وهذه القصيده تقوم بوصف دمعة رجال انقسمت الى اربعة انواع....
واتنمنى ان تعشوا معها احلى اللحظات.....
في ليل والعالم مهاجيع هجاع=ضاقت بي الدنيا وكل الوسيعه
لديت لين الوقت صاير بالاشفاع=هلت دموعي فوق خدي سريعه
وشفت دمعي منقسم لربع انواع=وكل نوع(ن) قال مابه جميعه
القسم لول منطوي بين الاضلاع=يسقي عيوني من حدايق ربيعه
لجل اللذي ذكره سطى بين لسماع=من حد نجران(ن) الين الوديعه
صوتي بذكره للعرب دوم ذعذاع=من مثلهم بالناس ماحن نبيعه
كل(ن) يجيه من الزرا ظلم واوجاع=ولنا لحكم الله قلوب(ن) سميعه
والقسم لاخر في تواصيف لمتاع=بعض المتاع اللى يفشلك ريعه
قلت اللذي للعز والجود ماباع=وشاف عادات العرب ما تطيعه
لا شاف ربعه في القهر قام فزاع=يفعل معاهم ما قدر يستطيعه
وربعه على فعل الخجل دوم سراع=ماهي بقول الله ولا بالشريعه
والثالث اللي انتقيته معي ضاع=قد صابني فقده بصدمه فضيعه
لانا السفيته هو لها نور وشراع=انا اشهد انه صابني بالفجيعه
مات وتركني انزع الدمع نزاع=روح وخلى النفس بعده قطيعه
كنه يزعزع مرقدي اليوم زعزاع=واشوف وجهه في وسوم(ن) بديعه
والرابع اللي بالحلا فيه ابداع=ومن الشعر يسدل جدايل بريعه
ابو عيون(ن) داعجه سود ووساع=واموت في رمش العيون الوسيعه
من فضل ربي زاد جمله باطباع=اطباع تدرس في علوم الطبيعه
قسمت قلبي للغضي لربع ارباع=عشقه....وحبه ...والوفا....والوريعه
واختم كلامي قد شرحت اربع اوضاع=واغمضت جفن(ن) كان دمعي منيعه
وسلامتكم.
كتبت بدموع:
محمد جمشان في ليلة الاربعاء الموافق 10\ 8 \ 1423ه.
الساعة الثاثة فجرا.