محمــــد الشــــــــامري في وجـــــها لوجـــــه مع أعضـــاء منتديات العجمــــان*__^

[المستحيله]

يسعد صباحكــم وجميع اوقاتكم بـذكر الرحمــان ..

الاخ الفاضل \ محمد الشامــري
هـلا ومرحبــا فيك .. منــور أسمح لي بـ طرح أسألتي .. الي اتمنى جد انها تكون خفيفه ومرحب فيها !.
1\ انت شاعر !! ولكن !! ماهو سبب عدم طرحك لـ كتاباتك بـصوره منتظمه بـ المنتدى المتشوق لها !؟
2\ ماهـي القصيده المقربه لك ودائما ترددها !؟ ولمــن !!
3\ ابيات ترددها بـ وقت ضيقتك او حزنك " الله يبعدهم عنك وعن الجميع " !؟
4\ ماهو مفهوم النجــاح بـ نظرك !؟
5\ وماهو مفهود الســعاده !! واذكر لنا 3 من مفاتيحهــا !؟
6\ ماهي ردة فعلك لو قيل لك !؟
- انت كــذاب !!؟
- منافــق !؟
- راقي وبـ قمة الذوق !؟
- محترم !؟
- أكـــــــــــــــرهك !؟
- أحبــــــــــك !؟



ولي عوده بـ أذن الله ..
دمت ودام وجودك
تحياتي

[محمد الشامري]

السلاااااااام عليكم ورحمة الله وبركاته ,,,,, والله لا يمسيكم جميعا إلا بكل خير وعافية ...

وعليكم السلام ورحمة الله وبركــــــــاته .. والله يمسيك بمثله يالسمي ..


تسلم ياابوخلاط عجيب على مجهوداتك الرائعة وإختياراتك الجميلة ,,

أبو منصور مساك الله بالخير وكيف حالك جدا عساك بخير..


اررررحب يالسمي ومساك الله بالنور والسرور .. وانا بخير يامال الخير ..


عندي كم سؤال إذا سمحت لي ..

تفضل واخذ راحتك يالسمي ..


س1/ أنت من المتابعين الجيدين والحافظين للشعر ,, وبالتأكيد إن لك محاولات شعرية فلو سمحت ياابومنصور وودنا نقرالك كم بيت ,,

ايه نعم انا من المتابعين للشعر .. وحافظ له بشكل كبير .. لكن والله مانيب شاعر يالسمي

ولا لي محاولات ابـــد .. لو عندي والله ما ابخل بها عليكم ولانيب مستحي بعد لكنها ماتوجد والله ..

س2/ماهو رأيك بمستوى القصايد إللي يطرحها الأعضاء في مجلس الشعر الشعبي في منتدانا ؟


انا ومن وجهة نظري الشخصيه المتواضعه .. اشوف انه مستى ممتاز لكن نطمح للأفضل دوما ..



س3/ ماهو رأيك في قصيد محمد إبن الذيب ماتحس إنه بعض الأحيان يطلع من النص يعني بعض المرات يبيها ويخطيها ؟؟ فهمت السؤال وإلا أعيده لك

لا لا فهمت فديتك فهمت ..

لكن يالسمي وانت شاعر وعارف أكثر مني .. دووما القصيده لاقريتها ممكن تقول ذا الشاعر يقصد فيها كذا وكذا..

ولانشدت شاعرها لقيت ان قصده في وادي وانت في آآخر ..

وهذا يدخل تحت المثل الدارج اللي يقول (( المعنى في بطن الشاعر ))

وانا اشوف ان اكثر شاعر لايمكن تفسير قصايده هو ابن الذيب ..

وهو دايم يقول ان لي مقصد من ورا قصيدي .. واذا حصل كلام ونقاش على بيت معيت فسره

فبطل العجـــــب ..


وآآآسف على الاطــــــــاله ..



