يوم ابن حثلين في الترك مسجون اسير

[محمد مسفر العجمي]

مرحبا بك يا الامير الشجاع ابن الامير=يانسل من في المعارك زعيم ابطالها
نسل شيخ كان في الترك مسجون اسير=يوم جت حرب على الترك ما تقوى لها
انتخا ثم قال يا باشة الترك الشرير=عطني الزرقا الاصيله وانا خيالها
انت عطني فرصة وانتضر ماذا يصير=الحروب انا ترى قدها وانا لها
قال يا راكان يا راعي الجسم الصغير=ما تشوف الترك ماتو كثير رجالها
ما توقع باشة الترك با الشيخ القصير=انه يهزمهم وياسر لهم خيالها
قصة يفخر بها الشيخ والطفل الصغير=انتصر با المعركه والمعزه نالها
وسطر التاريخ فارس شجاع شيخ امير=نالها يوم ان غيره عجز ما طالها
والاماره في ال حثلين امير ابن امير=لين تفنى الناس ولا تزول جبالها
خالد ابن مشعل راعي الفكر المنير=كل حجه صعبة تعتبر حلالها
لك مواقف ترفع الراس يا السيف الشطير=والعلوم الطيبه انت من يعنى لها
ما انت ماخذ في علوم المراجل لك شوير=متعب نفسك على الكايده ترقى لها
انت فخر للقبيله وعون للفقير=ماني اللي قلتها كل شخص قالها
وميزتك من جاك ما قلت له لا ما يصير=ما يهمك كون كلمة نعم تسعى لها
وانت ابا المدات والجود با الوقت العسير=لا عطت يمناك ماهي تعرف اشمالها
جبت انا موجز قليل من الشي الكثير=والفضائيات خلها تبث ارسالها
والنهايه مرحبا يا الامير ابن الامير=عند ربع تكرم الضيف لما جالها

[ابو منيف]

صح لسانك يا محمد قصيدة رائعه ويستاهل المدح خالد بن مشعل

[هادي بن فهاد]

الله الله

صح السانك على ذالقصيدة الطيبه

والممدوح يستاهل

[اسكيت]

بيض الله وجهك يا محمد العجمي وصح الله السانك

ونعم باابن حثلين



\ اسكيت

[عبدالله بن غران]

صح لسانك يا محمد قصيدة رائعه

[فالك طيب]

بيض الله وجهك يا محمد العجمي وصح الله السانك

ونعم باابن حثلين

[محمد مسفر العجمي]

الف الف شكر على المرور المميز

مروركم شرف لي وكلامكم الطيب
الذي ليس بغريب عليكم

لكم جميعا مني احلى واجمل تحيه

[ابن هضبان]

تاريخ يشرف


ونفتخر به

[محمد مسفر العجمي]

غغغغعععددددددددددددددددددددددددددددد

[محمد مسفر العجمي]

....................................... ًًًًً