تصبر ياكبد يسقيك الصبر عـــقــب الـــمحــال= يا الله عسا تسقيك غيمة بالمحبة حاضية
القاع يسقيه المطر والقلب يحــييه الوصــــال= تسقا من الثنتين ياقلبٍ عروشـــه فاضية
لامن ذكرت اللي سبا عقلي ليا هبت شـــــمال=غنيت يا وجدي على ذيك السنين الماضية
والجادل اللي ناظرتني بس ما قالت تـــعــــال= أنا أشهد انها حطمت قلبي بضربة قاضية
ناديتها ياجعلــــني فــدوة لــجــل ذاك القبـــال= المقصد مشاهد ونفسي بالمشاهــد راضية
ويوم ابعدت قلت اسعفيني دام مالي طول بال = أنا جنوبي والصبر بالـكــبد نــــــاره لاضية
حاولت أجيها من خلال ومن خلال ومن خلال=ركضت لكن للأســــف ما قدرت مركاضية
علمتها دمي علـــــيها لاهـــدر ما هو حـــلال=وفهمتها يمكــــن ليا من قــلتها تعــتاضية
رفعت دعوانا على جمعيةٍ حمرا الهــــــــلال=ويوم وصلت للمــحكمة لقيــتها هي قاضية
ياويش أسوي دام شوقي كل مايزداد ســـال =ويا ويــش أسوي دام نفسي بالحبة راضـية
جربت حبه وانكويت وصابني منه جفــــــال = وجربت بــعده وانتهى قلبي بضربة قـــاضية
بعض ألاوادم تبغضه لو هو كثير ألاتصـال=وبعض ألاوادم مــنه يكفينا رسالة فاضيــــة