س4/ من أهم أفضل ثلاثة شعراء في الخليج حاليا من وجهة نظرك ؟


ضيدان بن قضعان .. محمد بن الذيب .. خلف بن هذال


لي رجعة ياسميي إذا سمحت لي

مرحباااااا بك في اي وقت يالسمي

[محمد الشامري]

يسعد صباحكــم وجميع اوقاتكم بـذكر الرحمــان ..


وصباحـــش سعيـــد وياهلا وغلا يالمستحيلـــه ..


الاخ الفاضل \ محمد الشامــري
هـلا ومرحبــا فيك .. منــور أسمح لي بـ طرح أسألتي .. الي اتمنى جد انها تكون خفيفه ومرحب فيها !.


هلا بش أكثــر والمنتدى منور بأهله ..


انتي واسألتش مرحب بكم الى ماله نهــــــايه

تفضلي ..


1\ انت شاعر !! ولكن !! ماهو سبب عدم طرحك لـ كتاباتك بـصوره منتظمه بـ المنتدى المتشوق لها !؟

اولا انا مانيب شاعر ياخيش انا اردد الشعر واحفظه بس ..


2\ ماهـي القصيده المقربه لك ودائما ترددها !؟ ولمــن !!

والله كثيره القصايد اللي احبها ودايم ارددها ومنها

قصايد الشيخ راكان بن فلاح الله يرحمه ..

ونسناس الشماااااااال لأبن قضعان .. ويامرحبا لأبن قضعان ايضا ..

وفيه نثر لأبن الذيب اللي مطلعه يقول : في زخم الاحداث وبين قسوة الذكور ولين الاناث ..

وغيرها كثير والله ..



3\ ابيات ترددها بـ وقت ضيقتك او حزنك " الله يبعدهم عنك وعن الجميع " !؟

هي كم بيت من قصيدة ابن قضعان نسناس الشمال اللي يقول فيها


حافظك حفظي لعيني ورمشي لك اجلال *** وانتي تشحين بالما وانا شفي امويه

شايفن ظلمك وساكت وطال الليل طال *** لاتركتي طعن قلبي وانا ماقلت لك ليه

لو بقــى للهيل صبرا على فوح الدلال *** مابقى للقلب صبرا على شي يجيه

كنت احسب ان الغلا زال واثره لايزال *** في الحشى ماكنه الا دخيلا في الوجيـه

ساقني حبك على الموت وسنيني اهزال *** والظروف اقسى من الظلم للعرض النزيه

وانتي تسوقين عقلي على حد الهبـال *** تحسبين ان من بغى شي يقدر يشتريه


وسلامتكم


قد يقول البعض وش دخل ذا الابيات في الضيقه

لكن مدري وش دخلها الوكاد انها عاجبتي جداا وارددها دايم لاتوجدت بحالي ...


4\ ماهو مفهوم النجــاح بـ نظرك !؟

مفهوم النجاح طال عمرش عندي كالاتي : الانسان اللي يجمع رضى الله

ثم رضى والدينه .. والاهتمام في الامور الحياتيه .. ويحترم نفسه قبل يحترم الاخرين

أعتقد ان هذا انسان ناجح في نظري ..



5\ وماهو مفهوم الســعاده !! واذكر لنا 3 من مفاتيحهــا !؟

اعتقد ان الانسان الناجح اللي انا ذكرته حتما بيكون سعيد ..

ومفاتيح السعاده بالنسبه لي هي كالاتي :

1\ حافظ على دينــــــك وعلاقتك مع ربــــــــك ..

2\ حافظ واحرص على رضى والديـــــــك ورضى اهلك بشكل عام ..

3\ شوف الامور اللي تسعدك ولاتغضب ربك او اهلك .. وسوها ..

اتمنى اكون وفقت في الاجابه على هذه السؤال ..


6\ ماهي ردة فعلك لو قيل لك !؟



- انت كــذاب !!؟

اولا اعرفي ان اكره شي عندي ان احد يكذبني ..

