صلوا على النبي
هادي تراني من عنا الوجد محـروق=كب الخفا واتـرك عيونـي سهيـره
خلني على بلواي لو ذقـت مـا اذوق=تقلب عليك اصغـار فكـرك كبيـره
ويش حيلتك ياخوك لا صرت مشفوق=ابشوفة اللي مالـك ابشـوف غيـره
واصبحت ويا الحظ لاحق وملحـوق=واسقاااك من مر الهـوى قمطريـره
خشف حلاه ايشيب الراس غرنـوق=زمت نحرهـا تحلـف انهـا اميـره
تقول كنه من سنـا النـور مخلـوق=مـن قصتـه لحـد ماطـى مسيـره
في مشيته يجذبـك بالفـن والـذوق=لا هي طويله قـد ولا هـي قصيـره
كنه حمام الصبح لمـا اعتلـى فـوق=بت الجنـاح وقـام يكفـخ مطيـره
وغدرى الشعر لا طاح بالنص مفروق=بشقفة قمـر يغشـاه لمعـة حريـره
والرمش من عينه كما الحـد مفتـوق=من هي نوت بـه يالله انـك تجيـره
وبسمة ثغره اتعد بالشمـس وشـروق=لمـا اعتلـت تـل الشفايـف تنيـره
ادخل معه في جو ضحكه ولا فـوق=كن القهر من مـوق عينـي تثيـره
والا البلا لا جات تغريـك بالشـوق=متلبسـه بالطيـب نفـس شـريـره
ثم اتركتـك بتايـه الفكـر مصفـوق=ادق صـدر (ن) بيـن فيـه حيـره
زايد حلاهـا مالـك 1000معشـوق=وانا على مشكـاي ذقـت المريـره
من حج عاما مرجه الصوت طاروق=ما نوخت بركـاب عينـي ضريـره
فاشهد تراني من عنا الوجد محـروق=لكن عسى المقسـوم ياخـوك خيـره