اروع الرديات ( ضيدان بن صبحان اللزيزي العجمي & سعد بن عبدالله الهتلاني العجمي

[king الوادي king]

بسم الله الرحمن الرحيم

السلام عليكم ورحمة الله وبركاته

ربما كان من اشهر ظرفاء الشعر النبطي في عصرنا هذا ترددت

نزاعاتهما الشعريه على الالسنه وتداولها الناس لما تحوي من

طرافه وظرافه وقوة سبك ومعان نادره تدل على ان هذين

الشاعرين من كبار الشعراء فيما لو سخرا شعرهما لخدمة

قضايا اكثر فاعليه

الاول ضيدان بن صبحان اللزيزي العجمي كبير في السن وما زال على

قيد الحياه الله يعطيه الصحه وطولة العمر والثاني سعد

بن عبدالله الهتلاني العجمي اختطفه الموت في شبابه عام

1991

وهما ابناء قبيله واحده رغم الفوارق السنيه بينهما الا ان صداقه

حميمه جمعت بينهما وموده وتقدير على عكس ما يبدو في

ردياتهما


من ذلك ما قاله سعد مازحا لاثارة ضيدان:



تواجهت انا وابليس قبل امس بالدكان

---------------------وباشر علي بارد يوم لاقاني

وقام يتشره قال ما شفت لي ضيدان

--------------انا ما نسيته وش بلا العفن ينساني
*

فوجد ضيدان فرصه في تاكيد هذه الاكذوبه فقال:
*

*

*

ترى الناس قد شافوك تمشي من الشيطان

----------------وكانه صحيح يا سعد فانت غلطاني

وانا سامع انه طالب منك العنوان

--------------وانا خايف يا العفن تعطيه عنواني




وذات مره عرض سعد مشروعا خطر للغايه على صديقه وهذه

الرديه تعد الاشهر فيما يتناقله الناس اذ يقول:
*

*

ضيدان ما ودك نشكل عصابه

-------------------------نحتل بعض بنوكها والمحلات

اما يجي لي والك قدر ومهابه

---------------------والا تبيتنا بيات الشريفات

والرجل ودك يشتهر في شبابه

-------------------بالطيب والا بالعلوم الرديات

ولا يهتني ف اكله ولا في شرابه

-------------------------الين تطلع صورته بالمجلات
*

*

اما الشايب ضيدان فكان لا بد ان يكون له موقف مخالف

ازاء تهور صديقه فقال:
*

*

*

لا تحسب انا يا سعد وسط غابه

------------------هاللي تراوى لك تراهن عمارات

وموضوعك اللي جبت كله غرابه

--------------------والظاهر انه سابع المستحيلات

واخاف لا تنبح عليك الكلابه

--------------------ثم هات نسلم من مخاليبها هات

يا بوك ما عمري دخلت النيابه

------------------ومن العمر ما بقي كثر ما فات

وان كان تبغى الراي قبل يغدابه

-----------------------من واحد جرب جميع الحيالات

خل الخطب للي يعرف الخطابه

-----------------------نهارنا شمس وفي الليل لمبات


ومن ردياتهم ايضا ....

الشاعر سعد



ياراكب من عندنا فوق سمبوك
.........................................متوجه صوب المنامه بشايب
مع البحر كنك على القار ف بيوك
........................................يلحق ويفهق مسرعات الهبايب
وان طحت في خفر السواحل وردوك
........................................دارك على عود من الحول ذايب
وان باركوا لك بالسلامه وهنوك
..........................................لك في الدلاله ياابن الاجواد نايب
ترى خويك كان من قبل صعلوك
............................................ويدل حتى موحشات الخرايب
وصحيح لو تنشد هل الدار دلوك
.........................................واهل الوفا ماعابهم ربع عايب
ويامقدرين الضيف لو مامعه بوك
.............................................باخلا قكم صارت ثمان عجايب
وارجوك انا ياصاحبي وارجع ارجوك
..........................................اياك تنسى انك مودي وجايب
رجع لنا خريج بومبي وبانكوك
.........................................وخلك على الزله بعيد الحضايب


ضيدان اللزيزي
الـــــــــــرد


اخطوا عليك اللي بها الاسم سموك
...............................................اسم ك سعد وانت السعد منك غايب
والظاهر ان اهلك على العنف ربوك
...............................................وطل عت تبحث للنشب والطلايب
وظلمت حظك مااشين الظلم يابوك
................................................وه جيت عود عن هل الغي تايب
ماتدري اني صرت هادي ومبروك
.............................................وعلي تثني عمتي والنسايب
وان شفت ديواني على طول مصكوك
...............................................اطر د ورا حظ ورزق نهايب
وحتى انت تنغزنا مع الحكي بالشوك
...............................................ياه ي علينا من كبار العقايب







وسلامتكم والرديات بينهم واجد بس هذا اللي معي اليوم واسمحولي على القصور

[عليل المحبه]

رديات معروفه وممتعه بجزالتها
ومعناها

الله يرحم سعد بن عبدالله الهتلاني
ويطل عمر بن صبحان

الكنج امتعتنا بالنقل
والابيات

لاهنت

[هادي بن فهاد]

الله الله

اختيار مميز بارك الله فيك


وصح الله السانك ولسان شعارنا

تقبل تحياتي

[(زيزوم يام)]

الله الله

صح لسان كل شاعر شعرااء من الوزن الثقيل

[king الوادي king]

المشاركة الأصلية كتبت بواسطة عليل المحبه

رديات معروفه وممتعه بجزالتها
ومعناها

الله يرحم سعد بن عبدالله الهتلاني
ويطل عمر بن صبحان

الكنج امتعتنا بالنقل
والابيات

لاهنت

ارحب ياعليل لاهنت على المرور الطيب

وجعلك تسلم على كل حال

[king الوادي king]

المشاركة الأصلية كتبت بواسطة HADI_KW

الله الله

اختيار مميز بارك الله فيك


وصح الله السانك ولسان شعارنا

تقبل تحياتي

لاهنت يابو فهاد على المرور


وجعل عمرك طويل

[king الوادي king]

المشاركة الأصلية كتبت بواسطة (زيزوم يام)

الله الله

صح لسان كل شاعر شعرااء من الوزن الثقيل

صح بدنك يازيزوم يام

لاهنت على المرور الطيب

[اسكيت]

بيض الله وجهك يا king الوادي king
على القصايد الحلوه عزالله انها من امتع الرديات بلخليج ولا جاء شاعرين مثلهم حتا يومنا هذا
الله يرحم الشاعر
سعد العجمي

والله يطول بعمر الشاعر
ضيدان العجمي


لاهنت يا الملك


\ اسكيت

[king الوادي king]

المشاركة الأصلية كتبت بواسطة اسكيت

بيض الله وجهك يا king الوادي king
على القصايد الحلوه عزالله انها من امتع الرديات بلخليج ولا جاء شاعرين مثلهم حتا يومنا هذا
الله يرحم الشاعر
سعد العجمي

والله يطول بعمر الشاعر
ضيدان العجمي


لاهنت يا الملك


\ اسكيت

ارحب يا اسكيت لاهنت على المرور الطيب وجعلك تسلم على كل حال

وجعل تسلم يمناك ونور الموضوع بوجودك

[غـريـــب الدار]

يعطيك العافية