وردي عليه بيكون على حسب الموقف .. يعني بحلف والا بثبت له وان ماصدق

ماعاد رديت عليه يعني بالعجمي الفصيح (( في لعنتن تلعنه ))..


- منافــق !؟

منافق ؟؟ !!

لا هاذي قويه .. والله اعلم وقتها وشلون بيكون ردي ..

لكن اعتقد بأنه بيكون قوي ايضـــا ..


- راقي وبـ قمة الذوق !؟

اقوله تسلم والله وهذا من ذوووقك وطيبك ..

واشكره في داخلي بطريقه ترفع قدره عندي ..



- محترم !؟

ابادله الاحترام .. لأنه محترم على كلامه هذا ..



- أكـــــــــــــــرهك !؟

بتقبل الوضع وكأنه عادي ..

لكن في داخلي بقيم نفسي واسأل مليون سؤال ..

ليه ذا الانسان يكرهني وليه وليه وليه ؟؟؟


لين اتأكد اني تغيرت


اما بالنسبه للشخص اللي قالي اكرهك .. مستحيل ارجع له وانشده ليه او اي شي ..



- أحبــــــــــك !؟

بقوله الله يحبك مثل ما احببتي فيه ..

وبيرقى في داخلي درجات ودرجات ..



ولي عوده بـ أذن الله ..
دمت ودام وجودك
تحياتي


مرحبااااااا بش في اي وقت


وتحياتي لش ايضـــــا

[الشموخ]

نوع افلام المفضله لديك؟؟؟؟؟؟؟؟؟؟؟؟
ماهو الحيوان المفضل لديك؟؟؟
شي تتفاءل به؟؟؟؟؟؟؟؟؟؟؟؟
ليس كاتب (لازعيم في حضرة الملك؟؟؟؟؟؟؟؟؟
واني غيرت توقيع ارتاح اخي الكريم
محمد الشامري
واتمنى ان مافي زعل اخوي

[راكان اليامي]

صباح الخير يامحمد شلونك اربك بخير انشاءالله
حبيت اسلم عليك يالغالي ولي عوده انشاءالله ونعطيك كم سؤال يحبهم قلبك

[محمد الشامري]

نوع افلام المفضله لديك؟؟؟؟؟؟؟؟؟؟؟؟

ما احب الافلام اصـــــلا ..


ماهو الحيوان المفضل لديك؟؟؟

البعير ..


شي تتفاءل به؟؟؟؟؟؟؟؟؟؟؟؟

ذكر الله ..
ليس كاتب (لازعيم في حضرة الملك؟؟؟؟؟؟؟؟؟

كيفي كيفي كيفي ههههههههه

لا لأن لازعيم في حضرة الملك ..


واني غيرت توقيع ارتاح اخي الكريم
محمد الشامري
واتمنى ان مافي زعل اخوي


ارتاح ؟؟ !!! ليه من قايل لش اني مانيب مرتاح ؟؟

وترى رضى الناس غايه لاتدرك ..


والزعل مرفوع وممنوع عندي

ولاهنتي

[محمد الشامري]

صباح الخير يامحمد شلونك اربك بخير انشاءالله


حبيت اسلم عليك يالغالي ولي عوده انشاءالله ونعطيك كم سؤال يحبهم قلبك

صبحك الله بالنور والسرور يابوسالم

انا بخير يامال الخيـــر ..

