أبـــوي عزّي وآنآ لآجيت عز لّه ’~’]]

[ڠـٍڜـٍڨ پـٍڋۋۑۓ]

قصيدة معبرة فيهآ أسمى عبآرآت الحب و البر لـ / الأب

أهديهآأبوي
متعه الله بالصحة والعافية

أبـــوي عزّيوآنآ لآجيت عز لّه


سلّم على اللي عطاني شي مايعطى
الشايب اللي رهنت العمر له كلّه


هو تاج راسي وهو ساسي ونبراسي
وهو بعد ظلالله اللي ظلني ظلّه


من غيره اللي يقدمني على نفسه
ويرفع خمالي ويدمح عنّي الزلّه


سلّم عليه اربعه مليون تسليمه
وقلّه يا هوجاس قلبي بعدها قلّه


يلعنّي الله وتلعنّي ملائكته
ان كان عمري ما سقته كلّه ارضا لّه


اكبرها نطحة عدوٍ يبغي الضدّه
واصغرها لو انفعه فيصبّة الدلّه


نذرٍ علي ماافتخر فيها ولا اجامل
ابوي عزّي وانا لا جيت عزّله


ما هي بكلمة ضعيفٍ ما يثمنها
والهرج كلٍ يبيه ان جاء على حلّه


انا لبوي اثقل من طويق وجباله
واسرع من البرق لا من جاء لزوملّه


بالله وشني بعد حيٍ على شانه
ان مانفعته خساره اطلع ابن لّه


انا معه فأوّل الدنيا وتاليها
وماني بناسي كلامه لا حشا لله


حتى لو اروح وامشي لاخر الدنيا
انا على اللي عليه ودربي ادلّه


ما ني بخاوي من الشلاّت ضايعها
انا على العود ماني من هل الشلّه


اللي تبيع الشرف والدين والشيمه
وتخلّي العقل فيه اربع ميةخلّه


انا على عز ابوي وما بنى جدّي
والطيب والمرجله صارت ليجبلّه


الطيب آرافقه لو تبعد دياره
والفرصه اللي تجيبه تبري العلّه


واللاش ماارافقه لو هو ولد عمّي
ماهو بكفو لّي وماني بكفولّه


وان ابتلاني عدوٍ رافعٍ خشمه
بسل سيفي وليش السيف ما سلّه


دامه عدوٍ بلاني ويش اسوي به
مثل اختي ان كانها تدخلني الذلّه


بابيع نفسي لو ان الموت قدامي
والموت واحد وانا ديني على الملّه


وان ابتلاني ضعيفٍ ماعلي منّه
مادام يجهل دقاق الهرج منجلّه


وانتم يا حساد قولوا ماتقولونه
اللي بقلبه غليلٍ يبطي بغلّه


سلّم على اللي عطاني شي ما يعطى
الشايب اللي رهنت العمر له كلّه


سلّم عليه اربعه مليون تسليمه
وقلّه يا هوجاس قلبي بعدهاقلّه


في ذمتي ماعلي من صكّة الدنيا

مادام حيٍ لي ومادمت حيٍ له




وسلامتكم...

[نوارة]

الله يعطيك العافية

لاهنت

الله يخلي لك ابوك
ويخليك لابوك

[ڠـٍڜـٍڨ پـٍڋۋۑۓ]

حيإكمً إلـآـهٍ ’~’]]
وإسعدتونيُ بتوإجدكمً’~’]]

[ثامر الشميعان]

صح لسانك
ولاهنت على القصيده

[فالك طيب]

عشق بدوي

شكرا لك علي هذه الابيات الجميله

ويستحق كل الاب هذه القصيده

وفالك طيب

[ڠـٍڜـٍڨ پـٍڋۋۑۓ]

حيإكمً إلـآـهٍ ’~’]]
وإسعدتونيُ بتوإجدكمً’~’]]

[المااسه]

صح السآانك
لاهنت ويعطيك العـآافيه ..

[عـســاف]

صح السانك

ولاهنت على الاقصيده

[ڠـٍڜـٍڨ پـٍڋۋۑۓ]

حيإكمً إلـآـهٍ ’~’]]
وإسعدتونيُ بتوإجدكمً’~’]]