يوم صاح الليل فـ.. اطراف النهار=واستجـارت نجـد ويـن عيالهـا
يوم عـم الظلـم فيهـا والدمـار=والجهـل عانـق سـواد جبالهـا
فز شيخ وقـام صلـى واستخـار=وصاح نجد اليوم حـان وصالهـا
ودع اطراف الكويت ودمـه فـار=وتبـعـوه الاربعـيـن ابطالـهـا
جا (معزي) والقروم اللـي تغـار=فـوق هجـنٍ مطلقيـن حبالـهـا
جا بيده .. دبله . وعقد . وسوار=وسيف عز لنجـد يشـرح بالهـا
وغردوا بوجيهـم شيـب وغمـار=والـف عـذرى خودتـه بشالهـا
وانفتح له بـاب نجـد واستشـار=ثـم تفيـا تحـت وجـه ظلالهـا
ونادت عيون الحسا قـال انتحـار=وماتنفـس ليـن شـرب زلالهـا
ثم توجـه للحجـاز وقـال عـار=قـال سلـم وسلموهـا اقفالـهـا
واتجـه للبيـت صلـى ثــم زار=وخدمت البيتيـن شـال احمالهـا
ورد وجهـه للشمـال واسـتـدار=يـوم حايـل اشتـكـت حالـهـا
شب نـار المعرفـه لحـدود ثـار=قـال يـام وعاهـدوه رجالـهـا
وحد اطراف الجزيره ليـن صـار=كـل عقـده صـار هـو حلالهـا
ثم حمس بن السياسه فـي وجـار=ـم تقهـوى بـن شقـر دلالهـا
لين صارت دارنـا ماهـي بـدار=جنـة خضـرا يثـيـر هبالـهـا
واتبعوه اخوان نـوره بالخضـار=ثـم كسوهـا سحـر زاد خبالهـا
لي جانا عهد ابـو متعـب منـار=شيخنـا اللـي كـل عليـا طالهـا
هو ابونا.. وابن ابونا.. وابن بار=ومو غريب احمالنـا لـو شالهـا
مـن عمـارٍ يابلدنـا لـي عمـار=للبلـد واهـل البلـد ورجالـهـا