السلام عليكم ورحمة الله وبركاته
اليكم أحبتي هذه القصيدة المتواضعة
.
.
.
.
.
هاجت شياطين المساء والفكر هاج=والدرة فــبحرن تصافق به الموج
أجبرت أن آطى على خشم الأمواج=أنا وعمري بين فالج ومفلوج
عمر بني آدم تقل قطعة زجاج=ماينجبر والموت واقف ومرجوج
مايرد أمر الله قصور وأبراج=الموت واحد لو هي كثرت له فجوج
كم ميتٍ ذكره كما نور وهاج=وكم واحدٍ يمشي مع الناس مسهوج
حنا بوقتٍ كله اذلال وازعاج=ياهيه ياوقتٍ رفع راس (هجهوج)
أنا بخير وعافية وفلة حجاج=وغيري طبخ راسه من هموم وهروج
لكن على طاريك أنا جاني هياج=يوم العمر مع كتلة الهم ممزوج
يافاتنة يامشعلة فــقلبي سراج=اخذي شراييني من ضلوعي العوج
لبيك يااستبرق ياسندس ياديباج=ياكوكبن دري وياصوف منسوج
من مقلتيكي ينسكب ماء ثجاج=يالؤلؤا منثور ومبسم بلا روج
تلاتة أشياء خوفتني على التاج=زلزال سوطرة واعصار وثلوج
وانا عليه بالحرام اني أحتاج=للشور يابوسعود من الراس منتوج
يامسندي دور لي اليوم مخراج=تفداك هالعالم من زنوج وعلوج
عاشق الجوري