الآدمي ضيف والدنيا معازيبه.. قصيدة لـ سعود القت بإنشاد رائع

[عبدالله آل عامر]

بسم الله الرحمن الرحيم
:
أسعد الله أوقاتكم مرتادي مجالس قبيلة العجمان الكرام بكل خير
:
أقدم لكم قصيدة مضى عليها 3 سنوات وهي للشاعر المبدع: سعود القت
:
وسمعتها هذه الأيام بصوت المنشد الرائع: أبو غسان
:
أترككم مع القصيدة فيديو بصيغة mp4 و wmv
وصوتياً بصيغة mp3 ومشاهدة واستماع ممتع للجميع
:

قال الذي قاسى من ماضي تجاريبه = له مدةٍ صفحة الماضي يراجعها
الوقت ما دوم صافيةٍ مشاريبه = لابدّ من ساعةٍ تشكي مواجعها
الآدمي ضيف والدنيا معازيبه = والضيف لازم معازيبه يودعها
لو شاف من ثغرها بسمة وترحيبة = لابدّ روحه ملاك الموت نازعها
شيٍ كتب في سجله لازم يصيبه = أقدار الأمة موقّتٍ مدافعها
ياللي تذم البخت وإنته تسابيبه = مقياس جيد السلع جودة مصانعها
ما كل طيرٍ يعشنه مخاليبه = ولا كل لقمة تسد لجوع جايعها
كم مستريبٍ ولا بانت به الريبة = وكم من نزيهٍ عباة الشك قنعها
السيل غير مساره عن مساريبه = روس الخليقة مشت مع درب تابعها
بيت الشكالات مرخيٍ في أطانيبه = أهل الودايع تخلت عن ودايعها
ولا عاد للبعض لا قيمة ولاهيبة = من يوم بعيونها بادت طبايعها
وصار القياس الحقيقي للرجل جيبه = والناس شالت ضررها في منافعها
من زاد ماله لزوم تزيد أصاحيبه = لو صملته لا لفحها القيض ميعها
ومن قل ماله تبا تكثر عذاريبه = لو كان لا كبرت الدعوى يسنعها
ومن يعترض في نحاة السيل ينحي به = لو كان نفسه هواها ما يزعزعها
يقل سعر الفشق سبة مكاذيبه = وتوزن حمول الأصايل من تهجرعها
والرجل ما يشبل إلا في ذواهيبه = ما هو عصا للبشر ويرد تايعها
ما يعترض كلمةٍ ما طلعت شيبه = بضاعةٍ بين سايمها وبايعها
رحاة جاشٍ برمها الوقت ولهيبه = وفاعت هجوس الفكر من حر لايعها
من صلوها قلط الكيف لشواريبه = فنجال من دلةٍ ما الوقت طايعها
عقدٍ من اللول منظوم للواعيبه = في جيد من ذيّروها من مراتعها

:

:
للتحميل بصيغة mp4 (تعمل على الجوال)
:
للتحميل بصيغة wmv
:
:

:
للتحميل بصيغة mp3
:
تقبلوا تحياتي وتقديري
:

[هادي بن فهاد]

عبدالله ال عامر واصل ولا تفاصل .. الله لايهينك يالسنافي على المجهود بارك الله فيك

[عبدالله آل عامر]

الله لايشينك يابو فهاد.. تسلم على تشريفك المميز
:

[الريمي 2009]

الله لايهينك ياعبدالله بيض الله وجهك

لاهنت يالسنافي

تقبل مروري

[عبدالله آل عامر]

الله لايشينك يالريمي 2009 ووجهك أبيض يالسنافي
:

[someone]

الله لا يهينك اخوي على وضعك للقصيده
لاهنت يا النشمي

[عمر الرشيدي]

وصح السان الشاعر ][ سعود القت ][

لاهنت اخوي ][ عبدالله آل عامر ][

يعطيك الله الف عافيه على النقل

تقبل تحياتي

[عبدالله آل عامر]

الله يعافيكم ولا ندمتوا
:
تسلمون على تشريفكم
: