو النوم=ورفيقي عليه هموم الايام ملتمه
اشيل الحمل منه واحطّه علي واقوم=مقام يورد مظمي الما على الجمّه
لكن الزمان الشين ظالم وانا مظلوم =على الهون ياللي تمدح الوقت وتذمه
تهب الهبايب والسفن في البحور تعوم=وتقفي بها صلف الهبايب عن اليمه
هبوب تصلفقها وبحر وسما ونجوم =وموج تقفاه العواصيف وتزمه

تكتب شعر ..؟ اذا كان الجواب بنعم اتمنى تكتب لنا اقرب قصيده لنفسك

لا .. وحتى لو أكتبـه مانشرت قصايدي

اغلب وقتك وين تقضيه ..؟

في مجلـسنا


مثلك الاعلى ..؟

لا تستـغرب لو قلت لك مالي مثل أو قدوه

أنا آخذ اللي يعجبني من شخصيـات مختلفه واحاول اظيفه لشخصيتي



موقف طريف حصل لك ..؟

وااااجد المواقف المحرجه والطريف .. بس ليست صالحه للنشر

موقف صعب لا تنساه ..؟

وفـاة قريبي في حادث

ترى لحد الحين في نص الاسأله

هذا بلا أبوك ياعقـاب


حوران صفه فيك تتمنى تغيرها..؟

تضـارب مواعيد النوم


صفه تتمنى تكون فيك ..؟

طول البـال والخاطر

وعلى بعض الأشيـاء ماعندي صبر .. واتمنى الصبر فيها


ليه اغلب اجاباتك فيها نوعا ما من التلغيم ..؟

ماعندي تلغيـم ولا متفجرات .. لاتشوّه سمعتي


اذا حصلت لك فرصه للسفر اول بلد راح يطري على بالك وشوو وليه ومن بتاخذ معك ؟

بروووح للكويت عشانك


حوران سر تود ان تبوح به حصري لنا ..؟

ماعندي أسرار للـنشر

حوران مالك نيه تغير ناديك المفضل اللي مب رايح ديره وتشوف لك فريق اصرف منه


مالحب إلا للحبيـب الأولي .. والقمه القمه القمه .. يانصر والموعد القمـه


حوران اتمنى ماكون طولت عليك او غثيتك او دبلت كبدك ولاتخاف راح ارجع لاني مضطر اني اطلع الحين واكتفي بالاسأله اللي كتبتها لك






لا انت عسل كبود .. وكل مايجي منـك يفرحني

لا حرمنا الله طلتـك وشوفة خشتك

ومهوب لازم ترجع مره ثانيه

[حـــوران]

المشاركة الأصلية كتبت بواسطة مسعطر

مهرة أحسنتي الإختيار




حوران مررحبا و مسهلاااا


و أبرك الساعات



و لي عودة بـ نشدة ٍ عن عروق الثرا




برب

أبو السعااااطير

ارررحب ياولدي


وفكنـا من عروق الثرا لو سمحت .. لاتخليـنا نجيب العيـد

نوّرت وشرّفت ياحبيـّبي

[السهم]

المشاركة الأصلية كتبت بواسطة مهرة النسيان

^
^


حط اسئلتك عشان أرز اسئلتي

اخاف تصكني بعين بعدين

ههههههههههههههههههههههههههههه

تو الناس ... و تونا في أول الإسبوع ... و الرجال عاده مستنكر المكان ...

خلينا شوي شوي عليه ....

و ما دام وصلنا ... نواصل ... مع ضيفنا لهذا الإسبوع ....


- حوران ... تصور إنك موجود في المدرجات في مباراة الهلال و النصر ... و اللي حواليك كلهم

رافعين الأعلام الزرقاء ... شنو راح تسوي ؟؟؟

- شنو اللي يعجبك في المنتديات ... و اللي ما يعجبك فيها ؟؟؟

- كم ساعه تقريبا تقضيها مع النت ؟؟؟ و هل وصلت لمرحلة الإدمان أم تعديتها ؟؟؟

- شنو المكان اللي تشعر فيه بالراحه ... ( غير السجن طبعا ... )


و شوية سياسه ......


- الوضع بالعراق لا زال غير مستقر ... هل له أي تأثير ملحوظ على مناطقنا المجاوره له ؟؟؟

- العولمه بشكل عام ... هل هي جيده أم ضاره لمجتمعاتنا ؟؟؟

- أفغانستان .... رقم صعب على الروس و الأمريكان و الحلفاء و غيرهم ... ما هي الأسباب برأيك ؟؟؟

- هل تتوقع أن يصل اوباما ذو الأصل الكيني ... أو كلينتون المرأه إلى منصب الرئاسه الأمريكيه ؟؟؟


و نطلع من السياسه و ما أدري وين نروح ...


- عندك صحنين ... واحد عليه مفطح ... و الثاني مأكولات بحريه ... وين بتروح ؟؟؟

- أي ماده كنت تحبها في المدرسه .. و أي وحده كنت تكرهها ؟؟؟

- سؤال جانبي ... كم الساعه الحين في كوالالمبور ؟؟؟

- شنو تقييمك للقسم الترفيهي ... و مدى أهميته في أي منتدى ؟؟؟

و أكتفي بهذا القدر حاليا ...و أترك المجال لبعض الناس ...

و أتمنى لك التوفيق ...

[مهرة النسيان]

^
^


ابشرك انه بيتجرا غصب طيب من كثر الاسئله


ودامك حطيت اسئلتك وعلى قولتك تونا في شباب الاسبوع ابي احط اسئلتي عشان يمديني احط غيرها

قبل مايموت الاسبوع

حوران اظن اني امون عليك فبرجع لك كل ماصار فيني نشدة

وهاك بعضا منها

1-ايجابيات وسلبيات مجالس العجمان دون مجامله خصوصا المنتديات التاريخية والخاصه ؟

2- رأيك في عدم زيادة المشاركات في الترفيهي ؟ ورأيك في القرار بحجب الترفيهي عن الزوار ؟

3-ثلاث اشياء ودك انها تتغير في المنتدى ؟

4- وش الخط اللي تحب تكتب به في المنتدى وولونك المفضل ؟

ونغير الموجه ونقلب على صوت الخليج

ونقول

1-اخر خبر جميل سمعته ؟

2-امنيه تمنى تحقيقها الان ؟

3-وين رحت الصيف الماضي؟

4-كم في البوك من دراهم الحين ؟

5-هواياتك وافضل موقع لديك في الانترنت ؟

6-هل أنت عنصري ؟؟؟

7-ماذا يعني لك الجمال ؟؟؟

8-تـــاريخ لا تنســـاه ؟

9-كم منتدى مشارك فيه؟

10- متى بدأت علاقتك بالانترنت؟

11- وأخيرا .. متى يفضل حوران البقاء وحـيـداً ؟


وعادني برجع زين

[الغروب]

مرحبا

فقط مرور للسلام -----والله يعينك

[الغروب]

ابشر بالعوض ------من أمس وانا على هالورده



ترى طبيعي %

[! شيخـــــة المنتــــدى !]

هلا واللللللله

ارحب ثم ارحب

<--- ناويه عليه


اولا بكتب نبذه عن حوران اللي رسمتي في مخيلتي من خلال نكه ومشاركاته من اول يوم دخلت فيه المنتدى الى ذاليوم ،،

اول مادخلت المنتدى كانت اول مشاركه لي في قسم الترفيه وعلى وجه التحديد لعبة ( العضو اللي تستانس بشوفته ) ، طبعاا ماكنت اعرف حد ولفت نظري نك حوران وقلت استانس بشوفة حوران ، ومن عقبها الصبي جاتها القرفه من المنتدى انقطع فتره طويله

الوكاد اني كنت استاانس لا شفته واحب احشر عمري بين سوالفه حتى لو كانت موجهه لغيري ، وبعد فتره حسيت انه تغير علي او بالاصح مب طايقني وآخر الوقت دريت اني كنت اهووجس ، والحمدلله عرفته عن كثب فالآونه الاخيره ، ومنها اكتشفت انه عسل وربي قابله والسوالف معه رووووووعه ، ومن الاعضااء اللي احب اسلوبه في طرح الاسئله ، ودايما اتمنى اني انا اللي اجاوب على أسئلته ، لان احس ان جدّيته في مزحه ، وانا بعد من اللي اصفه بالغمووض وفي نظري انها ايجابيه مب سلبيه ، الوكاد اني طولت بالحكي عليكم لاني لو بوصف حوران ماتوفي معي 5 صفحات او اكثر

والحمدلله ان الاستظافه ماجات الا عقب ماعرفته عدل

واخليكم مع الأسئلـــه :
1- سبب التسميه بـ (حوران )
2- عضو مرح تحب تمازحه وآخر جدي تحب تناقشه
3- اللي مايعجبك فالعضوه ، واللي مايعجبك فالعضوو ؟ ( بشكل عام لاتخص حد )
4- وش ينقصني بنظرك غير كوني ما اشارك بالمجالس الاخرى غير الترفيهي ( يهمني رايك حيل )
5- بيت شعر تحبه
6- ليه تحب السرعه <-- الله يكفيك شرهاا
8- اشرايك بجوال الدمعه
9- حاط في بالك تعتزل المنتدى في وقت معين ، والا مخليها للاقدار


وفالك التوفييييييق

واتمنى ماغثيتك


حافظك الله

[حـــوران]

المشاركة الأصلية كتبت بواسطة فـارس

السلام عليكم ورحمة الله وبركاتة

وعليكم السلام ورحمة الله وبركاته



أولا أحب أن أشكر الأخت مهره النسيان على هذه الأستضافه الرائعه لـ عضو رائع نتمنى أن نتعرف عليه أكثر

انت الأروع .. ويشرفني وجودي قدامكم



أخوي حوران أنا عندي كم سؤال أتمنى أن تكون خفيفه عليك ، وأذا شفت فيه أي أحراج في شئ من الأسئله ماعليك إلا تتجاهله أو تنساااه

ماعاش من يتجــاهل أسئلتك ياباشا

1-ماهي تطلعاتك للمستقبل وفي أي مطاف يسير اخوي حوران ؟

التطلعات المستقبليـه تنقسم لـ جزئين ,, شخصي وعام

الشخصي أتمنى أخلص دراستي في القانون .. وألحق آخذ الماجستير فيه عن قريب وأكمل إن شاء الله دكتوراه فيها كان عاد فيني حيل

بالأظـافه في توسيـع المجال التجاري واطلب التوفيق من الله


وعلى المستوى العام

أتمنى النهوض (للأمه الأسلاميـه)

في عدة مجالات .. ومن أهمها الصنــاعه والعلم ..ومحاولة اللحاق بركب الدول المتطوره

والأستـفادة من نماذج دول أخرى بنت نفسها بـ نفسها مثل اليابان وكوريا الجنوبيه


2-هل تؤمن أن لبعض الأعضاء تأثيرا واضحا في المنتديات على أغلب رواد المنتدى سواء من ناحية الفكر أو الأسلوب أو الطريقة أو اللفظ أو حتى التنسيق ... إذا كان كذلك أخي ...

