السلام عليكم جميعاً وامسي واصبح الكل بالخير
اقدم هذي القصيده تعبر عن نفسها لعلها تنال اعجابكم
الشعر ماهو عد خصص لبو فلان
===========يارد على عده وغيره يرده
الشعر ماله سور قفلٍ وبيبان
==========وهبه من الله والفكر يستجده
لالي ولا لفلان او صاحب ٍ كان
==========ولاهو لبوك ولا لجدك وجده
الشعر بحر من قديمات الازمان
==========بحر تشكّل بين جزره ومده
احد ٍيخوض اطراف بحره وتلفان
========وحد سبح من فوق موجه بقده
وحد ركب قارب ويجدف بعيدان
=====وصلف الهبايب تصفق الموج ضده
وحد نزل بهوال بحره بقيعان
========عام وجنى مرجان بحره بيده
وتعرضٍ له بسفل القاع حيتان
======== تبي لهومه مير كلف مشده
ومن غاص بحره دون قيسٍ وعرفان
========يجيه من هول البحر شن يلده
خذها وكثر القيل لازاد نقصان
========والفاهم الواعي قليلي يسده
الشاعر / عبد الله بن محمد بن عبدالعزيز السويح