مسموح لي المشاركه .. ( هنا ) ؟

[الرسام]

السلام عليكم ورحمة الله وبركاته



اسعد الله اوقاتكم بكل خير






..


..



مدخل :



عشان من قالت :

يا

لبى وجودك



هذي طرايف

من مشاعرقديمه



..


..






بسم الله

علـى شريـط القـنـوات الفضائـيّـة=كل ٍ يتابـع نـزول السـوق وافلاسـه
احد ٍ يقول : ( الحكومـه مالهـا نيّـه )=واحد ٍ يقول : ( التجوري عند حرّاسـه)
وانـا علـى موجـة ٍ لا ذي ولا ذيّــه=أهيجـن اللـي يماريـنـي بنوكـاسـه
يسترسـل البـث ( موجـات ٍ خياليّـه)=واسترسل الحبْـر والدفتـر وقرطاسـه
البارحـه .. والوعـد قمّـه رومنسيّـه=في حزة ٍ ما دروا ناسـي ولا ناسـه !
علـى دروب المحبـه روحـه وجيّـه=تزاحمت ثـورة انفاسـي مـع انفاسـه
اهديت له ( قلب ) و ( أشياء ٍ ثناويّـه)=ومـن الحيـا / يبتسـم ودنـق براسـه
لبـى خفوقـه ,, والاطبـاع الحياويّـه=زادت على الشاعر المفتـون هوجاسـه
والشوق !؟ ( غلاب ) واللي جاب طاريّه=( موجة غلا ) ماتعرف السوق وافلاسه

وسلامتكم


للتواصل فقط

[محمد الغيثاني]

مرحبا بك يالرسام


ولا هنتي على القصيده والتواصل

[shmoo5_ al_ajmy]

الرسام

لاهنت علي القصيده

تقبل مروري

[العـــسر]

والشوق !؟ ( غلاب ) واللي جاب طاريّه
( موجة غلا ) ماتعرف السوق وافلاسه


الله الله

صح لسانك يالرسام ولاهنت على هذا النص الجميل





تقبل مروري

[خالد وبس]

يا مرحبا مليون يالرسام
ماشالله عليك صاير مثل البدر اللي ما يطلع الا فالشهر مره


صح السانك على القصيده الرائعه
عذبه عذبه يا عذب



تحياتي لك

[الغروب]

الرسام

ابيات جميلة ---وصح لسانك

لك جزيل التقدير.

[النـوف]

×



صح لسانك على روعة بــوحك

تقــديري

[حـــوران]

البارحه .. والوعد قمّه رومنسيّه
في حزة ٍ ما دروا ناسي ولا ناسه

ياجعلها بعد قمة معمّر


انا جاي ارحّب بك هنا , واما القصيدة انت خابر رأيي فيها
صح لســانك يازعيم

[عايض الوقدان]

عساك ما تفلس من القصيد اللي مثل هذا



مبدع يا الرسام ..


صح السانك على الراائعه

[عويضه الوقدان]

الرسام


صح لسانك وأعتلى شانك

رسمة لوحة فنيه على شكل قصيده

مبدع ورائع

تقبل تحيتي