السلام عليكم ورحمة الله وبركاته ,, أهديكم مجموعة من القصايد القصيرة والخفيفة وبعض مطالع القصايد وأتمنى أن يعجبكم منها ولو بيت واحد ..
>>>>> أنا في الكويت وهي في السعودية
يفز قلبي ياحبيبي لا طريت=ياعسى طيفي على بالك طرى
وياعساني من خيالك ماأمحيت=وياعسى قدري الثريا لا الثرى
كان لي عقل ولكنك خذيت=عقلي وروحي ولا أحد(ن) بي درى
ودي أسلى عنك لكن ماقويت=كل ما حاولت حاربني الكرى
ساهر(ن) طيفك معي بليل الكويت=تسري هجوسي وطيفك ما سرى
[/poem]
>>>>> ودي أشوفه وش الحل
أنتي يا ساس المحبة أنتي يا أحلى البنات=يا هوى قلبي بحبك لا تخلينه يتية
يا هنوف(ن) من هواها ما عرفت إلا الشتات=قولي لي بالله بعدك كيف ممكن أحتويه
أرفقي برمش عين(ن) من عرفكم ما يبات=ساهر(ن) ليله ويرجي لو معذبته تجيه
الوصل في إيدينك أنتي عجلي قبل الفوات= وأرحمي شخص(ن) لشوفك سوا كل إللي عليه
>>>>>,وعدني وأخلف بالوعد
طرف الليل وعيوني مالها طاري منام= واهني منهو منامه درب عينه دلها
ياعناي إللي يتزايد كل ما حل الظلام=وروحي إللي فوق كفك كل هم(ن) تلها
ياعديل الروح قلي وش جرى مني حرام=تجرح الروح المحبة وتهانى بذلها
أصطليت بنار حبك ما بقى غير العظام=وأنت يا خلي تفرج و جايز(ن) لك ظلها
لا تصدد ولا تردد ولا تجمل بالكلام=وصادق أعذارك فديتك عند غيري خلها
العذر عندي سلامك يامنسيني السلام=وضمة إيدينك لإيديني لين يبرد غلها
>>>>>أدلعها القطوة ( لا أحد يستغرب أو يضحك)
يا...... لشوفتك القلب ذايب=وده بشوفة عيونك مرة(ن) وبدون غطوة
ووده بجلسة غرام(ن) تجتمع فيها الحبايب= بس أنا وأنتي ولا أحد(ن) له علينا أي سطوة
ودي أشبع من سلامك ومن كلامك والمصايب=تنجلي إليا من ضحكت وقلت لي يازين : قوة
وودي أشبع من عيونك ومن خدودك والهبايب=تلعب بمجدولك إللي له في بحر العشق حظوة
أدري إنك لي بعيدة والأمل في الشوف غايب=وأدري أن الألف ميل مشيها يبدأ بخطوة
وآنا لك بمشي وأسابق في المشي بيض السحايب=وإن حصل شوفك بكيفك وإلا حصلناه عنوة
ما هو بكيفك في نار الحب تحرقني اللهايب=وأنت يا خلي تفرج ولا يصيبك أي جذوة
صدق لا قالوا عذاب القلب هو عشق القرايب=خاصة(ن) لا صار عشقي ياعرب كله لقطوة
وســـــــــــــــلامتكم
محمـــد العــــرجـاني