[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الصبر مفتاح الفرج والحق شمسه ماتغيب=ومافيه يدٍ قادره الا يد الله فوقها
يالله ماغيرك نصلي له ولا غيرك حسيب = رحماك من ظلم النفوس ومن حماقة ذوقها
نطرد ورى شهوات الانفس من بعيد ومن قريب=وانسج عن شيٍ يتل الكبد من معلوقها
اكبر دليل القدس يسبى والعرب مامن مجيب=كلٍ يراعي لذة الدنيا ويخشى عوقها
واليوم وصلت عند ابو القاسم وقدوتنا الحبيب=الله واكبر والنفوس اتموت دون حقوقها
يانصرة الاسلام وش باقي ورى الصمت الرهيب=الذل يقهر واليدين تذود دون حلوقها
حنا اصطفانا الله من بين الامم والله رقيب=فينا المعزه من خلقنا ماكسرنا سوقها
نضرب بسيف الحق مانظلم ونؤمن بالنصيب=وارواحنا كنها الجوارح والقرار اسبوقها
ناتي على صوت الامام ونحفظ القران غيب=ولاناكل اموال الضعيف ومانفكر بوقها
هذا قبل . مانرغب الدنيا ونرضخ للحريب=قبل انتهاون في عقيدتنا وقبل ان انعوقها
اليوم نسكت عن إهانتنا ولا ننكر غريب=لان الحياه الفانيه كلٍ غدى معشوقها
تطاولو على الرسول الكافرين اهل الصليب=وحنا نجاهد بالقصايد لا استوى طاروقها
هذا اضعف الايمان لا صار العدو ماله طليب=يمكن نخفف من همومٍ ضيّقت صندوقها
نصادق الافعى من ابواب المصالح والمريب =السم واضح في لسان ام الجرس واشدوقها
صارت مصالحنا تحكم والعدو اصبح صحيب=لا بارك الله في نبات الحنظله واعروقها
مادام في الديره مساجد فالفرج منه قريب=الواحد القادر عزيزٍ وقفته مافوقها
انا اشهد لا اله الا انت يالفرد المجيب=رحماك من ظلم النفوس ومن حماقة ذوقها[poem]
الله الله .
الأَخ/ حمد بن دريب .
لله دُرَّك حَتَّى تَرْظَى كَتَبْت فَأَبْدَعْت فِي الذَّود عَن نَبِيَّ الرَّحْمَه .
وبِالفِعْل نَحْنُ عَلى أَعْتَاب نَصْ يَفوق الْوَصْف فـَ صَحَّ فِكْرُك وَسَلِمَت يَمِينُك .
تَقَبَّل أَسْمَى آيَاتْ الإِعْجَابْ .