قصيده على ذوقي !؟

[خالد وبس]

هذي قصيده .. على ذوقي !؟
وتمثّل واقعي اللي اعيشه !؟

/

ان صلحت لكم .. انعم واكرم
وان كانها مش ولا بد .. اسمحولي !؟
ولا عاد اعودها


/

بدا الشاعر اللي نبرة الحزن في مبداه = وسلّم يديه لوجه ربّه وناصيته
على راس رجمٍ خالي البال مايرقاه = والأنسام تلعب في شماغه وطاقيته
وقف وقفة اللي باقيٍ يوم من دنياه = ولمح غالي أحلام الحياه متعديته !!
رقا بإنكساره .. وإلتفاته .. ودمعه .. وآهـ = وحوّل بضيقه .. وإستماته .. وتنهيته !!
نصيبه متاهاتٍ من البؤس والمأساه = هذيك متنطحته !! وذيك متقفيته
يوم أن الغلا جزّه بسيفه مع المثناه = تقفاه وقته من خلافه بجنبيته
وليفي عساني لو عدمته ماعدم أرضاه=ولا أعدم نباه !! وميلت القلب ناحيته
سقا الله ليالي عوّدتني على لاماه=طريقي عليه ووقفتي عند ساريته
قبل تفتح الدنيا عيوني على ذكراه=وأنا ماغفلت وغفلت الشي ماريته
ليا أمسيت في قطع الخلا ماني بوياه=ولا العين شايفته ولا الإذن موحيته
الا ياوجودي من فراقه وياعزّاه=وجود الوحيد اللي شريدة عرب بيته
هو الله عطاه الصبر عنّي !! وانا والله=مأخلّي جدارٍ مأتلوّا بزاويته !!
عسى الله يبرّي ذمتي من خطا فرقاه=كثر ما أنتظرته في الدروب وتحريته
تدور السنين وكل ماقدمه يلقاه=الأيام عجله وأرذل العمر تاليته
تعرف المصايب من تحنّه ومن تدراه=مثل ماتعرف اللي تروح متوطيته !!
الإنسان ودّه ينحرم من ( رغد دنياه )=ولاينحرم من ( نور عينه وعافيته )

المبدع / مطلق بن شويه !؟

[شتى]

.

.

سقـا الله ليالـي عوّدتنـي علـى لامـاه
......طريقـي عليـه ووقفتـي عنـد ساريتـه !!

صح السان الشاعر

وسلم بنان الناقل .. نقل موفق لقصيدة رائعة

.

.

[مسعطر]

نور عينه و عافيته ,,,

قريتها كم مرة ولا ملّيتها

صح لسانك و لسان ابن شوية ألف و لا تكفي ,,

تعجبني يا ذوّيق


تقبل مروري ,,
أستودعك الله ,,

[][ .. خــجــل .. ][]

وقف وقفة اللـي باقـيٍ يـوم مـن دنيـاه
ولمح غالـي أحـلام الحيـاه متعديتـه !!

= = =
وليفي عساني لو عدمتـه ماعـدم أرضـاه
ولا أعدم نباه !! وميلـت القلـب ناحيتـه

= = =
عسى الله يبرّي ذمتـي مـن خطـا فرقـاه
كثر ما أنتظرتـه فـي الـدروب وتحريتـه

= = =

الإنسان ودّه ينحرم مـن ( رغـد دنيـاه )
ولاينحرم مـن ( نـور عينـه وعافيتـه )


= = =

الـــلــــه الـــلـــــه ..

ياسلام عليك ياذويييييق .. والله دخلت معها جو ..
صح لسان شاعرها .. ويعطيك مليون عافيه على النقل المميز ..


ابدعت .. تقبل مروري ..

[الفرس]

سقـا الله ليالـي عوّدتنـي علـى لامـاه=طريقـي عليـه ووقفتـي عنـد ساريتـه

الله الله

ليا أمسيت في قطـع الخـلا مانـي بويـاه=ولا العيـن شايفتـه ولا الإذن موحيـتـه
الا ياوجـودي مـن فـراقـه ويـاعـزّاه=وجود الوحيد اللـي شريـدة عـرب بيتـه

على قولة خجل سرينا معها جو ..

صح لسان بن شويه ولا تقل ابداع عنه ان ماتعديته .. هذا رأيي ..

[أميرة الإحساس]

الإنسان ودّه ينحرم مـن ( رغـد دنيـاه ) ... ولاينحرم مـن ( نـور عينـه وعافيتـه )


يعطيك العافية عالنقل الرائع والاختيار الاروع ..

صح لسان بن شويه .. ولاهنت ..

[خالد وبس]

المشاركة الأصلية كتبت بواسطة شتى

.

.

سقـا الله ليالـي عوّدتنـي علـى لامـاه
......طريقـي عليـه ووقفتـي عنـد ساريتـه !!

صح السان الشاعر

وسلم بنان الناقل .. نقل موفق لقصيدة رائعة

.

.

مرحبا مليون يا شتى !
اتشرف بــ مرورك الجميل وتعليقك الاجمل
لا هنتي !؟

[الخزااامى]

يعطيك العافيه أخوي وصح لسانك//
والله يغير واقعك الي تعيشه الي أفضل منه//
ومن راح بدون أسباب فالدعوه سهالات :رح مهف امقيط يـوم مقيـط ودنـه رجولـه< مثل ما قال حمد السعيد//

[طائر]

الإنسان ودّه ينحرم مـن ( رغـد دنيـاه )
ولاينحرم مـن ( نـور عينـه وعافيتـه )

بيت جميل جدا ...... تأمل ووقفة ساكنة ...

صح السان شاعرها وتسلم يدين كاتبها

ولاتحرمنا من مواضيعك الجميلة

وفي الأخير شسويت مع طلبي ؟؟؟؟

[نـــورا]

الإنسان ودّه ينحرم مـن ( رغـد دنيـاه )
ولاينحرم مـن ( نـور عينـه وعافيتـه )

صح لسان قايلهاوتسلم يمين ناقلها

اختيار ذووق ياذوق ^ ^

وتمثّل واقعي اللي اعيشه !؟

الله يوفقك وييسرأمورك ويفرج همك ..

مودتــي /