رِسِيـتْ بشَـاطـِيَ الـرَاحَـه وقـَلبـي مارضى يِرتـَاحْ
هـُمُـوم ٍ ذِكْـرَهَـا خَــلـّا وَرِيـْـدِي مَـا عـَـرَفْ رَاحَــهْ
هـُمُـوم ٍمِـثـْـل مـُوْجَـهْ قـَاسِيَهْ جَـارَت عَـلَـى مَـلّاحْ
نِسَـى مِـنْ طيشَـهَا نَاسَـهْ وغـِيـْـدَ الحَـيْ ومْـلاحَـهْ
يُهَـانْ الـحُـرْ والـبـَاز ودَمْاهُـمْ فِي التـرَابْ يـسَاحْ
وأشُـوف الـطـيــرْ يـِتـْنَـمّـرْ كَـأنـّـه سَيّـــد السَـاحـَهْ
وأشُـوف القَافِـيـَهْ لأهْـلِ المَصَالِحْ والطٌبـُولِ تْـبـَاحْ
كَــأنْ مَـا لِلْعـَـرَبْ بـَحـْـر وفـُرَات ومَسْجِـد وبـَاحَـهْ
أحَـدْ بِيـْديـنـَهْ الخَـزْنَهْ .. وأحَـدْ بِيـْديـنـَهْ المفْـتَاحْ
سَعَـدْ غـَارِقْ فـي لَذّاتَهْ .. سَعِيـدْ الصّبْـر مفْـتـَاحَـهْ
دُرُوب القَافِـلـَهْ ضَاعَـتْ ولا النَجْـم الـشِّـمَالـِي لاحْ
وفـي ذُل الـسَـرَاب يــدوّر الـضَـمْيـَـان عَـالـوَاحـَـهْ
ودَاخـِـلْ أضْلُعـِي عَـبـْـرَةْ مُحَـارِبْ قَال لِـي يَـاصَاحْ
صَحَـتْ كُــل الأمَـمْ الا الخِـيـَـار وقـُلـت لصْـيـَاحَــهْ
مـتـى نـَحْـرِثْ عَزَايمْـنـَا مـثـِل مَـا يـَحْـرِثِ الـفَـلاحْ
ونـَحْـفــرْ بـِيــر عِــزّتـْنـَـا بـَايـَـادِي قــومْ فـَـلاحـَـهْ
بـذٌور الـمَجْـد نَـرْوِيـهـا ونَجْـنِـي الـوَردْ والـتـّفـاحْ
وتـتــوحّــدْ ضَمَـايـِـرْنـَـا ورِيـْحَ الـنَـصــرْ فَـوَّاحَــهْ
وأنـَا مَـانـِـي بِارهـَـابـِـيْ ولوْ جـار الـعَــدِل أو راحْ
ومَا غَـيّــر قـَنـَاعـَاتـِيْ سَحَـاب الظـُلـمْ وريـاحـَـهْ
قـَصِـيــدِيْ مَايِجَـامـِلْـنـِيْ ولـوْ كـلـّـي ألـمْ وجْــراحْ
أدَارِيْ بـَهْ وأدَاوِيْ بـَـهْ زَمـَـان ٍمَـاْ كْـثـَـرِ جْــرَاحَـهْ
أبِيْ مِنْ نَفْـسِـي ومِنْكُـمْ صَبُـر عَالنائـبَهْ واصـلاحْ
وابـِنْ آدمْ وِش يـفِـيــدَه بـِدَرْبـَـهْ غـيـرْ اصْـلاحَــهْ
وتـِكـْـبـَــرْ فِـيْ حَـنَـايـَانـَا مَحَـبـَّة بـَدْرنـَا الـوضَّـاحْ
رَسُـــوْل ٍ نـَـوّرِ الــعَـالـَـمْ بِإعْـجَــازَهْ وإيـضــاحَــهْ
مُحَـمـّدْ مَـصْــدَر الـعِــزّهْ مُـحَـمَّـدْ بَـلْـسَــمِ الأرْواحْ
مُحَـمَّـدْ اسمه بقـلـبـي شبـيـه الـنـقـش بـالــرَاحَــهْ
أتمنى أن تنال رضاكم واستحسانكم وأن تصل الفكره واضحه للجميع