يسلم غاليك ومغليك يالقرم ومرحبا بك في اي وقــــــــت

[الشموخ]

هلااااااااااااااااااوغلااااااااااااااا فيك
ماهو رايك في توقيع الجديد؟؟؟
ماهو شعورك لو احد عاطاك كف >>>>>>>>>>شي السؤال هذا هع هع هع
ماهو شعورك لوهذا المنتدي انقطع مااذا سوف تفعل؟؟؟
هل تحب حامد زيد وماهو رايك في أشعاره؟؟؟؟؟؟؟؟؟؟؟؟؟
وانشاءالله ماازعجتك اخي الكريم >>>>>>>>>>>>>بس اني فضوليه كتير
>>>>>>>>>>>>>>>والدلع كله فديت روحي وقلبي وعقلي

[محمد الشامري]

هلااااااااااااااااااوغلااااااااااااااا فيك

هلا والله عادنا بنخلص << امزح ههههههههههههه

ماهو رايك في توقيع الجديد؟؟؟

مهوب بعيدن من خويــــــــه .. << صريح

ماهو شعورك لو احد عاطاك كف >>>>>>>>>>شي السؤال هذا هع هع هع

أترفس في حظن بطن ابو جابه .. وانا ابن الاعجم


ماهو شعورك لوهذا المنتدي انقطع مااذا سوف تفعل؟؟؟

الله لايقوله .. بس شعوري بكون حزين وخاطري مكسور ههههههههه << ياروحي ياضيدان


هل تحب حامد زيد وماهو رايك في أشعاره؟؟؟؟؟؟؟؟؟؟؟؟؟

لا ما احبه وشعره حلو لكن سهل ..


وانشاءالله ماازعجتك اخي الكريم >>>>>>>>>>>>>بس اني فضوليه كتير
>>>>>>>>>>>>>>>والدلع كله فديت روحي وقلبي وعقلي

مابه ازعاج ولاشي ..

وحياش الله

[محمد الشامري]

مرحبا السااااع لكم يميع,,,,, اولا يزاك الله خير يالعنيد على هالمقدمة الوايد حلوة في حق محمد الشامري ..

هلا وغلا ملايين والله .. والله يجزى الجميع خير ان شاء الله ..


وثاني شئ أحب أرحب فيك اخوي محمد الشامري في وجها لوجه,,,واحب أقول لك انك من اهم اعضاء المنتدى الي لهم وجودهم الملحوظ اهني,,,,, والمنتدى ماله غنى عن عضو مثل محمد الشامري.,,,,


الله يرحب بك يالغالي وهلا بك مليارات ماعاد بهي ملايين ..

والمهم وجودكم طال عمرك .. وانتوا الخير والبركه ولاهنت على كلامك الطيب يامنبعه ..


سؤالي: ماذا يعني لك التوقيع ها,,, لا زعيـــــــــــــــــــم في حضـــــــــــــرة المــــــــــــــــــــــــلك .,,,,,

خلني اعلمك بسالفة ذا التوقيع طال عمرك ..

هذا مره في الجامعه انا ورفيق لي قحطاني .. المهم كنا رايحيين لشؤون الطلاب بعطيهم ورقه انا ..

وصلنا هناك وسألنا موظف وين ابوصالح ؟؟ .. قال ابوصالح مهوب موجود

قلت انا خلاص اجل اخذ ذا الورقه خلصها وجبها لنا .. قال ما اقدر اسوي شي والزعيم غايب .. يقصد ابوصالح ..

نقز رفيقي القحطاني وقال : لازعيم في حضرة الملك ... وهو يأشر علي ههههههههههه

انا طبعا استانست واعجبتني الجمله جدااا ..

وخذيتها وحطيتها توقيــــع ..


وهل هالتوقيع يمثل محمد الشامري,,,؟

ما اعتقد .. لأني اؤمن بمقولة من تواضع لله رفعه ..


ماهي طموحاتك الي تحب انك توصل لها بشكل عام؟

طموحاتي طال عمرك .. احقق النجاح في حياتي بشكل عام

يعني نجاح أسري ونجاح مهني


وأكبر طموح لي .. أنت تعرفــه ..

واتمنى واطلب الله اني احققـــه ..


ومشكور ويزاك الله الف خير وعافيه,,,,

العفـــــــو والجميع ان شاء الله والله يعافيك ..


وحياك الله يالغالــــــــــــي ..