خـاص لشعراء المنتدى..,,,

[العـــسر]

مرحبا بك يا (مابه جديد) وأبشر بالسعد
أشوفك جاي مدّهر ..
إستلم ..,,

الحب حلم .. ودايم الحلم ينهيه=كف ٍ يصحّي من حلمْه وسرح به
لو جازلي وإلا تحاليت ماضيه=ماعمرها دامت للأحباب صحبه

[" مــــابه جديــــد "]

ارحب وستلم ع السريع

ولو تنعرف وشهي نتايج تواليه=مكان شفت صدور الاحباب رحبه
فيه الفرح لو دام حزنه يباريه=وأقسى فراق فراق منهو تحبه

وسلمت

[العـــسر]

مابه جديد
الله الله صح لسانك
مبدع ......

لاهنت على المشاركه
تقبل تحيــــــــــــــــــــــــاتي ..,,

[العـــسر]

إستلم ..

طاريه لا منـــّــه طرا يا مطرّيه=ترثيه عيني .. والصدر ينشرح به
ترثيه عيني يومه أبعد حراويه=وإلا إسمه إليا مر سمعي .. فرح به

[مهرةوبنت حصان]

الحب ناقف له ونعشق طواريه ومن خانته دنياه عود يسبه
فالحب درب الحزن ملزوم تمشيه ولاطريق الحب لا لا تطبه

[العـــسر]

االله الله صح لسانش يا مهره
بدايه قويه ..
ولكن ودي لو إنش ملتزمه بالقافيه ثلاث حروف (حبه)
على العموم لا هنتي على المشاركه
أسعدني مرورش
تقبلي تحياتي ..,,

[عليل المحبه]

الله الله


لاهنتوا يالغالين

ابداااع

وش النظام هلحين ...؟

[العـــسر]

مرحبا بك يالعليل
صح إبدنك
أسعدني مرورك
إستلم ..,,

كنت أحسب إنّك إمجلّي هم خفّاقي=وأثرك إمجلّي نعس عيني ومشقيني
لا أبطيت من سمع صوتك شانت أخلاقي=وإلا المراسيل منّك ما تكفيني
الشوق صاليه محرق سدرة أعماقي=وأنته على عذرك ( أمي ما تخليني )

[عليل المحبه]

ياصاحبي لاتطــري البعـــد وافراقي
طالبك تكــــفى حبيــبي لاتخــــليــني

لشفت زولك مزاجي زان ثم راقــــي
وبدعت زيـــن القـــوافي يامعــــــنيني

ماشفت من يشبهك في شام وعراقي
وتبي الحقيقه ترى صورتك في عيني

[العـــسر]

الله الله
صح لسانك يالعليل

بانتظار إخوانك الباقين..,,