استفتاء حول مشاعر مختلفه في ظروف متشابهه

[وافي بن وافي]

المشاركة الأصلية كتبت بواسطة النـوف

دام الفرقا مكتوبة .. لا بد من الرضا
و الكثير منا يمقت البقاء بالاحزان و الهموم
لانها مو من صميم أخلاقنا
فالتغلب عليها و البعد عنها نعمة لهم
لكن هذا ما يمنع ان تكون هناك ذكرى
لذا أفضّل البيت الثـاني !


لا ضامت يمينك ع الموضوع
تقديري

باهلا ومرحبا يالنوف الله يحييكِ ويحيي وجهه نظركِ المحترمه والمقدره ... لك مني أجمل تحية .

[وافي بن وافي]

المشاركة الأصلية كتبت بواسطة عليل المحبه

تركت المكان اللي جمعنا عقب فرقاه..على شان شوفه خالي منه يشقيني
الى شفت حاجاته وحصلت بعض اشياه..تزايد علي هموم قلبي وتبكيني



بري حالي من الفرقا

عن نفسي مؤيد لهذا البيت
يمكن لان القلب رهيف ولا يتحمل الاطلال
رغم ان بعض الاحيان أحن للمكان ولكن

بيهيضنا على الفاضي


لاهنت يالغالي

والقائل مايهون ياأخي العزيز عليل المحبه اشكرك واقدر لك هذا المرور الطيب والمشاركه بوجهه النظر المحترمه وقد اسعدني اكثر انها متطابقه مع وجهه نظري تحياتي وتقديري

[مسعطر]

مدري ياخوك ,, ما مر علي ذا الموقف ,,

لكن اتوقع يفارق المكان احسن ,,
و يمره كل ما سنحت الفرصة يجدد العهد ,,



و يمكن يمر على فاله مهوب قاصد ,,
و يقول :

جيت المكان اللي بدا حبنا فيه = و أمطرته عيوني بدمع الحنيني
الى متى ناوي فوادي تعنيه =تحرم عيوني منْك يا شوق عيني
عمري بلا قربك وشوفتك ما ابيه = من دونك الدنيا ملــــل يا ضنيني

و يمكن و هو احسن حل ان الواحد ينسى كل شي

[وافي بن وافي]

المشاركة الأصلية كتبت بواسطة خالد وبس

اعجبتني مقولة البندري

طريقة انتهاء العلاقه او السبب في الفراق
له الدور الاكبر في هذا الموضوع ..!


وانا بحاول تلخيص رايي .. بـ ابيات :-

اذا صارت الفرقا .. مابيني وبينه غصب = بمر المكان اللي جمعنا .. وببقى فيه
لكن كانها فرقا خيانه .. وغدر .. ونصب = ابروح .. واوسّع له الدار .. واخلّيه!

وتسلم يمناك يا وافي
على الموضوع الرائع جداً

وانت سالم وغانم ياشاعرنا العذب والمبدع الله يحييك ياأخي خالد اشكركم واقدّر لكم هذا المرور الطيب والمشاركه المميزه بقالب شعري جميل .. تحياتي وتقديري

[وافي بن وافي]

المشاركة الأصلية كتبت بواسطة قآيدة الغزلآن

صرآحةً موضوع حسـآآآس ومؤلم


انا اقول للأول اللي قال


قال الوداع وقلت هذا مكاني..والله لوطال الزمن ماتعداه
امّا الى منه رجع له لقاني... ولاّ يكفّيني محله وذكراه


ياراعي الابيات علم بياني....من ودعك لابد ترضى بفرقاه
اما يجرب حب مخلوق ثاني....والا بيمشي يقضي امور دنياه


واقول للثاني اللي قال


تركت المكان اللي جمعنا عقب فرقاه..على شان شوفه خالي منه يشقيني
الى شفت حاجاته وحصلت بعض اشياه..تزايد علي هموم قلبي وتبكيني


الامنك رحت وفز قلبك على طرياه...فلابدك تعاود مكان المحبيني
ترى الحب بلوى كل عاشق وله بلواه...عسا ربي يشافي قلوب المساكيني



انا ضد الاثنين


الصحيح مثل ماقال ابو حمد


اروح لمكان خابره خابره ياتيه.....اسوق القدم يمه وهي مالها حاجه
لعل وعسا ماحدني للمجي يدعيه....واشوفه وانا ماودي اسبب احراجه




/,



السموحه ع الآطآله

ولكن آعجبني الموضوع .. يعطيك الف عآفيه ..~

ياهلا وسهلا ومرحبا بالاخت الفاضله/ قائده الغزلان لاهنتي وسلمت يداكِ فقد شرفتي وامتعتي بهذا الصدى الراقي .. لكِ مني أجمل تحية .

[وافي بن وافي]

المشاركة الأصلية كتبت بواسطة مسعطر

مدري ياخوك ,, ما مر علي ذا الموقف ,,

لكن اتوقع يفارق المكان احسن ,,
و يمره كل ما سنحت الفرصة يجدد العهد ,,



و يمكن يمر على فاله مهوب قاصد ,,
و يقول :

جيت المكان اللي بدا حبنا فيه = و أمطرته عيوني بدمع الحنيني
الى متى ناوي فوادي تعنيه =تحرم عيوني منْك يا شوق عيني
عمري بلا قربك وشوفتك ما ابيه = من دونك الدنيا ملــــل يا ضنيني

و يمكن و هو احسن حل ان الواحد ينسى كل شي

ارررحب يامسعطر ويالله حيّه في ذمتي ان حظك كبير كانه مامر عليك ذاالموقف امّا انا مازلت عند رأيي في البعد عن الموقع واتمنى لو اغير المنطقه .. اسعدني جدا هذا المرور الرائع ... لك مني أجمل تحية .