يــــــ ( آل مره ) ــــــــــــ ( العجمان ) ــــــــ ( قبائل ) ـــــــــــام

[ايمن اليامي]

بسم الله الرحمن الرحيم

السلام عليكم ورحمة الله وبركاته

مساكم الله بالخير جميع وصبحكم الله بالخير

احبتي وآبائي واخواني وقبيلتي حقيقة لم افكر في يوم من الأيام ان اكتب عن قبيلتي (( يام ))

ليس لنقص بها لا والله ..

ولكن ومع العلم ان اغلب الشعراء يكتبون في قبائلهم

اما أنا فكان السبب الرئيسي وعندما كنت ذاهبا إلى ديرتي نجران وبعد العوده

اكتشفت ان هذه القبيلة اللتي انا منها لا توفيها قصائد الدنيا كلها ومع ذلك ربما لأني اريد ان اضع

بصمة لي كتبت هذه القصيدة فأعذروني يا (( يام )) على هذه القصيدة اللتي لم ولن توفي القليل من حقكم

لا اريد ان اطيل إليكم القصيدة :

ما نيب شايل هم تصويت وإرسال = ما دام ني يامي ومن لآبه عودا
لآبه بعز الشمس ما تحتمي إضلال = تهجم على عرين العدو كـ الأسودا
لآبه إلى من حدها حصن وجبال = دكت حصون الصين وجبال سودا
صبينا لا من وطئ الحيد زلزال = على العدى لوحده يصير الحشودا
واليا نخانا بالمواجيب رجال = نرسي على عز العزوم الشدودا
ويمسي بحمانا من الصناديد الأبطال = وننال مرتبة الشرف بالعهودا
حنا اللي يقصدنا له الضيف منزال = يشهد لنا التاريخ فعل الجدودا
إلحافنا شوك ودواشقنا أرمال = وقلوبنا دروع وشجاعة صمودا
أليا نوينا نقلب الساحة أقتال = سدنا الفهودا قبل تخلق فهودا
رصيدنا ما هو بشيكات و أموال = ولا هو تجاره مرجعه لليهودا
رصيدنا رجال خذوا العز مدهال = إل فعلهم في كل موقف شهودا
ذولا أنا وأبوي وجدي والأعوال = هذولا مره مقاطمين الكبودا
هذولا عجمانً نواوير الخصال = وليسلم العرجاني حقد الحقودا
ذولا الصقور ومن يعادي لهم نال = موت ردي وينقاد في القبر قودا
هذولا يامً عزوتي راحة البال = شرابة الدم المعدي الحدودا
كسابة النوماس ضافين الأفعال = خيالة المهر الأصيل الكدودا
يامً إلى قاموا الرديين الأنذال = احفروا لهم قبرً وصفو اللحودا
وجه محلف حطامة الضاد والدال = من صلب شيخ ملقبينه زهودا
ذولا عمامي وما يهونون الأخوال = رجال ً لهم أعروش تا قف عمودا
أشراف مكة عنوة التايه الضال = يبحث عن الدين الصحيح الزهودا
اطهر نسب بالأرض ولو ودك يقال = اطهر بعد اطهر نسب بال وجودا
محمد صلاة الله عليه وعلى آل = بيته الطاهر وصحبه الودودا
ذولا خوال ذولا عمام وما أزال = شريف النسب عايش بضل السعودا
حكام بالقران على مر الأجيال = عون الضعيف ووافيين الوعودا
أنا ترى من شعب ما مثله أرجال = شعب رفيع الشأن نعم السنودا
شعب إذا بقول على كل الأحوال = فديت يا شعبنا تخافه قيودا
بالغالي الأخضر تفاخر وتختال = وتهتز من عظمة جمالك حيودا
أنا العتيبي والمطيري وبن بلال = وأنا اقحطا ني ومن دماء آل عودا
وأنا من اللي فعلهم ميلة عقال = وهم أنا رغم اختلاف الجلودا
حنا الكرم حنا مباهير الدلال = حنا الصعب ومزاحمين الجنودا
يا خادم البيتين الناس والحال = في حكمكم يا سيدي عز زودا
يا سيدي في حكمكم فخر وإجلال = واعضم نعيم تحمر منه الخدودا
من قبل لكم اياتم واطفال واهزال = ومن بعدكم ابناء ورجالً رعودا
من قبل لكم كنا سيوفً تخلخال = نارد على ضرة بسيوفً غمودا
والحين لو صادف على الساحة اقتال = انا السعودي لعن ابو الف ذودا
يا سيدي انتو كما عسلً سال = وبجودة اصله وبمذاقه يسودا
انذوق منكم حلو وصفات الأنبال = انتوا العسل واحنا النحل الورودا
يحبكم دمع اليتامى والأطفال = وده بمسحة يديكم ما يعودا
يرقد ابقبضة اياديك الجزال = ويقلب إل دمعة فرح تسقي سهودا
يا سيدي حتى مقامات الجمال = اعلى مقامه ما توفي الجهودا
يا سيدي في وصفكم كيف أنا احتال = ما تقدره الخطاب يا كيف عودا
واللي أبا قوله من الوصف ميثال = من واقع الأيام رأيً سدودا
حن عندنا عبد الله وسلطان والفال = تفقأ من القوة عيون الحسودا

