(( الليله الليله >>>

[بن شعيل العدواني]

بسم الله الرحمن الرحيم

البارحه هوجست والشعـر سرانـي=وسريتها بنات فكري علـى الكيـف
تدرون ويش الكيف ياذخـر جدانـي=جزل المعاني واعسف القاف تعسيف
لاني على الجـزلات العـود ربانـي=ارقا واجر الصوت في شمخ النيـف
شاعر اعز القاف شاعر وعدوانـي=واجيب قافـي دون ريبـه وتكليـف
والليله الليله علـى الطيـب ودانـي=هوجاس شعري دون غـشٍ وتزيـف
ودي ابيّـن بعـد هالوقـت عنانـي=وابدي نصيحه بعد كل الـذي شيـف
جربت لّين الوقـت وقاسـي زمانـي=واخذت من كثر التجاريـب تعريـف
واعطتني الدنيـا تجاريـب مجانـي=منها عرفت الوقت حده كما السيـف
ومنها عرفت الطيب يجزى بالاحساني=وعيب على الرجال نكـر المعاريـف
ومنها عرفت المرجلـه مـا تبانـي=الا على اللي يكرم الجـار والضيـف
اللـي ليـل منـه تنصـاه عـانـي=يبديله الترحيـب ريـف المواليـف
ماتخجلـه يمنـاه حيلـه سمـانـي=وراعي دلال مبهـراتٍ مـن الكيـف
والجـار لا منّـه تـبـلاه جـانـي=يدمحله الـزلات مـا قـال ياحيـف
يقـول ياجـاري هـلا فـي مكانـي=ويعطيه من طيب المعاني سواليـف
مثله عساه يعيش هو ذخـر جدانـي=راع المراجل معتلـي شمـخ النيـف
ومنها عرفـت ان المنافـق جبانـي=ما تنفعه يمناه يجفـل مـن الطيـف
مفـرقٍ شمـل العـرب باللسـانـي=جعله يغيـب ويخطفنـه صواديـف
ومنها عرفت الناس اشكال والوانـي=فيها مـن العقّـال وفيهـا ملاقيـف
يـا لادمـي دنيـاك هـذي امانـي=واكثر امانيها علـى النـاس تزيـف
بوصيك في ثنتين مـا هـي ثمانـي=طاعة إلاهك ثـم كسـب المعاريـف
وإعرف تراك ايـام والعمـر فانـي=ماخِلّد الانسان ولاهي علـى الكيـف
لا تخدعـك دنـيـاك يالمودمـانـي=واحسب حسابك قبل فتح المظاريـف
في يـوم ماينفعـك قاصـي ودانـي=يومٍ يخلي حالك إرهيـف وسخيـف
هـذي نصيحـه سقتهـا بالمعانـي=للي على كسـب المعالـي ملاهيـف

وسلامتكم

[الغروب]

وإعرف تراك ايـام والعمـر فانـي
ماخِلّد الانسان ولاهي علـى الكيـف
لا تخدعـك دنـيـاك يالمودمـانـي
واحسب حسابك قبل فتح المظاريـف
في يـوم ماينفعـك قاصـي ودانـي
يومٍ يخلي حالك إرهيـف وسخيـف

بن شعيل العدواني

صح لسانك على الابيات الجزله والنصيحة الطيبة

دمت بخير

[((فديت العجمان))]

صـــــــــــــــح لـــــــــــســـــــــــــانـــــــــــــك....

ارقا واجر الصوت في شمخ النيـف
شاعر اعز القاف شاعـر وعدوانـي

راع المراجل معتلـي شمـخ النيـف

[ساري الليل]

صح السانك

[بن شعيل العدواني]

المشاركة الأصلية كتبت بواسطة الغروب

وإعرف تراك ايـام والعمـر فانـي
ماخِلّد الانسان ولاهي علـى الكيـف
لا تخدعـك دنـيـاك يالمودمـانـي
واحسب حسابك قبل فتح المظاريـف
في يـوم ماينفعـك قاصـي ودانـي
يومٍ يخلي حالك إرهيـف وسخيـف

بن شعيل العدواني

صح لسانك على الابيات الجزله والنصيحة الطيبة

دمت بخير

صح بدنك اختي الغروب.

ولاهنتي اسعدتيني بمرورك.

[بن شعيل العدواني]

المشاركة الأصلية كتبت بواسطة ((فديت العجمان))

صـــــــــــــــح لـــــــــــســـــــــــــانـــــــــــــك....

ارقا واجر الصوت في شمخ النيـف
شاعر اعز القاف شاعـر وعدوانـي

راع المراجل معتلـي شمـخ النيـف

صح بدنك اختي (( فديت العجمان ))

وشرفتيني بمرورك الراقي.

[بن شعيل العدواني]

المشاركة الأصلية كتبت بواسطة ساري الليل

صح السانك

صح بدنك اخوي ساري الليل.

ولاهنت على مرورك الرائع وتوقيعك المميز.

[راكان الحثلين]

صـــــــــــــــــــــــــــــح السانك على الابيات الجزلهــــــــــــ

[بن شعيل العدواني]

المشاركة الأصلية كتبت بواسطة من بنـــي يــــــــــام

صـــــــــــــــــــــــــــــح السانك على الابيات الجزلهــــــــــــ

صح بدنك ياليامي .

وشرفني مرورك المميز.