شـــعـ؟؟ــف السنــيـن

[عامر الهاجري]

عن الخـاطـر

[عامر الهاجري]

ياخوي لا تنشد عن الدار والحال .. غلقه وضيقه والنوايا خطيره
بأسباب غروٌ يذبح الناس لاقال .. ألو ألو غلطان ولا النهيره
قدلي شهر وأنا أنظم بيوتٍ جزال .. في عينه الي ذوقتني المريره
عل وعسى همٍ عن الصدر ينزال .. مير ابتلاني شرّه وصد خيره

[عامر الهاجري]

الجروح الي سبايبها غياب .. للأسف عيّت توادعني وتروح
أسألك بالله يا سمح الجناب .. من جفيت القلب شرياني يفوح
وجد حالي كل ما شفت الكتاب .. ذكرياتك وأنت من قلبك تبوح
تبتدي في شهر سبعه في ذهاب .. فضفضه أو غارقينٍ في المزوح
وإلا انتصف ديسمبر آجعنا إياب .. صدصده وأسلوب بايخ أو لحوح
فوح كبدي كل ما بان السحاب .. والبروق الي توسطها وتلوح
إثر وصلك زين وفرقاك اضطراب .. وأنت من حكمتك تسوالك صروح
من بعد فرقاك مالي غير باب .. مغلق ومتروك من فوق السفوح
كني من فرقاه مطعون الحراب .. صرت محكوم المواجع والجروح
الله يجازيك يا سمح الجناب .. حتى صوتي من سواياتك بحوح

[عامر الهاجري]

.. بــر العــدان ..

كل ما مريت برّك يالعدان .. واضح ان العين تسقي خدها
ذكريات العام في عيد رمضان .. كل ذكرى فيه قلبي عدها
مرحبا يا ذكرياتٍ في مكان .. لا لفتني ما قويت أصدها
لذكرت أم المعاميل الثمان .. سبعةٍ فاحت ومدة يدها
وسط ظلم الليل همسات الحنان .. والسوالف معروفٍ حدها
الوله والشوق وظروف الزمان .. بيّحت سدي وباحت سدها
المفارق شين والعاشق معان .. حيث كبده واصله إلحدها
والله أكبر كيف برّك يالعدان .. هاض موق العين وأحرق خدها

[عامر الهاجري]

قال اتصل بعد ساعه بتكييل .. وأكون في بيتي وعندي فضاوه
والحين قد حنا بعد منتصف ليل .. والنوم والإرهاق والتعب جاوه
خل الود زاد المولع تعاليل .. من بعد حبي له زرعت العداوه
يا صاحبي والهم جاني كما سيل .. همٍ يصدّر بي إلى حد جاوه
يا مبعدٍ عني دروبك تساهيل .. القافله تمشي وتنبح جراوه

[عامر الهاجري]

في كل مره أنوي أعيش فالي .. عيّت علي بقعا بنسيان ما فات

[عامر الهاجري]

أسألك بالله يا حظ الردا .؟ = من وِلدت إلا تطفي شمعتي .. !
كل مرّه أنوي .. أعّل العِدا .. ! = تكسر آمالي .. وتذرف دَمعتي . !

[عامر الهاجري]

عثمان يا منعور لا حل طاريك=ثارت هواجيس الجريح المعنا
سلام مني يسري الليل ويجيك=يوم ان لك في داخل القلب مبنا
وش حيلة الي صار وسط الشرابيك=بين القلب الخضر راح وتعنا
أنا أدري ان همّك كبيرٍ ويكفيك =أستسمحِك بزودك شوي منّا
من شهر ديسمبر إلى اليوم ياخيك=تلفي همومٍ تجلي الزين عنّا
من أول .! يسوق الهدايا لمخابيك=واليوم .! لا حسه سِمع أو لفانا
لا تقول صيتك يالسنافي يكفيك=ودخلينا يفرح ليامن زبنا
وأنت الذي لا ضقت باجيك ناصيك=يالفارس الي من سيوفك تحنا
ولا تقول ربعك صيتهم ما يداويك=سلام مني يا حماة المجنا
الحب ما يعرف صمايل ولا شيك=ذوق .. وهداوة بال .! واسلوب يقنا
ليت الزمان الشين يعدل وأناديك=وتمشي السوالف مثل مانا تمنا
البحر .. والضلعان ..! والعاليه تيك=لو شالت همومي توادع وتفنا
منك العذر يا ان كان فالقاف تشكيك=جاتك على المسحوب والطرق غنّا

[عامر الهاجري]

يا صاحبي قدلي معك سنتين مسند .. وذرا..!=صكيت بابي للعواذل من بعد ما أشقيتها .؟
العاذل الي نيته [ فرقا ]الولايف وافترا ..!=يا كثرهم عالم لجل عينك ترا حرّيتها ..؟
واليوم بعد الموقف الي مرني حالي .. برا.؟=خابت بك الهقوات ..! والزله بعد .. زليتها ..!
تراك يوم تقول لي إرجع حبيبي إلورا..!=إذكر ليالينا قبل هالوقت .. كيف أمضيتها.؟
سوالف الشوق ( المغلف )بالحنين الي سرآ ..=من قلبي الهاوي لقلبك صنتها .. (و)سرّيتها
ألا يا ليت تدري إسمك لو على [ الخاطر ] طرا ..! =تسمع تناهيت المعنّا والخدود أسقيتها
ألا يا وجد حالي وجد من سلب منه الثرا ..!=أبوه.. وأمه .. وأخوته .. وإبنه بعد من ميتها
صلاّ عليهم كلهم أربع تكبيرات وقرا ..؟=الفاتحه .. وصلاة ابراهيم النبي صليتها ..؟
هذا وجودي من بعد ( فرقاك ) كانك ما ترا ..!=امسح دموعي من كفوف ايديك لا مديتها..!
[ جرحتني جرحٍ بيبطي في ضلوعي ما برا.. ]=من عقبه العاذل شمت وعيشتي مليتها ..؟

[عامر الهاجري]

وش حيلة الي عايشٍ بين همّين ..؟= ما بين هم [ العرس ] وهم [ الدراسة ] .!