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ
الشاعر: أيمن بن حسين بن راشد آل ساري اليامي (( المحترف ))

[مبارك الجوفان]

حياك الله يالشاعر ايمن بن حسن
وصح لسانك ومشكور على هالقصيده

[الملكة]

ايمن اليامي
معاني جميلة.. صح لسانك

[شامان بوحدين المري اليامي]

أررررررررررررررحب يابوحسين ولاهنت على القصيدة الجزلة ولك الحق تفتخر مادام جدك يام.

[عبدالله آل عامر]

هذولا يــامٍ عـزوتـي راحـة الـبـال***شـرابـة الـدم المعـدي الـحـدودا
كسابة النومـاس ضافيـن الأفعـال***خيالـة المهـر الأصيـل الكـدودا
يــامٍ إلـى قامـوا الرديـيـن الأنـذال***احفروا لهم قبرٍ وصفـو اللحودا

صح لسانك وعلا شانك يالمحترف على هذه الرائعة ومرحبا بك معنا

تحياتي لك؛؛؛؛؛؛؛؛؛؛؛؛؛؛؛

[قلب الشوق]

صح لسااانك يا مبدع وعلا شانك

قصيدة جزلة من راس جزل بيض الله وجهك ياخوي

[سعود الخويطري]

ايمن اليامي



مرحبا ومسهلا والله يحيك




صح الله لسانك ولاهنت على مصافحتك الاولى وونعم في قبايل يام وكافة القبائل والمسلمين




تقبل سلامي واشواقي

[ايمن اليامي]

المشاركة الأصلية كتبت بواسطة مبارك الجوفان

حياك الله يالشاعر ايمن بن حسن
وصح لسانك ومشكور على هالقصيده

مبارك الجوفان

اتحيا ودوم

وصح الله بنك ولا هنت على هذا المرور الطيب

تقبل تحياتي

اخوك الشاعر

ايمن اليامي

المحترف

[ايمن اليامي]

المشاركة الأصلية كتبت بواسطة الملكة

ايمن اليامي
معاني جميلة.. صح لسانك

الملكة

صح الله بدنك

والف شكر على المرور

تقبلي تحياتي

اخوك الشاعر

ايمن اليامي

المحترف

[ايمن اليامي]

المشاركة الأصلية كتبت بواسطة شامان بوحدين المري اليامي

أررررررررررررررحب يابوحسين ولاهنت على القصيدة الجزلة ولك الحق تفتخر مادام جدك يام.

شامان

البقى يا غلاهم

فديت راسك

صح بدنك

لا عدمتك

تقبل تحياتي

اخوك الشاعر

ايمن اليامي

المحترف