فمن هو العضو الذي تأثرت به خاصة ؟ ومن في رأيك أكثر الأعضاء تأثيرا عامة ؟ ولماذا؟

أنا مؤمن أنا هنـاك أعضـاء لهم تأثير في المنتـديات .. ولكن أنا شخصيـا ً ماتأثرت بأحد .. ربما شخصيتي (الانترنتيه ) إن جاز التعبيـر .. صقلت في عدة مواقع ولذلك ليس لشخص معين تأثير واضح فيني

وأنا في نظري ماأعتقد إن هنـاك عضو مؤثر فيني بدرجه كبيره .. ربما هناك أعضاء كـُثر يتفقون الجميع على محبتهم .. ولكن المحبه شي والتأثير شي ٍ آآخر



3-برأيك ماهي مميزات المشرف الناجح والمحبوب من قبل الأعضاء؟

المشرف النـاجح : هو من يحمل الفكر الإداري الناجح

لأن شخصيـات الاعضاء مختلفه وتحتاج مهاره في فن التعامل مع كل شخص .. والتعامل مع مشاكل الأعضـاء بوعي + الأحترام الكامل لهم .. لبق في كلامه مع الاعضـاء .. يحاول يرتقي بمستواه عن كل عيب

وفي الأخير الأشـراف تكليف وليس َ تشريف .. يعني ياتحملها ياخلها لغيرك

4-مارأيك بمبدأ الردود في المشاركات هل هي مهمة في نظرك أم ان العضو يكتب ولا يهتم
بالردود التي تأتيه بإعتبار انها لا أثر عليه؟؟ وهل تلاحظ أن المجاملات هي التى تطغى على الردود بعيداً عن توضيح الحقيقة ؟؟

مبدأ الردود مطلوب ومهم في كل موضوع لرجوعه بدفعه معنويه على الكاتب واستثني منها مواضيع التوجيه وغالبـا ً ماتكون مقفله

أما العضـو اللذي يكتب ولا يرد على الاعضاء .. أعتبره مقصّر .. وانا شخصيـا ً ما أرد على مواضيعهم إذا عرفت انه من النوعيه اللي ينقل موضوع وينسى منه نهائيا ً ..

اما المجاملات .. فيه نوعية من الأعضـاء في كل منتدى ,

تحصل رده في الاسلامي مثل الشعر مثل العام مثل الصور .. وهي عباره وحده (شكرا ً اخي أو اختي على الموضوع ) ..وهذا خطأ ..اذا رديت اكتب رد يجمـّل ولا اترك الموضوع

بالمناسبه انا مشارك في منتدى آخر .. لايتم الرد الا بعد (70) حرف .. يعني لازم تكتب شي يرفع من نفسيه العضو صاحب الموضوع << ديكتاتوريه

5-عند كتابة الشخص لموضوع أو الرد على موضوع ما
نجد اختلاف الشخصيات ... هناك من يكون أسلوبه جاد
بعيداً عن إدخال الكلمات التي تجلب المرح وتعبر عن شخصية الكاتب المرحة ...
والبعض مختلف تماماً يدخل الكلمات والتعليقات المرحة على موضوعه ...
فأي الأسلوبين تؤيد ؟؟ وهل تعتقد بأن الأسلوب الثاني سلاح ذو حدين ؟؟

أنا بالطبـّع أؤؤيد الأسلوب المرح حتى فالمواضيـع الجاده .. وانا اقول المرح وليس المضحك

لأن البعض يتجاوز حدود المعقول في المرح وتصبح سذاجه ونقطه سوداء في شخصيته



وسلاااااامتك ولنا عودة بإذن الله ، وكما قلت السؤال اللي مايعجبك لا تهتم فيه وأنساه .

انا أقول عساني وفيّـت في الأجوبه

أخوك

ياخي انت أسئلتك من الوزن الثقيل

اسمتعت في اسئلتك ولاهوب جدا

بس بصراحه اسئله مهلكه ..


~*¤ô§ô¤* فــارس *¤ô§ô¤*~

مرورك وتواجدك في هذا الموضوع دافع لي .. ومشرّف لي حضور شخص مثلك

والله يبيّض وجهك

فااائق إحترامي وتقديري لك