قصيده رائعه للشاعر احمد الجريفاني
اعجبتني وحبيت انقلها لكم
ياشين قل الوصل من بين الاحبـاب=خصن ليا صار المواصـل مكاتيـب
حبن بليـا شـوف ذبحـن للالبـاب=ماتغنـي العشـاق كثـر المناديـب
(ولاتنفع الوقفه ورا زلفـة البـاب)=وشلون تطفي با القلـوب اللواهيـب
في ديرتن وحده بعيديـن واغـراب=حتى المكالم بيننا يا الغضـي عيـب
معذور قلبن يجـرع الهـم لـو ذاب=ومعذور لو شقيت من شانك الجيـب
رفعت قدرك يا الغلى فوق الاهـداب=الشاهـد الله ربنـا عالـم الغـيـب
انك غرامي بيـن تلعـات الارقـاب=وان الغلى مافيـه شكـن ولا ريـب
بس افهميني شخص با الحيل منصاب=يسهر لحاله كيـف يلحقـه تثريـب
لامن دعاه الشوق والشـوق غـلاب=قمة هناته شـوف سيـد الرعابيـب
حسبت يا روحي لكم ميـة احسـاب=ابشـرك رجـال لـو قيـل ياذيـب
المرجلـه ماهـي بتفتيـل الاشنـاب=ولا كل شخصن يكسب المدح والطيب
المرجله ماهـي صفـة كـل كـذاب=اللي حياتـه كـل ابوهـا عذاريـب
المرجلـه للـي ينالـون الاعجـاب=بافعالهـم ويـقـدرون المواجـيـب
والحب ما درس على صفحة كتـاب=مالـه عـدو ولا يعـرف المعازيـب
الحب من عند الولـي رب الاربـاب=ولايقبـل اللـي يخلـق الله تكذيـب