بسم الله الرحمن الرحيم
وصلنا خبر عن افتقاد طفلة في محافظة المجمعه عمرها حوالي ثلاث سنـوات
والكل لا يعلم هل هي مخطوفه ام مقتوله ام ماذا وماذا كثرت الروايات والأقاويل
ولا نعلم بل علمها عند الله بل نسأل الله ان يعيدها سالمه معافه فبعد سماع الخبر
في الصحف والمجلات والتلفزيونات قمت بنظم هذه القصيدة التي أطرحها بين
أيديكم واتمنى أن تنال إعجابكم
ولكم مني فائق الإحترام والتقدير
قصيــدة إبتهــال:
يالله اببدى الشعر والقيل والقال=وابكتم العبرات والقلب صايب
بالمجمعة صارت فجيعه بها اهوال=هزت ديار سدير وحطت مصايب
قالوا هنا طفله ترا زولها زاال=غابت عن عيون الأهل والقرايب
أوصافها تلبس يقولون بنطال=اللون سيماوي ولا فيه عايب
سال الدمع داخل عيون امها سال=وبقلبها كثرت جروح عطايب
كل المطيري يا عرب حالهم حال=راجين رجعة بنتهم ياحبايب
سلطان ابوها ضايق الصدر والبال=وأعمامها وأخوالها والصحايب
يارب رجع ابتهال في هالحال=وكفكف دموع امٍ تهلهل سكايب
ان كان مخطوفه ترا والله اخبال=وش مطمعك يا من عملت العجايب
بنت صغير ماهي مطمع لرجال=فيها البراءة داخل الوجه ذاايب
ان كان قصدك مال والله ترى المال=كم واحد وقف بماله وجايب
وان كنت ناوي تنتقم والله اهبال=وش ذنب طفله مالها بالسبايب
كثر التخيل فيه اقوال واقوال=يم ابتهال اللي علمها غوايب
الكل واقف يالمطيري على جال=والكل يمك صار لزم وقرايب
ياربي يلي بالسماء دايم عال=طالبك انا رجع جميع الغوايب
رجع بنيه زولها راح وانزال=وخل الفرح يا رب فينا هبايب
وهنا الرابط حق الصوت بصوت خالد بن محمد المحفوظ.
b..ra" type="audio/x-pn-realaudio-plugin" CONSOLE="http://www.5ymah.org/up/uploads/4462453
b..ra" CONTROLS="ControlPanel,StatusBar" HEIGHT="60" WIDTH="300" AUTOSTART="false" AllowScriptAccess="never" nojava="true">
وللحفظ
اضغط هنا
الشاعر: خالد بن محمد المحفوظ.