ياللي تقول وتدعـي انـك إنسـان=وإن الكرامه فـي وصالـي تحـدك
ماهقوتي عندك مشاعر علـى شـان=تشتاق لـي وعـز نفسـك تـردك
حيرتني وأصبحت أنا فيك حيـران=ولا عاد أفرق بين مزحـك وجـدك
أبسألك هو الغـلا دون وجـدان؟؟!=ولا مفاهيم الغـلا غيـر عنـدك؟؟!
أهديت لك قلبي غلا وأنـت خـوان=جازيتني بكثـر القطاعـه وصـدك
إن جيت أبفرح جيتني أنت زعـلان=وإن جيت أبزعل قلت بيحت سـدك
فهمتنـي إن الغـلا زلـت اللسـان=وإن المشاعر موقفت يـوم ضـدك
لا تحسبني يـوم أداريـك عجـزان=ولا علـى ماقيـل مانـي بـقـدك
وإن كنت ماتدري ترى خاطري شان=وأخذ الحذر مني أنـا اليـوم نـدك
أبوهمك وصل(ن) وزيدك بهجـران=وبلبسـك ثـوب الشقـا وستبـدك
أبخدعك ورويك لا صرت ضميـان=وضحك وقول إني من الروح أعدك
أبي أشوفك غـارق بهـم وأحـزان=وأبي دموعك تجرح أطراف خـدك
حتى تعرف إن الكبر فيـك يفـلان=وداك لـي قمـة هلاكـه وهــدك
28-04-2005, 05:35 PM
العرض العادي
